کارتی کورد و یارییە گەورەکەی ئەمریکا

ئەوەی تورکیای شێواندووەکات و شێوازی جووڵەکانە ئەمریکا دەیەوێت لە ڕێگەی کارتی نەتەوەکانەوە گوشارەکانی بۆ سەر تاران بگەیەنێتە لوتکە تورکیا لەوە دەترسێت کە واشنتۆن بۆ لێدان لە ئێران سەربەخۆیی یان فیدراڵی بە کوردانی ڕۆژهەڵات ببەخشێت بەبێ ئەوەی حساب بۆ بەرژەوەندییەکانی تورکیا بکات بۆیە دەبینین تورکیا لەم دواییانەدا زیاتر لە ئێران و عێراق نزیک دەبێتەوە چونکە بەرژەوەندیی هەر سێ دەوڵەت (تاران، ئەنقەرە، بەغدا) لەوەدا یەکدەگرێتەوە کە نەخشەی ناوچەکە وەک خۆی بمێنێتەوە.

کەواتە تورکیا لە بەردەم تاقیکردنەوەیەکی سەختدایە مشەوەشبوونی ئەنقەرە لەوە نییە کە کوردانی ڕۆژهەڵات سوپایەکیان هەیە بۆ داگیرکردنی ئەنقەرە بەڵکو لەوەیە کە کات هاتووە بۆ گۆڕینی نەخشەکان.

ئەگەر هاوکارییەکانی ئەمریکا بۆ کوردانی ڕۆژهەڵات جدی بن تورکیا ناچار دەبێت یان پەنا بۆ ڕێککەوتنی ژێر بە ژێر لەگەڵ ئێران ببات بۆ سەرکوتکردنی کوردەکان یان ڕووبەڕووی واشنتۆن ببێتەوە لە هەموو حاڵەتەکاندا ڕۆژهەڵاتی کوردستان ئێستا بووەتە چەقێکی نوێ لە ململانێی هێزە ئیقلیمییەکان و تورکیاش نایەوێت لەم یارییەدا دۆڕاوی یەکەم بێت