ئەوەی ئەمرۆ 7ی ئایاری 2026 لە هۆڵی دادگای سلێمانی بینرا نە دادگایی بوو نە گەڕان بەدوای حەقیقەت بەڵکو تەنها کۆمیدیایەکی ڕەش بوو کە تێیدا یاسا کراوەتە بووکەشووشەیەکی بێدەسەڵات لەژێر دەستی دوو جەمسەری بنەماڵەیەکدا دز و جەڕدە دا.

دیمەنی زەردەخەنە گۆڕینەوەی تۆمەتبار و سڵاوە گەرمەکانی بۆ ئامادەبووان سووکایەتییەکی ئاشکرایە بە شکۆی یاسا و برینە سارێژنەبووەکانی خەڵکی ئەم شارە.

کاتێک باس لە قەناس و خستنەخوارەوەی هەلیکۆپتەر دەکرێت مرۆڤ وا هەست دەکات لەناو فیلمێکی هۆڵیوددایە نەک لە واقیعی سیاسیی هەرێمێکدا کە هەموو جومگەکانی بە گەندەڵی و مافیاگەری تەنراوە ئەم تۆمەتانە ئەوەندەی بۆ ملشکاندنی سیاسی و دەرکردنی یەکجاریی ئامۆزایەکی دۆڕاوە لە مەیدانەکە، نیو ئەوەندە بۆ چەسپاندنی دادپەروەری نییە.

ئایا لاهوری شێخ جەنگی تەنها لەسەر ئەم تۆمەتە سیاسییانە دەبێت دادگایی بکرێت؟ نەخێر! ئەگەر دادگایەک هەبێت شکۆی هەبێت دەبێت لاهور و تەواوی ئەو سیستمەی ئەو لێی هاتۆتە دەرەوە لەسەر دەیان کەیسی تری خوێناوی دادگایی بکرێن.

ویژدانی زیندووی خەڵکی سلێمانی ناتوانێت 17ی شوبات و ڕۆژانی دواتری بیر بچێتەوە  کێ بوو گەنجانی ئەم شارەی شەهید کرد؟ کێ بوو هێزی ڕەشی بۆ سەرکوتکردنی ئازادیخوازان دەنارد؟ لاهور و براکانی و تەواوی ئەو دەزگا ئەمنییانەی ئەوکات و ئێستاش لەژێر فەرمانی بنەماڵەدان دەستیان لەو خوێنەدا سوورە.

ئەو چەتەگەری و سەرانەستاندنەی کە ساڵانێکی زۆر سلێمانی پێ دەناڵاند بەرهەمی

ئەو سیستمە بوو کە لاهور یەکێک بوو لە ئەندازیارە سەرەکییەکانی ئەمڕۆ کە دەیبینین وەک قوربانیی دەستی یاسا خۆی نیشان دەدات، تەنها گاڵتەجاڕییە.

ئەو و ڕکابەرەکانی (بافڵ و قوباد)، هەموویان لە یەک سەرچاوەی گەندەڵی و ستەمکارییەوە ئاویان خواردووەتەوە ئەوەی ئێستا دەگوزەرێت تەنها شەڕی دابەشکردنی کێکە گەندەڵەکە و پاراستنی کورسیی دەسەڵاتە نەک خەمی نیشتمان.

کەیسب (ژمارە 534) سەلماندی کە دادگا

لەم وڵاتەدا تەنها فەرمانگەیەکی حزبییە  کاتێک دادوەر مامەڵەی ئاسایی لەگەڵ

تۆمەتبارێک دەکات کە تۆمەتی کودتا و تیرۆری لەسەرە نیشانەی ئەوەیە کە بڕیارەکان لە دەرەوەی هۆڵی دادگا و لە ژوورە تاریکەکاندا نووسراونەتەوە.

یاسا لە کوردستان وەک لاستیک وایە بۆ خەڵکی هەژار و بێدەرەتان توند و کورتە بەڵام بۆ سیاسییە دز و بکوژەکان بەقەد بەرژەوەندییەکانیان کێش دەکرێت. گواستنەوەی کەیسەکە بۆ دادگایەکی تر یان ناوچەیەکی تر، هیچ لەو ڕاستییە ناگۆڕێت کە سیاسەت بڕیار دەدات نەک یاسا.

کێشەی ئێمەی کورد ئەوەیە کە زوو لەبیرمان دەچێتەوە، بیرمان دەچێتەوە کێ بوو سەروەت و سامانی ئەم شارەی تاڵان کرد؟، کێ بوو دەنگی ئازادی خنکاند؟. ئەمڕۆ کە دوو ئامۆزای دز و گەندەڵ لە ڕێگەی دادگاوە بوونەتە گژ یەکدا نابێت لایەنگری هیچ کامیان بین.

ئەمە دادگایی بکوژێک نییە لەلایەن دادپەروەرییەوە بەڵکو شەڕی دوو باڵی مافیایە کە دادگایان کردووە بە سەنگەر تا ئەو کاتەی سیاسییە تاجرەکان و بکوژانی 17ی

شوبات لەسەر کورسیی دەسەڵات بن یاسا تەنها دەبێتە کەرەستەیەک بۆ پاکتاوکردنی

حساباتە شەخسییەکانیان.

کەیسی 534، لوتکەی داڕمانی ئەخلاقی و یاسایی سیستەمێکە کە تێیدا دز دەبێتە دادوەر و جەردەش دەبێتە پۆلیس.