هەرزەیی سیاسی و ئاییندەی ڕۆژئاوا:

بۆچی پەیەدە پێگەی بارزانی لە ڕۆژئاوا بەهێز کرد؟

لە  سیاسەتدا بایکۆت چەکی دەستەپاچەکانە نەک ئەوانەی بانگەشەی شۆڕش و گۆڕانکاری دەکەن ئەوەی تەڤگەری ئاپۆیی لە ڕۆژئاوای کوردستان ئەنجامی دا بە چۆڵکردنی گۆڕەپانی هەڵبژاردن تەنها هەڵە نەبوو بەڵکو خۆکوژییەکی ستراتیژی و مایەپوچییەکی سیاسی بوو کە مێژوو لێیان خۆش نابێت.

تەڤگەر بەناوی بایکۆتەوە بە سینییەکی زێڕین کلیلی شەرعیەتی سیاسیی ڕۆژئاوای پێشکەشی ئەنەکەسە و ئەجێندای بارزانی کرد.

لە کاتێکدا کادیرانی تەڤگەر سەرقاڵی دروشمبازیی ئایدۆلۆژی بوون ئەنەکەسە بەبێ ڕکابەر و بەبێ ماندووبوون بۆشایی دەسەڵاتی پڕکردەوە و خۆی وەک تاقە بەدیل سەپاند.

ئەمە ترسنۆکییەکی سیاسییە کاتێک تۆ بانگەشەی ئیرادەی گەل دەکەیت و لە یەکەم

تاقیکردنەوەی سندوقی دەنگداندا گۆڕەپانەکە بۆ نەیارەکانت چۆڵ دەکەیت.

ئێستا بارزانی و ئەنەکەسە لە جیاتی شکستی جەماوەری خەریکی چنینەوەی بەرهەمی ئەو حەماقەتەن کە تەڤگەر ناوی ناوە بایکۆت.

پەیامەکە ڕوونە: سیاسەت جێگەی تۆراو زەویران بوون نییە جێگەی مانۆڕ و سەپاندنی واقیعە تەڤگەری ئاپۆیی بەم هەنگاوە نەک هەر شکستی هێنا بەڵکو خیانەتی لەو هەل مێژووییە کرد کە دەبوو تێیدا ڕەگ و ڕیشەی ئەنەکەسە لە ڕۆژئاوا

بنبڕ بکات نەک بیکاتە مەرجەع و خاوەن بڕیار.

ئەوەی بە خوێن بەدەست هات بە بایکۆتێکی بێمانا کرا بە دیاری بۆ بارزانی