📍ئەوەیە من ناوم ناوە یاسای جەنگەڵ کاتێک لایک جێگەی دادوەر دەگرێتەوە!

ئەوەی ئەمڕۆ لە هەولێر بەرامبەر (قورسید وبراکەی) و هەر تۆمەتبارێکی تر دەکرێت پێش ئەوەی جێبەجێکردنی یاسا بێت تیرۆری شکۆمەندی و نمایشێکی قێزەونی سۆشیاڵ میدیایە.

ئەم نمایشە پەیامێکی ڕوونە لەم شاری هەولێر دادگا تەنها بینایەکی چۆڵە و حاکمی ڕاستەقینە پۆلیس و پارێزگار و گروپەکانی واتسئاپن!

ئەزموونی ئەم دوو برایە وانەیەکی تاڵە بۆ هەمووان دەسەڵاتێک کە ڕۆژێک بۆ هەڵبژاردن وەک پاڵەوان بەکارت دەهێنێت ڕۆژێکی تریش زۆر بە ئاسانی وەک پەڕۆیەکی چەور فڕێت دەداتە نێو زبڵدان و

سوکایەتیت پێدەکات ئەمە پاداشتی ئەو کەسانەیە کە پێیان وایە نزیکی لە حزب دەیانپارێزێت بێخەبەر لەوەی یاسای جەنگەڵ دۆستی نییە تەنها بەکارهێنەری هەیە.

من تێناگەم لە چ فەرهەنگێکی جیهاندا هاتووە

پارێزگار و پۆلیس پێش دادگا حوکم بدەن و لە واتسئاپ و فەیسبووک دانپێدانان بڵاوبکەنەوە؟ کاتێک پۆلیس دەبێتە میدیاکار و دەزگای ئەمنی دەبێتە دادوەر دادپەروەری دەبێتە قوربانی یەکەمی ئەم فەندەلۆسخانەیە تومەتبار (هەرچی کردبێت) تا

لە دادگایەکی سەربەخۆدا تاوانەکەی نەسەلمێنرێت بێتاوانە، بەڵام پۆلیسی هەولێر فێری

کردین کە لای ئەوان هەمووان تاوانبارن .

ئەگەر یاسا سەروەر بوایە، ئێستا دەبوو داواکاری

گشتی لەسەر ئەم تەشھیرە فەرمییە لێپرسینەوە لە پۆلیس بکات بەڵام کاتێک یاسا دەخەوێنرێت پۆلیس دەبێتە حاکم و سۆشیاڵ میدیا دەبێتە هۆڵی دادگا. ئەمە دەوڵەتی یاسا نییە ئەمە جەنگەڵێکە کە تێیدا تەنها ئەو کەسانە پارێزراون کە هێشتا کاتیان بەسەر نەچووە.

لە چ شوێنێکی یاسا و مرۆڤایەتی پۆلیسەکەی وەک ئینفلۆنسەر بەدوای لایکدا بگەڕێت و پارێزگارەکەی جێگەی دادوەر بگرێتەوە؟!

ئەمڕۆ ئەم دووبرایەن سبەی نۆرەی کێیە لەم شانۆگەرییەدا؟