ئەوپەڕی ترسنۆکی و ئیفلاسی دەسەڵاتێک لەوەدا دەردەکەوێت کە بە سوپایەک کۆیلە

و دۆلار و دەزگای ئەمنییەوە، هێشتا ئەژنۆی لە ترسی چەند خولەکێک گوتنی حەقیقەت

و ڕەخنەی بوێرانەی ناو مۆبایلەکان دەترسێت!

کاتێک سیستمێکی تۆتالیتار بەرگەی دەنگی ئازاد ناگرێت پەنا دەباتە بەر قێزەوەنترین و ناشرینترین چەکی بێدەسەڵاتی تیرۆری سایبەری و جاشایەتیی دیجیتاڵی کە من ناوم ناون سوپای تیرۆری ئەلیکترۆنی کیلابیەکان .

لە چەند ڕۆژی ڕابردوودا، لە ڕێگەی شاڵاوێکی نەزۆک و ڕیپۆرتی بەکۆمەڵی مێگەلە سایبەرییەکانەوە، دوو پەیج و سێ ئەکاونتی منیان داخست، بەو خەیاڵە خاوەی کە بە

داخرانی چەند پەنجەرەیەکی مەجازی، دەنگی ئێمە و هاواری تووڕەیی میللەت دەخنکێنن و بێدەنگ دەکەن.

بەڵام پەیامی ئێمە بۆ لووتکەی هەڕەمی ئەم دەسەڵاتە بۆ موختاری بارزان و حیزب و تاقمە تاڵانچییەکەی کە من ناوم ناون چەتەکانی کوردایەتی ڕوون و بێ‌پەردەیە.

ئەکاونت دادەخرێت بەڵام حەقیقەت ناسرێتەوە و دەنگی ئازادی بە هیچ فلتەرێک کپ ناکرێت!

ئەم پەلامارە سایبەرییە نە یەکەمین شاڵاوە و نە کۆتا پەلاماریش دەبێت ئەمە سیاسەتێکی ترسنۆکانەی سیستماتیکە دژ بە هەر دەنگێکی یاخی و نەبەز هەر لە ئێمەوە تا کاک مەکی، کاک قادر، کاک شڤان ئازاد و دەیان ئازادیخوازی تری ئەم نیشتمانە کە ملیان بۆ

کۆیلایەتی دانە نەواندووە.

بۆیە بە چەتەکانی کوردایەتی دەلێن:

١. قووتی میللەت لە گەرووی سوپای بەکرێگیراودا.

ئەم دەسەڵاتە لە دابینکردنی سەرەتاییترین ماف، نان و مووچەی خەڵکدا مایەپووچ و

شکستهێناوە کەچی دەیان ملیۆن دۆلاری دزراوی نەوتی ئەم میللەتە دەڕێژێتە قوڕگی

سوپایەکی سێبەری بێ‌ئەخلاق تەنیا بۆ ئەوەی شەو و ڕۆژ ڕیپۆرت لەسەر پەیجی چالاکوانان بدەن حکوومەتێک کە سەنگەری مانەوەی لە پۆستێکی فەیسبووکدا بپووکێتەوە، دەسەڵات نییە بەڵکو مافیایەکی لەرزۆکە و لە پەلەقاژەی مەرگدایە!

٢. ئەکاونت دەسڕنەوە بەڵام مێژووی خیانەت ناسڕدرێتەوە:

ئێوە دەتوانن بە بۆت و ڤایرۆس و ڕیپۆرتی مێگەلی ئەلیکترۆنی پەیجەکانمان دابخەن

بەڵام مەحاڵە بتوانن مێژووی خیانەتی ٣١ی ئاب و جاشایەتی بۆ هەموو داگیرکەرانی کوردستان و فرهودکردنی سەروەتی ژێر خان وسەڕخانی کوردستان و دزینی سامانی گشتی و برسیپێکردنی دەیان ساڵەی ئەم میللەتە لە یادەوەریی کۆمەڵگەدا بسڕنەوە ئەکاونت بە چەند کلیکێک دروست دەکرێتەوە بەڵام شەرەف و شکۆی دۆڕاوی دەسەڵاتێک کە لە شەڕی وشەدا دۆڕاوە بە هیچ تەکنەلۆژیایەک پینە ناکرێت.

٣. شەڕی ئێمە لەگەڵ ئێوە، شەڕی حەقیقەتە دژ بە تاریکی:

بە قەد ئەو پارە حەرامەی خەرجی کەتیبە بەکرێگیراوەکانتانی دەکەن ئێمە دە هێندە

هۆشیارتر بەئەزموونتر و بەورەترین هەر دەنگێک دابخەن لە هەناوی تووڕەیی ئەم

خەڵکەدا سەد دەنگی تر سەر هەڵدەدات.

لە ڕۆژانی داهاتوودا بە گورزێکی میدیایی و سیاسەتێکی زۆر توندتر دەگەڕێینەوە بەجۆرێک کە دیوارەکانی سەری ڕەش و ژوورە تاریکەکانی پاراستن بهەژێنێت.

با موختاری گوندی بارزان و تاقمە تاڵانچییەکەی بزانن مێژوو زۆر لە ئێوە زۆردارتر و دڕندەتری فڕێداوەتە نێو زبڵدان چارەنووسی ئێوەش لەوان باشتر نابێت.

با سەگە بەکرێگیراوەکانتان تا دەتوانن بوەڕن و حەپەحەپی ڕیپۆرت بکەن چونکە لافاوی

هۆشیاری و تووڕەیی خەڵکی ستەمدیدە بەڕێوەیە و تەختی هەمووتان ڕادەماڵێت!

دەگەڕێینەوە و بێدەنگ نابین!

یان سەرکەوتن، یان سەرکەوتن.

مەرگ و سەرشۆڕیش بۆ دەسەڵاتی خێڵ و مافیا و سەرانی چەتەکانی کوردایەتی!