سهلاح میرانی هاته لادان
| Monday, 08.24.2020, 10:43 AM |
(بهرپرسهكێ باڵێ نێچیرڤان بارزانی هاته لادان ئێكێ باڵێ مهسرور بارزانی هاته جهی)
* پشتی 13 ساڵا سهلاح میرانی ژ پوستێ رێڤهبهرێ ئاسایشا ئاكرێ هاته لادان، وكهسایهتیهكێ پاراستنێ ل جهێ وی دانان.
* ئهڤهژی پشتی لایڤهكا مهكی ئامێدی ل TEVDAPress چێبوو، دهمێ كۆڕێ سهلاح میرانی ئینا سهر شاشهی و نهێنێن بابێ خۆ ئاشكرا كری و ئێك ژوان نهێنێن كۆ دهنگڤهدان دروستكری ل سهر ئاستێ بههدینان و ب تایبهت ئاكرێ، تیروركرنا ههڤاڵ و پێشمهرگهكێ دێرێن بناڤێ "عهزو خورتی" بوو. كۆ دبیته بابێ دلبرینی نهقیبهكێ ئاسایشا ئاكرێ، لهو سهلاح میرانی درهڤیت و ئاكرێ بجهدهێلیت ههتا كۆ پشتی دوو مهها برێكا مهسعود بارزانی و عصمهت ئهرگوشی و ئاغایێن دهڤهرێ سولح دهێته كرن و ئێك ژبهندێن سولحێ لادانا سهلاح میرانی دبیت پشتی مهههكێ ژدهوامكرنێ ل ئاكرێ، و بهندێن دی ژی دێ دروژێن بهێت دا بهلاف كهین.
* دنها دا محمد نافخوش محمد نپاخی - زێباری، هاته جهێ سهلاح میرانی، كۆ دبهرێ دا پلا عهمید ههبوو ل پاراستنا پارتی ل ئاكرێ.
* بابێ محمد نافخوش، دسالێن نوههتاندا دشهرێ دناڤبهرا پهكهكێ و پارتی دا هاتیه كوشتن، ومحمد نافخوش كهسهكێ گرتی و كێم ئاخفتن و ژماڵباتهكا پارتی یه و ژباڵێ مهسرور بارزانی یه.
* ل سهر شانویێ مللانا دناڤبهرا دوو باسكێن بنهمالێ دا، ئهڤه چهندین پوستێن ههستیار ل بههدینان ل دهستێ نێچیرڤان بارزانی دهردئێخن، كو بهری ههیامهكێ ژی پوستێ پارێزگهرێ دهوكێ ژی ل دهست ئینایهدهر، و دنهادا پلان ههیه كۆ پوستێ گومركا ئیبراهیم خهلیل ژی ژبالێ نێچیرڤان بارزانی بدهرێخن.
* پرانیا كورێن وان كوشتیێن دشهرێ نافخویی دا هاتیه كوشتن، نها دسلكێن ئهمنیێن پارتی دا جهڤهگرتینه وجهێ باوهری یا مالا بارزانن.
تەڤدا پرێس
Copyright © 2020 by Tevdapress. All rights reserved