لەم ئێوارانەدا گەنجێکی ئینگلیزم لە تەنیشتی یانەیەکی شەوانەی بەناوبانگ لە Kings Cross -London هەڵگرت ، دوای کەمێک قسەکردن پرسی  بەئەسڵ خەڵکی کوێیت ؟ منیش ووتم : کوردم ...

کە وام ووت  زەردەخەنەیەکی کردو دەمی هێنایە لای گوێچکەمەوە ووتی : ئەم بینا زەخمە گرانبەهایە هی کوردە بەڵام بەڕێوەبەرەکەی ژنێکی  عەرەبە !

خاڵ منیش کەوتمە بنکۆڵ کردنی و زانیم ئەم ماستە موویەکی تیایە ...

ووتم ؛ تۆ چۆن ئەزانیت ؟

ووتی : من بەرپرسی بەشی خواردنەوە کهولیەکانم و بەهۆی پسپۆری و شارەزاییەکەمەوە دوای کڕینی ئەم یانە شەوانەیە تەنها منیان هێشتەوە ...

" شایانی باسە ئەم یانە شەوانەیە ( Scala ) یەکێکە لە گەورەترین و گرانترین و بەناوبانگترین یانەی شەوانە و لایڤ میوزیک و قومارخانە لە بەریتانیادا کە جێگەی نزیکەی 1200 کەس دەگرێت وە بەهاکەی بە زیاتر لە 40 ملیۆن پاوەند دەخەمڵێنرێت "'...

هەروەها درێژەی پێدا و ئەتووت پەیامنێری تایبەتە و بۆلای من نێردراوە ،

ووتی : ئەمە مەسئولێکی پلە بەرزی یەکێتی لەم ماوەیەدا کڕیویەتی بەڵام ژنێکی عەرەب سەرپەرشتی دەکات و هەر بەناوی ئەویشەوەیە  ، تەنانەت بەپێکەنینەوە ووتی : ژنەکە لە کیم کارداشیانیش ئەچێت !

هەروەها ووتی ، تائێستا ئەو مەسئولە دووجار خۆی هاتووە بۆ ئێرە بەڵام زۆر ئەترسا و پێش ئەوەی بێت مۆبایلەکانیان لە زۆرینەی کارمەندەکان سەند ...

ووتیشی بە هەمووان ووتراوە هەرکەسێک وێنە و زانیاری لەسەر ئەو مەسئولە بباتە دەرەوە ئەوا دەردەکرێت ، بەڵام ئەو هەر بە جنێو و دەمە پیسەکەی خۆیان ووتی : I f*k them , I don't care I'm an English

واتا : یەک بە یەک نیکاحیان ئەکەم ، من ئنگلیزم بەخەیاڵما نایەت ، چی ئەکەن با بیکەن ...

هەروەها ووتیشی من جارێکیان هاوڕێیەکی کوردم لەگەڵ خۆم برد بەڵام لەلایەن بەڕێوەبەرە ژنەکەوە بانکرام و ووتی تکایە هاوڕێ و کەسی کورد لەگەڵ خۆت مەهێنە ، بۆیە لەوکاتەوە نهێنیەکانم بۆ دەرکەوت ،

جا بەڕێزان ، ڕەنگە ئێستا مەسئولەکان تاکتیکەکەیان گۆڕیبێ و مەشروعەکانیان بیکەن بە ناوی عەرەبەکانەوە ...

هەروەها ووتی : هەر ئەم ژنە بەتەمایە بەم نزیکانە لە ڕێگەی ئەو مەسئولەوە چەند یانەیەکی دیکەی هاوشێوەی ئەمە لە ئەمستردام و پاریس بکاتەوە ..

تێبینی : ناوی بەرپرسەکەو هەندێک زانیاری دیکە لەبەر Data Protection پارێزراوە .