ئهڤ بهلگهیه چ دسهلمینیت؟
| Saturday, 07.23.2022, 07:31 AM |
ل دهمێ خۆدا دهمێ ل بارزان فرۆكێن تركیا ل 29\11\1993 گوندێ هیزان و سینا یا دهڤهرا بارزان بومبهباران دكهن 3 هاوڵاتیێن دهڤهرێ شههد دبن و 6 بریندار، دهستههلات وی دهمی ڕێ ددهته خۆ ئیدانا دهولهتا ترك بكهت، لێ ئیرۆ بۆچی ناكهت؟
ئهڤه ژ 2015 ههتا نوكه پتری 138 هاوڵاتیێن سڤیل ب ئهگهرا بومبهبارانێت دهولهتا ترك گیانێ خۆ ژ دهست ددهن، ب سهدان بریندار چێ بوینه و سهوال ژناڤ چۆینه و سروشت هاتیه وێرانكرن و تالان كرن، بۆچی ئێك جارا بتنێ ژی دهستههلاتا بن دهستێ مالا بارزان كریارێن هۆڤانهیێن تركا ئیدانه نهكرینه؟
ئهڤه ههمی ڤهدگهڕیته سهر بهرژهوهندیێت ئابۆری و ڕێكهفتنێت بنڤهكی دگهل تركا كو ههتا مافێ حكومهتا بارزانی نهبۆیه ڤان كهسێن بۆینه قوربان ب شههید ژی لقهلهم بدهت، ل سالێن بۆری پارتی ڕاگهاند كو كهسێن ب گهرا بوردمانێن تركا گیانێ خۆ ژ دهست ددهن ب فهرمی شههید ناهێنه هژمار كرن.
ئهڤه ههمی ژبهر ڤێ یه كو ترك و پارتی ئێكن چهوا دبیت كوشتیێن دهستێ ههڤپهیمانێ وان ب شههید بهێته لقهلهمدان، ترك چهوا دێ ڤێ ژ وان قهبیل كهت، ژلایهكێ دی ژی دهمێ فڕۆكێن ترك ههر جارهكێ كۆمكوژیهكێ لسهر سڤیلان پێك دئینیت دهولهتا ترك ل ماڵپهڕا فهرمیا وهزارهتا بهرگریێ ڕادگههینیت كو مه ترۆریست كوشتن، لهوا تهنانهت مافێ پارتی نینه وان سڤیلان دهنگی ژێ بینیت ههتا كو ب شههید لقهلهم بدهت یان تركا ئیدانه بكهت.
تەڤدا پرێس
Copyright © 2020 by Tevdapress. All rights reserved