پشتی 18 ڕۆژا ڕه‌وشا مانگرتیێن به‌هدینان به‌ر ب خرابیێ ڤه‌ دچیت

پشتی 18 ڕۆژا  هندی وێڤه‌تر دچیت ڕه‌وشا مانگرتیێن به‌هدینان به‌ر ب خرابیێ ڤه‌ دچیت، ئه‌ڤه‌ ل ده‌مه‌كێ یه‌ كو تا نها لایه‌نێن به‌رپرس ب به‌رپرسیاری لسه‌ر ڕه‌وشێ نه‌ڕاوستاینه‌، لێ ئه‌ڤرۆكه‌ ب هه‌رچی ڕه‌وشا هه‌یی ئـەڤروژی سەروکا دەستەیا مافێن مروڤی خانم مونا یاقۆ سەرەدانا گرتیێن مانگرتی کری ودگەل نوینه‌رێ مانگرتیان شێروان شێروانی و هنده‌ك گرتیێن دی ئاخڤتیه‌، وه‌كه‌ ده‌ربڕینا ژ زارێ كاك شێروان شێروانی دیاربویی هێشتا چ ئـومێدێن باش نینن بو جێبەجێکرنا داخازیێن وان.

لگۆر زانیاریان ئـەڤرو رەوشا گرتیان گەلەک خراب بوو سه‌ره‌رای ڤێ بڕیار گرتینه‌ زیده‌تر مانگرتنا خۆ هشك بكه‌ن.  وه‌كی دیار سبه‌هی بهێن ڤەدانا فەرمی یە، ب ڤی ڕه‌نگی بمینیت ل ڤان چه‌ند رۆژێن بهێن دا مەترسی لسەر ته‌ندروستیا مانگرتیان دێ زێده‌تر دبیت.