ئێدی بێده‌نگ نابین

ئێدی بێده‌نگ نابین

به‌رامبه‌ر سروودا ئه‌ی ره‌قیب نه‌ڕابۆنه‌ڤه‌، مه‌ ده‌نگ نه‌كر

به‌رامبه‌ر ئالاێ كوردستانێ خوه‌ ژجهی نه‌بزڤاندن، مه‌ ده‌نگ نه‌كر

وه‌ جوین دانه‌ هه‌لبه‌ست و وێژه‌ و سترانێن كوردی، مه‌ ده‌نگ نه‌كر

بۆ سه‌ما و ماچه‌كا سه‌ر جادا وه‌ غوسلا پاقژیێ به‌ردا جادێت سه‌هۆڵه‌كه‌ (ل سلێمانی) مه‌ ده‌نگ نه‌كر

فه‌توا كوشتنا شێركو بێكه‌س وه‌ ده‌ركر، مه‌ ده‌نگ نه‌كر

وه‌ داعش ب موسڵمانه‌كێ لاواز ل قه‌له‌مدا و هزاران كه‌س ژمه‌ شه‌هید كرن، وه ‌ده‌نگ نه‌كر

بۆ محه‌مه‌جد مورسی ڕژیانه‌ سه‌رجادا و ژبۆ شنگالێ ژی ڤتێنه‌ك ژ وه‌ نه‌هات، مه‌ ده‌نگ نه‌كر

ل سه‌ر خه‌جێ و له‌جێ و حه‌جێ وه‌ هونه‌رمه‌ند حه‌سه‌ن زیره‌ك ب مری دادگه‌ھ كر، مه‌ ده‌نگ نه‌كر

وه‌ هه‌وڵدا نه‌ورۆزێ لبه‌ر چاڤێ مه‌ ره‌ش كه‌ن وه‌ پێ چێنه‌بۆ و مه‌ ده‌نگ نه‌كر

وه‌ هه‌وڵدا جهۆوارێن مه‌ بده‌نه‌ ژناڤبرن، وه‌ پێ چێنه‌بۆ و مه‌ ده‌نگ نه‌كر

وه‌ دین بسه‌ر مه‌دا فه‌رزكرن مه‌ پاراست و ڕێزێ لێ دگرین و وه‌ ده‌نگه‌ك نه‌كر

تشتێ مای ئاخ و زمانێ مه‌یه‌ وه‌ دڤێت مه‌ بێ دایك و بێزار و بێناسنامه‌ ژی بهێلن

ژ وه‌ ڤه‌نابین، بێده‌نگ نابین، پیرۆزترین تشت ل ده‌ف مه‌ نیشتمان و هه‌ر نیشتمان

له‌ورا دێ ڤه‌گه‌ڕین بۆ هه‌لبه‌ستا به‌رز و بلندا ئه‌ی ڕه‌قیب و دێ بێژین:

ئه‌م زاڕۆكێن میدیا و كه‌یخه‌سره‌وین

دینێ مه‌ و ئاینێ مه‌ هه‌ر نیشتمان

دوماهك گۆتنا مه‌ ژی

گریا مه‌ گریا مرۆڤاهیێ یه‌

بانگا ئازادی و ڕه‌هینه‌یا یه‌كسانیێ یه‌

هه‌لویستێ گرۆپه‌ك ژ نڤیسكار و وێژه‌ڤانێن به‌رهه‌نگاریێ

11\8\2022