گه‌نجێن شێلادزێ ب پیلان ژلاێ پارتی توشی مادێن بێهۆشكه‌ر دبن

گه‌نجێن شێلادزێ ب پیلان ژلاێ پارتی توشی مادێن بێهۆشكه‌ر دبن

زانیاریێن مه‌ترسیدار ل سه‌ر ئالوده‌بوونا ب به‌رفره‌هی یا گه‌نجێن شێلادزێ ب مادێن كیمیاوی یێن بێهۆشكه‌ر گهه‌شتینه‌ به‌ر ده‌ستێ مه‌ كو ل ڤان ده‌مێن بۆریدا گه‌له‌ك زانیاری لسه‌ر ڤێ راستیێ بۆ مه‌ دهێن.

ل ڤان چه‌ند ساڵێن ده‌ربازبویی ژ لایێ په‌ده‌كێ ل به‌هدینان هه‌ر ڕه‌نگێ بێ ئه‌خلاقی ژبۆ ڕێگریكرنا ل ده‌نگێ نه‌ڕازیا گه‌نجان هات كرن. ب دروستكرنا فایلێن ئه‌خلاقی بۆ تاكێن جڤاكێ

ب به‌رفره‌هكرنا تۆڕێن ڤه‌شارتی یێن سیخوریێ

ب به‌رفره‌كرنا تۆڕێن ڤه‌شارتی یێن بێ ڕه‌وشتیا نێربازیان

ب ڕێیا به‌رفره‌هكرنا دیسكۆ و مه‌یخانه‌ و جهێن فه‌حشاێ و سێكسێ ژێر ناڤێن جودا یێن فه‌رمی و نه‌فه‌رمی

ب پێشخستنا قومارخانه‌ و كافه‌ته‌ریایێن كو تێدا كچ و ژنێن گه‌نج ب سیسته‌مكری كاردكه‌ن

ب ڕێیا ڕێخوه‌شكرنا كۆچا گه‌نجان به‌ر ب ده‌رڤه‌ی وه‌ڵات

ب ڕێیا گه‌ف، ترساندن، گرتن، ئه‌شكه‌نجه‌ و سزادانان

لێ ده‌ستهلات هه‌ر دیسا ئیقنا نه‌بوو و هه‌ری دوماهی ده‌ست ب پێشخستنا مادێن بێهۆشكه‌ر كر یێن ژ میناكا مه‌ریوانا، كریستال و هرۆییین. ب ڕێیه‌ك سیته‌مكری ئه‌ڤ مادێن بێهۆشكه‌ر ل زاخۆ پێش خستن ب ئاسته‌كێ كو ل ده‌مه‌ك كورت دا هه‌می جڤاكا زاخۆ ڤه‌گرت و گه‌نجێ یاخی و بێ هیڤی بویی زه‌مینه‌یه‌ك پڕ گونجای بوو ژبۆ كو گه‌له‌ك بله‌ز توشی ڤێ مادێ وێرانكه‌ر ببن.

ل ڤێ قوناغێ ژی دۆر گهه‌شتیه‌ جڤاكا شێلادزێ، نوكه‌ پڕ ب به‌رفره‌هی كار لسه‌ر ڤان گه‌نجان تێت كرن. ژبۆ ڤی كاری ژی لگۆری داتا و به‌لگه‌یێن كو به‌رده‌ست هه‌نه‌ كه‌سێ كو ڕێڤه‌به‌ریا پارڤه‌كرنا ڤێ مادێ بێهۆشكه‌ر دناڤا گه‌نجێن شێلادزێ دا دكه‌ت به‌رپرسیارێ هه‌وارهاتنا ئاسایشا دهۆكێ یێ بناڤێ "كامیران سادق سینی" یه‌. كامیران سادق د ده‌ما پشتی سه‌رهلدانا شێلادزێ پڕ ب ڕژدی ل شێلادزێ كه‌ت لڤینان و ب هه‌موو ڕێبازێن لگۆری ڕێنماییێن ده‌ستهلاتا پارتی وی خه‌بات بڕێڤه‌ برن. چ ڕه‌نگێ توندوتیژیان نه‌مان دگه‌ل ڤان گه‌نجان بكار نه‌ئینن. لێ نه‌شیان ئیراده‌یا ئازاد یا ڤان گه‌نجان بشكێنن، له‌ورا ڤێ جارێ ب ڤی مادێ وێرانكه‌ر ده‌ست هاڤێتنه‌ ژناڤبرنا گه‌نجان.

بۆ ڤی كاری كامیران سینی گروپه‌كا نهێنی بۆ خوه‌ ئاڤاكر (ناڤ و وێنه‌ێ به‌شه‌ك ژ وان به‌رده‌ستن) كو ب به‌رفره‌هی ڤی مادێ بێهۆشكه‌ر ب ڕێیا ڤان گه‌نجان د جڤاكێدا به‌لاڤ دكه‌ن. كار گهه‌شتیه‌ راده‌كێ كو ئه‌ڤ گه‌نجێن ب كارێ به‌لاڤكرنا ڤی كه‌رسته‌ی درابن ب ڕه‌نگه‌كێ ئه‌شكه‌ره‌ ڤی كاری دكه‌ن. خه‌لك دبینیت و دزانیت چدكه‌ن و ئه‌نجامێن ڤان وێرانیان ژی دبینن، لێ هه‌ر ئێك ژ ڤان كه‌سێن سه‌ر ب تیما كامیران سینی ڤه‌ ب ئازادانه‌ دگه‌ڕن بێ كو چ ئاسته‌نگیه‌ك به‌رهه‌نگاری وان ببیت. ژخوه‌ هه‌ر كه‌سه‌ك دزانیت كو ئه‌ندامێن ڤێ تیمێ كو ب كارێ سیخوریا لسه‌ر وه‌ڵاتپارێزێن ده‌ڤه‌رێ ژی رادبن هه‌می ژ لاێ ئاسایشێ ڤه‌ دهێنه‌ پشتگیری كرن. ئه‌ندامێن ڤێ تیمێ ڕه‌وشته‌ك گه‌له‌ك خراب یا توندوتیژیێ هه‌نه‌ و بگشتی خوه‌دیێ ره‌وشا ده‌رونیه‌ك نه‌ ئاسایی نه‌.

یێك ژ ئه‌ندامێن ڤێ تیمێ گه‌نجه‌ك بوو بناڤێ "ڕزگار جه‌مال ئسماعیل پێپه‌رخی" كو بخوه‌ ژی ئه‌ندامه‌كێ ئاسایشێ بوو و هه‌ڤاله‌كێ نێزیكی كامیران سینی بوو. ئه‌ڤ ڕزگاره‌ كه‌سه‌كێ گه‌له‌ك زڤر بێژ و زرته‌ك بۆ،  ڕزگار راسته‌وخۆ ژبۆ به‌لاڤكرن و فرۆتنا ڤی مادێ بێهۆشكه‌ر دگه‌ل كامیرانی د دپه‌یوه‌ندیێن به‌رده‌وامدابوو. لێ پشتی كو "ڕزگار جه‌مال" ژ ئه‌گه‌را بخوه‌ ژی ئه‌ڤ كه‌رسته‌ بكار دئینا ره‌وشا وی یا ده‌رونی و هشیاریێ تێك دچیت. دهێته‌ زانین هێرشی سه‌ر "كامیران سینی" دكه‌ت و ئالۆزی دكه‌ڤیته‌ ناڤبه‌را وان، كو دیاره‌ ژ ئه‌گه‌را وێ كو ئه‌و ژی توشی ڤی كه‌رسته‌ی كری. ره‌وشا وی وه‌لێ دهێت كو ئێدی كێری ناڤ جڤاكێ ناهێت، ماوه‌كێ ل نه‌خۆشخانا ئازادی دهێته‌ نڤاندن لێ چاره‌ لێ نابن و ناڤه‌گه‌ریته‌ سه‌ر هشێ خوه‌ یێ به‌رێ. دوماهیێ وه‌ك دینه‌كێ ل مال دهێته‌ نڤاندن و ب حه‌ب و ده‌رمانێن تایبه‌ت به‌رده‌وام دهێته‌ نڤاندن. بۆ زانین بكاربه‌ریا ڤی مادێ كیمیاوی یێ بێهۆشكه‌ر ب تایبه‌ت (كریستال و شیشه‌) ل ده‌مه‌كێ زی مرۆڤی ژ عه‌قل و ره‌وانی دویر دئێخیت، لێ ژبه‌ر له‌زه‌تا كو كێشانا ڤی كه‌رسته‌ی دده‌ته‌ كه‌سێ بكاربه‌ر ئه‌و نه‌شێت ده‌ستا ژێ به‌رده‌ت. "كامیران سینی" ب ته‌هدیدان ڤێ مالباتێ به‌ر ب بێده‌نگیێ دایه‌ نه‌چاركرن. لێ ده‌نگێ ڤی گه‌نجی بخوه‌ ده‌ركه‌تیه‌ ده‌رڤه‌ و چه‌وانه‌تیا ڤی كاری ئاشكه‌را كریه‌.

وی ئاشكرا كریه‌ كو ئه‌ڤ مادێ بێهۆشكه‌ر هه‌می ب ڕێێا "كامیران سینی" ل شێلادزێ هاتیه‌ به‌لاڤكرن. كامیرانی بۆ ڤی كاری تیمه‌كا تایبه‌ت یا نخافتی ژ گه‌نجا ب ده‌سته‌كێ ڤه‌شارتی ل پشت خوه‌ ڕێكخستیه‌. به‌شه‌ك ژ وان گه‌نجێت باندا "كامیران سینی" ئه‌ڤه‌نه‌:

(ئه‌رده‌وان نێروه‌یی - ڕزگار جه‌مال ئسماعیل پێپه‌رخی - حەبیب باقی - سافاش حەکیم ئەرتیسی - رەشید داود ئورەماری )

ئه‌ڤ ڕزگار جه‌ماله‌ دشیت په‌رده‌ی لسه‌رڤان تاوانێن كو به‌رێ كرین و ب چاڤێ خوه‌ دیتین هلده‌ت، لێ مالباتا وان ژی گرێدای گه‌ف و ته‌هدیدێن "كامیران سینی" ڕێ ناده‌ن ده‌نگێ ڤی گه‌نجی بگه‌هیته‌ جڤاكێ و ڤان تاوانێن ژ لاێ ئاسایشا په‌ده‌كێ ڤه‌ ده‌رحه‌قا گه‌نجێن شێلادزێ دهێنه‌ كرن ئاشكرا بكه‌ن.