پارێزهرێن خۆبهخش داخوازا شكاندنا مانگرتن و ڤهگۆههستنا زیندانیێن بادینان بۆ چاكسازیا سلێمانیێ دكهن
| Thursday, 09.01.2022, 09:51 AM |
بادینی - سۆرانی
بۆ بهڕێزان\ ئالیێن پهیوهندیدار و ڕایا گشتی
ڕایا گشتی و جڤاكا ناڤدهولهتی ئاگههدارن ڕۆژنامهڤان و چالاكڤانێن بههدینان ل سهر ئازادیا رادهربڕین و كارێ رۆژنامهڤانی هاتینه سزادان، لێ تشتێ جهێ دلگرانیێ ئهوه نوكه لناڤ چاكسازیا مهزنان یا ههولێرێ سزایێن لسهر گرتیێن بههدینان و مانگرتیێن دی بهردهوامه، لهورا ل بهر پاراستنا ڕهوشا تهندروستیا وان وهك پڕسهكا مرۆڤاهی داخوازێ دكهین زیندانیێن بههدینان مانگرتنا خوه بشكێنن ههمی ژی بۆ پاراستنا مافێن وان بهرهڤ چاكسازیا سلێمانیێ بهێنه ڕهوانه كرن، ڤان چهند خالان ل سهر ڤێ پڕسێ ددهینه دیاركرن:
ئێكهم: پێدڤیه قوناغێن ئیداری بۆ ڤهگۆههستنا زیندانیێن بههدینان بهر ب چاكسازیا مهزنان ل سلێمانیێ بهێنه بڕین كو وان ئهڤ داخوازه پێشكهشی بڕێڤهبهراتیا چاكسازیا ههولێرێ كریه، ئهڤه ژی مافهكێ ئاسایی و یاساییا وانه بخوهیه.
دووهم: لگۆر پیڤانا ڤێ كو ئهو لایهنێ سیاسی یێ ل پشت سزادانا زیندانیێن بههدینان ل ههولێرێ ب سهر ههر ئیدارهكا فهرمی دا زاڵه، ب دههان جار ئهڤ گرتیه هاتینه سزادان و هاتینه بێ بهشكرن ل چهندین مافێن خۆ یێن دهسپێكین.
سێیهم: ب بهانهیێن جودا و نه لۆژیكی ڕێگریێ ل پارێزهر و ئهندامێن لژنا مافێ مرۆڤ یێن پهرلهمانێ كوردستانێ و ستافێن دی دهێته كرن دهمێ سهرهدانا سزادایێن بههیدنان دكهن.
هیڤیدارین ژ لایهنێن پهیوهندیدار ڕێگر بن ل سزادانا زیندانیێن بههدینان و وهكۆ پڕسهكا یاسایی ل گۆری پڕهنسیبێن مافێ مرۆڤی سهرهدهری دگهل وان بهێته كرن.
تیما پارێزهرێن زیندانیێن بههدینان
--------------------------------------
"تیمی پارێزەرانی زیندانیانی بادینان داوای شکاندی مانگرتن و گواستنەوەی زیندانیانی بادینان بۆ چاکسازی سلێمانی دەکەن"بۆ بەرێزان/ لایەنی پەیوەندیدار و ڕای گشتیڕای گشتی ھەرێم و کۆمەڵگای نێودەوڵەتی ئاگادارن کە رۆژنامەنوس و چالاوانانی بادینان لەسەر بیرورای ئازاد و پیشەی رۆژنامەوانی سزادراون، بەڵام ئەوەی جێگای نیگەرانیە ئێستا لەناو چاکسازی گەورانی ھەولێر سزا لەسەر گیراوانی بادینان و مانگرتوەکانی تر بەردەوامە، بۆیە لەبەر پاراستنی دۆخی تەندروستیان و وەکو پرسێکی مرۆڤایەتی داواکارین زیندانیانی بادینان مانگرتنەکەیان بشکێنن، بۆ پاراستنی مافەکانیان رەوانەی چاکسازی سلێمانی بکرێن، ئەم چەند خالە لەسەر پرسەکە دەخەینە روو:یەکەم: پێویستە رێکارە ئیداریەکان بۆ گواستنەوەی زیندانیانی بادینان بۆ چاکسازی گەورانی سلێمانی بکرێت، کە داواکەیان پێشکەشی بەرێوەبەرایەتی چاکسازی ھەولێر کردووە، ئەمەش مافێکی ئاسایی و یاسایی خۆیانە.دووەم: بە حوکمی ئەوەی ئەو لایەنە سیاسیەی لەپشت سزادانی زیندانیانی بادینان لە ھەولێر بەسەر ھەموو دامەزراوەیەکدا زاڵە، دەیان جار ئەو گیراوانە سزادراون، بێ بەشکراون لە چەندین مافی سەرەتاییان.سێییەم: بە بیانوی جیاواز و نا مەنتقی رێگێری لە پارێزەران و ئەندامانی لیژنەی مافی مرۆڤی پەرلەمانی کوردستان و دامەزراوری دیکە دەکرێت سەرەدانی سزادراوانی بادینان بکەن.ھیوادارین لە لایەنی پەیوەندیدار رێگربن لە سزادانی زیندانیانی بادینان و وەکو پرسێکی یاسایی و بەپێ پرەنسیپەکانی مافی مرۆڤی مامەڵەیان لەگەڵ بکرێت. تیمی پارێزەرانی زیندانیانی بادینان١ی ئەیلۆلی ٢٠٢٢
تەڤدا پرێس
Copyright © 2020 by Tevdapress. All rights reserved