هەواڵ

د زكێ ده‌ڤه‌را بارزان دا ده‌نگێ ئۆپۆزسیۆن و دژبه‌ریا ده‌ستهه‌لاتا سیاسی ل هه‌رێمێ بلند دبیت

Monday, 09.05.2022, 06:31 PM

ل ڤان چه‌ند ڕۆژێن بۆریدا وه‌ك زانیاریێن ل ته‌ڤداپرێس هاتینه‌ پارڤه‌كرن دیار بۆ ئه‌ندامێن خێزانا ئه‌دهه‌م بارزانی ب بڕیارا مه‌سعود بارزانی ده‌مێ ژ ئیرانێ ڤه‌دگه‌ڕنه‌ كوردستانێ ل سه‌ر سنورێ حاجی ئۆمه‌ران ب سڤكاتیه‌كا زێده‌ سه‌ره‌ده‌ری دگه‌ل وان هاتیه‌ كرن و ڕێگری ل ڤه‌گه‌ریانا وان بۆ ده‌ڤه‌را بارزان هاته‌ كرن كو دیڤدا ڤێ چه‌ندێ كارڤه‌دانه‌كا دژبه‌ر ژلاێ لایه‌نگر و كه‌سوكارێن ڤێ ماڵباتێ دا دیف خوه‌ و ل چه‌ند ده‌ڤه‌رێن ل ناڤه‌ندا سنورێ بارزان وه‌ك ده‌ربڕینا پشتگیریێ، پۆسته‌ر و دروشم و وێنه‌ێ ئه‌دهه‌م بارزانی دهێنه‌ هلاویستن.

لگۆری زانیاریان ژبۆ پشته‌ڤانیا ئه‌دهه‌م بارزانی كه‌ساتیێ ناڤدارێ ده‌ڤه‌را بارزان وێنه‌ و پۆسته‌رێن چاپ كری یێن وی ل جهێن گشتی و یه‌رچاڤ هاتنه‌ هلاویستن و وه‌ك پشته‌ڤانیه‌كا جه‌ماوه‌ری نه‌ڕازیبۆن ل هه‌مبه‌ر ڤان سه‌ره‌ده‌ریێن پارتی ل هه‌مبه‌ر ئه‌دهه‌م بارزانی هاتنه‌ دیاركرن، ئه‌ڤه‌ ل ده‌مه‌كێ یه‌ كو ئه‌دهه‌م بارزانی بخوه‌ ل ڕۆژهه‌لاتێ كوردستانێ یه‌ و ژبه‌ر ڕێگریێن پارتی ل هاتنا وی بۆ هه‌رێمێ نه‌كاریه‌ بزڤریته‌ جهـ و وارێن خوه‌.

هه‌لاویستنا ڤان پۆسته‌ر و دروشمێن به‌رگریا ل ئه‌دهه‌م بارزانی ل ده‌ڤه‌را بارزان پشتی بویه‌را ڕێگری و سڤكاتیكرنا پارتی به‌رامبه‌ر زاڕۆك و كه‌سوكارێن ئه‌دهه‌م بارزانی بوو كو به‌ری سێ ڕۆژان ل سه‌ر سنورێ حاجی ئۆمه‌ران ب شێوه‌كه‌ نه‌یاسایی له‌به‌ر چاڤێ خه‌لكێ و گه‌شتیارێن سه‌ر سنوری سه‌ره‌ده‌ریه‌ك خراب و نه‌شارستانی دگه‌ل وان هاتبوو كرن، ئه‌ڤه‌ ژی بۆ ئه‌گه‌را زێده‌تر نه‌ڕازیبوون و كارڤه‌دانێن دژبه‌ر ل سه‌ر وان و ده‌روبه‌رێن وان.
هێژای گۆتنێ یه‌ كو پێشتر ژی ل ده‌ڤه‌را ناڤبری دروشم و پۆسته‌رێن پشته‌ڤانیێ بۆ ئه‌دهه‌م بارزانی هاتبۆنه‌ هه‌لاویستن، لێ ژلاێ هنده‌ك كه‌سێن نه‌ناس هاتبۆنه‌ ژێڤه‌كرن، ئه‌دهه‌م بارزانی نوكه‌ وه‌كه‌ ئۆپۆزسیۆنه‌كێ ده‌ستهه‌لاتا سیاسی ل هه‌رێمێ سه‌ره‌ده‌ریێ دكه‌ت، له‌روا دهێته‌ پێشبینی كرن ئه‌ڤ ڕێگریا ژلاێ پارتیڤه‌ هه‌ر ژ ترسا ڤێ چه‌ندێ بیت كو ناهێلن ڤه‌گه‌ڕیته‌ هه‌رێمێ و گوند و وارێن خوه‌.