دوو ساڵ دەرباز دبن لسەر وێ زۆڵم و بێ بەختیا لتەو هەڤالێن تە هاتیە کرن...

ئەز لتە ناڤەشێرم جاران بێ دەنگیا من ناچاری بوو، چۆنکە قەد من ئەو هێزە نەبوو شەش ساڵا دیری هەردوو پەلاتینکێن خوە(ئاشناو ئارام)ی بمینم!!

باش دزانم تەژی پەلاتینکێن بێ گۆنەهـ هەبوون،لێ بباوەرا من جاران ڕەڤین سەرکەفتنەکە.

گەر مە گۆنەهەک هەبیت تاوانا هەری مەزن پێکئینانا خێزانێ بوو!! ئەرێ ما خێزانێ چ گۆنەها خوە هەبوو مە کرینە شەریک و هەڤچەپەرێن خەبات و تێکۆشانا خۆ؟! لێ دەم بۆری نا ڤەگەریتەڤە!

هەتا مە مزگەفتەک ئاڤا کر مە دێرەک خراب کر.

دووبارەو سێ بارە هزار جار لێبۆرینێ ژ تەو خێزان و ماڵباتا تە دخازم.

ب گەلەک مەرجا ئەز هاتمە ناچارکرن ئێدی ل وی دەمی بێدەنگ بمینم گەر نە یان دڤیا نها ل تەنشت تەبام یان ژی ل وێ ڕۆژێ د خۆینێ وەرببام .

دبێژمە تەو خێزانا تە ئەزو خێزانا خوە ژ هەوە چێتر نینین،لێ ئەز بخودێ  و بهەمی پیرۆزی و ئەدیان سۆیند دخۆم دناڤبەرا سەربڕینا خوەو دورکەفتنا(ئاشناو ئارام ی)دا، بێ دوو دلی دێ سەربڕینێ هەلبژێرم...

ل داویێ هێڤیا من ئەوە قەیدێن وە بێنە شکاندن و چاڤێن خێزان و زارۆکێن وە بدیتنا وە رۆهن ببن.

هین سەربلندن و سەرێ مەژی ب هەوە یێ بلندە...

بژیت ئازادی بژیت هزرا پاقژو بژیت قەلەمێ ڕاست.

// هەڤالێ تە یێ ژ ناچاری بێ وەفا(جهاد علی گۆللی)