دەست دگەل سێدارەدانا لەیلا قاسم هەبوو بەلێ حکومەتا هەرێمێ ئەو ئازاکر و خەلات ژی

کر

ژبەر رێز و سوپاسیەک بەرامبەر خزمەتا وی ل حیزبا بەعس و دەزگەهێ هەوالگیری دا .مونزر موزەفەر نەقشبەندی ژلایێ حکومەتا سەدام حسێنی پوستێ وەزیرێ باژێرڤانی و ئاکنجیبوونێ پێ دهێتەدان،هەروەسا ئەندامەکێ بلندێ پارتا دیموکراتا کوردستانێ بوو ب سەروکایەتیا مەلا مستەفا بارزانی و سەرکردەکێ بارز بوو ل بارەگەهێ پارتی ل بەغدا ل سالێن 1970-1974

دەمێ ئەو قوتابیێ ئەندازیاریێ ل قاهیرە وی دەمی پەیوەندیێ ب دەزگەهێ ئاژانسا هەوالگیریا بەعس دکەت و ڕۆژ بۆ ڕۆژێ ل ناڤ ئاژانسێ دا دهاتە پێش و هەتا دبیتە کەسەکێ دیار ل ناڤ هەوالگیریێ دا و تایبەتی پشتی ل سالا 1974 وی دەسهەلاتدارێن بەغدا ژ پیلانگێریەکێ ئاگەهدارکری و زانیاری داینە دەسهەلاتدارێن عێراقێ کو شانەکا نهێنی یا کوردیا هەی هەر ئێکسەر هەوالگیریێ ب هاریکاریا وی ئەو شانە هەمی دەستەسەرکرن کو ئەو شانە یا بەرنیاس بو ب گروپێ لەیلا قاسم و پشتی دەستەسەرکرنا وان هەمی هاتنە سێدارەدان

پشتی ژناڤچوونا رژێما سەدام حسێنی ل سالا 2003 مونزر موزەفەر نەقشبەندی ڤەگەریا هەولێرێ و هاتە خانەنشین کرن و پاسەوان ژی بۆ هاتنە دانان و دگەل کوچکەکا گرانبها ئەڤە هەمی بەرامبەری وێ یەکا د دەرحەقا سێدارەدانا لەیلا قاسم و هەڤالێن وێ دا کری