TEVDA Press

سبحی نێروه‌یی جاشێ سه‌دامی و جه‌لادێ مه‌سعودی

| Monday, 09.07.2020, 12:41 PM |


تاوانبار سبحی نێروه‌یی
جاشێ سه‌دامی و جه‌لادێ مه‌سعودی

سبحی حجی سالح نێروه‌یی، جێگرێ بژار دوسكی رێڤه‌به‌رێ ئاسایشا پارێزگه‌ها دهوكێ، دبه‌رێ دا (رفیق حزبی) بوو، و نها ژی ده‌ست د ئێشاندنا خه‌لكی دا هه‌یه‌ بتایبه‌تی چالاكڤانێن شێلادزێ وكیسێ وی ژی یێ پڕه‌ ژ مه‌له‌فێن گه‌نده‌لیێ.

ل ده‌ستپێكا سالێت هه‌شتێیاندا، وه‌ك ده‌روێشه‌كێ رێبازا صدام حسێنێ، دگه‌ل چه‌ند ره‌فیق حزبیه‌كا ل دهوكێ ب پیێا چوبوونه‌ به‌غدا بو پیروزباهیا روژا ل دایك بوونا سه‌دامی، دگه‌ل شانده‌كێ كادرێن (اتحاد ته‌له‌به‌) یا به‌عسیا، كه‌نالێ شه‌بابێ عوده‌ی ژی رومالا میدیایی بو دكر وئینانه‌ سه‌ر شاشه‌ی.

حجی سالحێ بابێ سبحی نێروه‌یی، ئامر سریه‌ بوو ل فه‌وجا جاشا یا محمد كه‌لحێ ژماره‌ به‌تالیون (7) بوو.
نێروه‌ییا هه‌ست بكێماتیێ دكر دگه‌ل رێكانیا له‌و هه‌وڵ دان چوونه‌ ده‌ف سه‌دامی و داخازا فه‌وجه‌كا سه‌ربه‌خۆ كر، به‌لێ صه‌دامی ژی مه‌رج دابه‌ر وان و گوتێ "هه‌رن بومه‌ مسته‌فایێ برایێ حجی سالحی دناڤ پێشمه‌رگه‌ی دا بیننه‌ ناڤ رێزێن مه‌ دا، پاشی هه‌وه‌ چ دڤێت دێ بو هه‌وه‌ كه‌ین".

ئه‌ڤ مه‌رجه‌ بو وان جهێ بێ ئومێدیێ بوو، له‌و ته‌كبیرا خۆ كر و سریا نێروه‌یا بته‌مامی چوونه‌ ناڤ پێشمه‌رگه‌ و لقا ئێكا پارتی كۆ وی ده‌می ل چیایی بوو.

لقا ئێك ژی برقی بو مه‌سعود بارزانی كر ل ئیرانێ، و پێ راگه‌هاند كو سریا حجی سالحێ نێروه‌یی ب ته‌مامی هاتینه‌ ناڤ پێشمه‌رگه‌ی، لێ مه‌سعود بارزانی فه‌رمانێ ب لقا ئێك دكه‌ت كو هه‌میا چه‌ك بكه‌ن و به‌رهه‌للا بكه‌ن!

پشتی چه‌ك كرنا وان، هه‌م ژ شه‌نێ دبن و هه‌م ژ كه‌وێ، ونه‌چار دبن په‌یوه‌ندیێ ب حزب الله‌ بكه‌ن، ومحمد خالد بارزانی رێیێ دده‌تێ كو بێنه‌ ناڤ رێزا حزبا وی دا.

گڕگڕێت نێروه‌ییا شه‌ش برا بوون (مسته‌فا نێروه‌یی، حجی سالح نێروه‌یی، محمد سدیق نێروه‌یی، عبدالواحد نێروه‌یی، ئوسمان نێروه‌یی، ئیحسان نێروه‌یی)

مسته‌فا نێروه‌یی پتر هه‌میا به‌رچاڤ بوو، و باوه‌ر پێكریێ مالا بارزان بوویه‌، له‌و ئه‌ڤ نوخبا به‌پرسێن نێروه‌یی هه‌می سه‌رخاترا وی هاتینه‌ پێش دناڤ پارتی دا، و ده‌مێ ژئیرانێ زڤرین مسته‌فای باره‌گایێ خو ل دیانا - سوران، دانا و دوو مروڤێن خۆ ژی دانه‌ دگه‌ڵ كه‌ریم شنگالی كو ئێك ژوان بیلال نیروه‌یی برازایێ وی بوو (د راپورته‌كا تایبه‌ت دا دێ به‌حسا بیلال نێروه‌یی ژی كه‌ین كو ریڤه‌به‌رێ نڤیسینگه‌ها كه‌ریم شنگالی بوو ل وه‌زاره‌تا ناڤخۆ).

عبالواحد نێروه‌یی ژی بوو ئامر فه‌وجێ پارتی و دشه‌رێ هه‌ولێرێ دا ل سالا 1996 ئێكه‌تیا كوشت.
- سبحی ژی كو هه‌م زاڤایێ مامێ خۆ ژی یه‌ مسته‌فا نێروه‌یی، له‌و بوویه‌ ریڤه‌به‌رێ ئاسایشا ئامێدیێ ژ ده‌ستپێكا نوهه‌تان هه‌تا دوماهیكێ،وبازرگانیا چه‌كی دگه‌ل په‌كه‌كێ دكر بدزیڤه‌ وبریكا هنده‌ك نێروه‌ییا و پاشی هاته‌ ڤه‌گوهاستن بو رێڤه‌به‌رێ ئاسایشا سێمێلێ.

- ل ئاسایشا سێمێلێ ژی تاوانباره‌ ب كوشت دانا نێزیكی 25 گه‌نجێن ده‌ڤه‌را رێكانیا ب هێجه‌تا تێكه‌لیا وان دگه‌ل په‌كه‌كێ، و بده‌ستێن خۆ كۆڕێن خه‌لكی ئه‌شكه‌نجه‌ داینه‌ ب ئاسن و پلایز و كێبڵا.

سبحی نێروه‌یی ده‌ست دچه‌ندین تاواناندا هه‌یه‌، هه‌ر ژ بازرگانیا مادێن بێهوشكه‌ر (مخدراتی) هه‌تا كو قاچاخیا نه‌فتا ره‌ش.

- ده‌مێ ریڤه‌به‌رێ ئاسایشا سێمێلێ ژی بوو، ده‌ست ب قاچاخیا نه‌فتا ره‌ش كر، و نه‌فت ژ زوومار ددزی و دفروته‌ پارزینگێن سێجێ ومه‌سفیێن دی، هه‌ڤبه‌ش دگه‌ل مه‌نسور بارزانی و غالب بارزانی و برایه‌كێ عه‌لی ئه‌تروشی.

- سبحی نیروه‌یی چه‌ندین دكتورێن عه‌ره‌ب ئیناینه‌ بێ موله‌تا ته‌ندروستی خانێن نوژداری بو ڤه‌كرینه‌ وچاڤدێریا ساخله‌میا دهوكێ ژی نه‌وێریت سزا بده‌ت.

- به‌دیعێ برایێ وی كو دبه‌ری دا ره‌فیق حزبی بوو ل سه‌رده‌مێ به‌عسێ، پشتی سه‌رهه‌لدانی مالا خۆ بره‌ دئاڤاهیێ شاره‌وانیا دێره‌لوكێ دا و ده‌ست دانا سه‌ر، هه‌تا كو حكومه‌ت نه‌چار كری به‌رامبه‌ر 50 ده‌فته‌رێن دولاری ئاڤاهی راده‌ست كری.

- سبحی نێروه‌یی، ل ئه‌ڤرو ستی دوو شوقه‌ هه‌نه‌ و برێكا فورتنا مادێن بێ هوشكه‌ر، ئه‌ڤێن ده‌سته‌سه‌ركری ل ئاسایشێ دگه‌ل فه‌ره‌ج كوچه‌ر، نێزیكی 2 ملیون دولار بده‌ست ئێخستن.

- دنها ژی دا سبحی نێروه‌یی، ڕوله‌كێ قرێژ هه‌یه‌ دبه‌رته‌سككرنا ئازادیا ل به‌هدینان و برێكا كامیران نێروه‌یی، به‌رپرسێ هه‌وار هاتنا ئاسایشا گشتی ل دهوكێ، چه‌ندین چالاكڤان و روژنامه‌ڤان و خونیشانده‌ر ئه‌شكه‌نجه‌داینه‌ و بسه‌ر مالێت وان داداینه‌.
تەڤدا پرێس