ئاگههداریهكا گرنگ بۆ چالاكڤان و ئازادیخازێن بههدینان
| Friday, 04.28.2023, 04:51 PM |
ماوهیهكه پارتی وهك پێشهیا خوه بشێوهكێ پیلانكری ڕاگهاندنا خوه ڕێخستیه لسهر ڤێ كو كێشهیێن جڤاكی برهنگهكێ بهرفرهھ بكهنه بابهتێن ڕۆژهڤێ، بابهتێن میناك كهیسێن ژن ڕهڤاندن و ژن بهردانێ، توندوتیژیێن جڤاكی و خێزانی، شهڕین كۆلانكی لسهر كرین و فرۆتن و بازاران، كوشتنێن گرێدای ڤان بابهتان كو ههمی گرێدای كێشهیێن جڤاكینه.
ههلبهت دیسا ئهڤه ڤهدگهڕیته سهر نهبونا پهروهردا جڤاكی و سستیا حكومهتێ دڤێ بارێ دا، لێ ئارمانجا پارتی ژ مهزن نیشاندانا ڤان بۆیهرێن سهرڤهكی د ڕاگهاندناندا ئهڤهیه كو ڕهخنهگر و بتایبهت چالاكڤان و تهخێن ئازادیخاز د ناڤا سۆشیال مهدیاێ ب كێشهیێن جڤاكیڤه مژیل بكهن و بهرێ وان ژ ڤان ههمی دزی و گهندهلی و تاوانێن مهزنێن دناڤا زكێ دهستههلاتێ بخوهدا دقهومن بدهنهپشگاقتن و پشتی 30 سالان دۆڕاندنا حكومهتا بنهماڵا بارزانی بهر چاڤێ رایا گشتی بنخێڤن تنێ ب ڕێیا مژول كرنا مێشكێ جڤاكێ.
هیڤیدارم ژ ههموو ئازادیخاز و چالاكڤان و ڕهخنهگران، كهس نهكهڤیته ڤان داڤێن پیلانكری یێن پارتی و ڕاگهاندنێن وێ و ڤان بابهتێن لاوهكی، ههكه كێمهكێ ل دهوروبهرێن ڤێ دهستههلاتێ تهماشه بكهن دێ بینن تا چ ئاستهكێ وێرانی و تاوانێن مهزن ڕوی ددهن كو نه هێژایه ب مژارێن جڤاكی ڤه مژوول ببن، پێدڤیه ههمی پێكڤه كار لسهر هشیاریا هاوڵاتیان بتایبهت جڤاكا بههدینان بكهن و تاوان و خیانهت و بێ لیاقهتیا دهستههلاتا بنهماڵا بارزانی بۆ گهلێ مه بدهنه ئاشكراكرن.
بارزان بارواری
بارزان بهرواری
Copyright © 2020 by Tevdapress. All rights reserved