پرسیار بۆ برادەرێن یەکگرتوو لسهر ماتێكرنا وان بهرامبهر ههدهپێ
| Monday, 05.08.2023, 06:05 PM |
پرسیار
بوو برادەرێن یەکگرتوو
ئایه هوین دشێن لژێر حکومرانیا ئەردوغانی و ئاکەپێ بچن ئەستەنبول و ئەنقەرێ؟!وەک هەر گەشتیارەکێ ئهوروپی و ئەمریکی و عەرەب، دەمێ ب ئالاێن وەلاتێ خوه ل تركیا دگهڕن، هوین ژی دشێن ب ئالاێ باشورێ کوردستانێ بچن تورکیا پیاسەکێ
بکەن؟
ئایه ل بازگههێن خاكا ترکیا دەمێ ژ وه دپڕسن: هوین خهلكێ کیڤەنە، ئهرێ هوین دشێن بێژن ئەم خەلکێ کوردستانێ نە؟!
ئەرێ ما ئیسلام نابێژیت ئەو تشتێ مروڤ ژبۆ خوه بخوازیت دڤێت ژبۆ برایێ خوه ژی بخوازیت؟!
ئهڤجا هیڤیدارم دهستا ژ دژایەتیا هەدەپێ بهردهن، كانێ هەدەپە دگەل كێ رێک كەڤتی یە یان دەنگێ وێ دگهل كیش لیستێ یه، ئەو پڕسا وانه، هەر دەرئەنجامەکا خەلەت ههبیت دێ بسەرێ واندا شکێت و ئەو بخوه دێ باجا وێ دەن.
لێ ب ڤی شێوازێ هوین نوكه دژایەتیا هەدەپێ دکەن خەلک دێ هەوە وهك جاش ونوکەرێ داگیركهرا ل قەلەم دەت!
ههروهسا من نەدیتی یە دەمێ هلبژاردنێن باشورێ کوردستانێ کەنال و
بەرپرسێن هەدەپێ هاتبن دژایەتیا هەوەکربیت و ماێ خۆ د چارهنڤیسێ وهدا كربیت، یان چ جارا نههاتینه بێژن نابیت یەکگرتوو دگەل پارتی حکومەتا ههڤبهش پێك بینیت، نهگۆتیه ئەڤا یهكگرتو دكهت خیانەتە ل خوینا كادرێن خوه یێن كو ب دهستێ پارتی د بارهگههێن واندا هاتینه سۆتن!
ههروهسا ئاکەپه خوهدیێ باشترین پەیوەندیان دگەل ئیسرائیلێ یه، قونسلخانا ئیسرائیل ل
وەلاتێ تورکیا هەیە، ساڵا دهربازبوویی ئەردوغان پێشوازی ل سەروکێ ئیسرائیل ئیسحاق
هرتسوغ کر ل ئەنقەرێ، ئەو ئیسرائیلا هوین هەر ڕۆژ بانگا وێ دگێڕن كو داگیرکارێ دینێ ئیسلامێ و گهلێ موسڵمانه و سڤکاتیێ ب
موسلمانا و ب قودسا پیرۆز دکەت!
ههروهسا ئەردوغان باشترین پەیوەندی دگەل عبدالفتاح
سیسی سەروکێ مصرێ ههیه، ئەو عبدالفتاح سیسیێ كو محمد مورسی لسەر دەستهەلاتێ لادای و زیندانکری، كو ههكه بیرا وه بیت دنیایهكا روندكێن ب جۆبار وه ژبۆ وی محمد مورسی باراندن.
ئەڤجا هیڤیدارم مەزنتر ل دەروبەرێن خوه تەماشە بكەن، نەهەرکەسێ لپێش كامیرا دوونڤێژ و چهند روژی كرنه شانۆ ههما ئهو یێ پاكه و ناهێته ڤێ واتێ كو ئەڤە نوینهرێ راستەقینەێ خودێ یە و حەقی لدەڤ
وییە!
نها مەزنترین باڕ و مهیخانه و دیسکو و مەلها و ڕهواتیا هەڤرەگەزبازیێ ل تورکیا هەنە، بوچی
ئاکەپە وان باڕ و دیسکو و مەلهایا ناگریت و لێپرسینێ دگەل وان هەڤرەگەبازا و فاحیشهخانا ناکەت
ئەگەر ئاکەپە و ئەردوغان نوینهرێت ڕاستهقینهیێن ئیسلامێ نه؟!
بارزان بەرواری
بارزان بهرواری
Copyright © 2020 by Tevdapress. All rights reserved