بۆ سه‌رشاهیا كورێ شاهێ ئۆردنێ سه‌ركردێن كورد هه‌شت ملیۆن دۆلار كرینه‌ خه‌لات

ئاشكه‌را بۆ كو ژلاێ سه‌ركردێت هه‌رێما كوردستانێ 8 ملیۆن دۆلار خه‌لات پێشكه‌شی شه‌هیانا كوڕێ پاشاێ ئۆردنێ هاتینه‌ كرن

حه‌یده‌ر موسه‌وی سه‌رۆكێ پێكهاتا قیما عێراقی د ده‌ربڕینه‌كێ دا ئاشكه‌راكر ل ده‌مێ به‌شداریكرنا ل ئاهه‌نگا شاهیا كوڕێ شاهێ ئۆردنێ ژلاێ مه‌سعود بارزانی و كوڕێ وی مه‌سرور بارزانی و به‌رهه‌م سالح ڤه‌ ب گوژمێ هه‌شت ملیۆن دۆلاران دیاری پێشكه‌شی بوك و زاڤای هاتینه‌ كرن.

موسه‌وی نه‌ كورده‌ و نه‌ژی به‌رپرسیاره‌كێ كوردایه‌، لێ ئاماژێ ب ڤێ ژی دكه‌ت  كو ب هه‌روه‌ په‌خشان و شاباشكرنا ڤی سه‌رمایه‌ی ل ده‌مه‌كێ دایه‌ كو حكومه‌تا هه‌رێمێ گڤاشتنه‌كا زۆڕ خستیه‌ سه‌ر هاولاتیێن خوه‌ كو د هه‌ژاریێ دا دژین.

سه‌رۆكێ دامه‌زراوا عێراقێ ئه‌ڤه‌ ژی دایه‌ دیاركرن كو پێدڤیه‌ لێپڕسینه‌كا یاسایی و شه‌عبی ل ڤان به‌رپرسان بهێته‌ كرن و بۆ كو بهێته‌ زانین كانێ ئه‌ڤ پاره‌یه‌ ژكیڤه‌ ئینانه‌ و بۆچی ل جهێ ڤێ كو ڤی پاره‌ی لسه‌ر خه‌لكێ هه‌ژارێ هه‌رێما خۆ به‌ڵاڤ بكه‌ن دكه‌نه‌ دیاری بۆ خه‌لكێن دی.