نێزیك ده‌ھ ساڵا بیلال نێروه‌یی رێڤه‌به‌رێ نڤیسنگه‌ها كه‌ریم شنگالی بوو ل وه‌زاره‌تا نافخو، كو پوسته‌كێ هه‌رێ هه‌ستیاره‌.

دبیته‌ كوڕێ محمد سدیق نێروه‌یی، و پسمامێ سبحی نێروه‌یی جێگرێ رێڤه‌به‌ره‌ێ ئاسایشا پارێزگه‌ها دهوكێ، ودبه‌رێ دا دگه‌ل باب و مامێت خۆ درێزێن حزبا به‌عس دابوون، وسه‌ر ب فه‌وجا محمد كه‌لحێ ریكانی بوون.

پشتی كو حجی سالحێ مامێ وی و بابێ وی داخازا فه‌وجه‌كا سه‌ربه‌خۆ دكه‌ن تایبه‌ت ب نێروه‌ییا، به‌عس مه‌رجه‌كێ دده‌تێ ئه‌و ژی مامێ وان یێ چویه‌ ئیرانێ و ته‌ڤلی پێشمه‌رگه‌ی بی، بناڤێ مسته‌فا نێروه‌یی بهیننه‌ دناڤ رێزێن جاشادا، لێ بو وان ئه‌ڤه‌ مه‌رجه‌كێ پڕ گران بوو، و له‌و ته‌كبیرا خۆ دكه‌ن و دچن و بچه‌ك و ره‌خته‌ڤه‌ خۆ راده‌ستی لقا ئێك دكه‌ن ل چیایی، كاربه‌ده‌ستێن لقا پارتی ژی برقی بو مه‌سعود بارزانی كربوو ل ئێرانێ، ئه‌و ژی فه‌رمانێ دكه‌ت هه‌میا چه‌ك بكه‌ن و به‌رهه‌ڵا بكه‌ن.

دشه‌رمێن خودا كۆ كه‌تنه‌ ناڤبه‌را ناڵ و بزمارا، ل سالا 1986 دچنه‌ ئیرانێ و دگه‌هنه‌ف حزب الله‌ یا محمد خالد بارزانی، هه‌تا كو سه‌رهه‌لدان چێبووی، مسته‌فا نێروه‌ییێ مامێ وی باره‌گایێ خو ل دیانا دادنێت.

كه‌ریم شنگالی وی ده‌می وه‌ك رێڤه‌به‌رێ گومركا حاجی ئومه‌ران ده‌وامێ دكه‌ت و داخازێ ژمسته‌فا نێروه‌یی دكه‌ت، شوفێره‌كی بو ببینیت، ئه‌و ژی بیلالێ برازایێ خۆ ده‌ستنیشان دكه‌ت، وئیدی ئه‌ڤه‌ دبیته‌ ده‌ستپێكا چوونا بیلالی بو پوستێن هه‌ستیار.

بیلال برێكا كه‌ریم شنگالی هه‌رچیا دڤێت دگه‌هتێ، سبحیێ پسمامێ خو دكه‌ته‌ به‌رپرسێ ئاسایشا ئامێدیێ، و مهرانێ برازایێ خۆ دكه‌ته‌ مدیر ناحیه‌ و جه‌لالێ برایێ خۆ ژی دكه‌ته‌ عه‌مید ل وه‌زاره‌تا نه‌فت و گازێ كۆ دبه‌رێ دا ره‌فیق حزبی بوو لدێره‌لوكێ، وچه‌ندین پسمام و مروڤ و خزمێن خۆ دملێ ئه‌منی دا دادمه‌زرینیت.

دهیاما كۆ مدیر مه‌كته‌بێ كه‌ریم شنگالی دبیت، پاره‌كێ مه‌زن ددزیت و ڤیلایه‌كێ ل پشتا به‌نداڤا دهوكێ دكریت، و خانیه‌كی چێدكه‌ت ل گه‌ره‌كا وه‌زیران 600 مه‌تره‌ كو گرانترین جهێ هه‌ولێرێ یه‌، و ترمبێلێن وی هه‌می ژماره‌ تایبه‌ت و گرانبه‌هانه‌، و دنهادا ل توركیا و به‌لجیكا ژی چه‌ندین خارنگه‌هـ كرینه‌.

بیلال نیروه‌یی هێلا گه‌رم دناڤبه‌را هه‌رێم و لوبنانێ دا چێكرییه‌، و پارێ حكومه‌تێ گه‌له‌ك برییه‌ لوبنانێ بو سپیكرنێ و هوتێل و كافه‌ك و چه‌ند شوقه‌ژی لوێده‌رێ كرینه‌ و پشك ژی دكومپانیایێن پشكنینا ترومبێلادا هه‌یه‌ ل كوردستانێ.

بیلال نێروه‌یی خو بنێزیكی باسكێ نێچیرڤان بارزانی دزانیت، و ئێكه‌ ژ پیسخور و گه‌نده‌لچیێن رێزبه‌ندا دوو ل كوردستانێ كۆ رایا گشتی بسه‌رهه‌ڵنه‌بوویه‌.