خیانەتی قەڵەمی نووسەران لە خیانەتی پارت و سیاسییەکان مەترسیدارترە، چونکە رووناکبیران کاریگەریی راستەوخۆیان لەسەر کۆمەڵگا هەیە

وتار » بیروڕا

هەڤڕکێن دەستهەڵات و حکومڕانیا پارتی!

(398 بینراوە)   | Sunday, 01.17.2021, 02:20 PM |


حزب و لایەنێن ئوپوزسیونی و هاوڵاتیێن نەڕازی پێتڤی یە پیلان و بەرنامێن خۆ چڕ کەن، ژ بەرکو ئەڤ دەردەسەری و نەهامەتیێن هەین دا زێدە تر لێنەهێن و بارودۆخێ ژیارا هەژارێن ڤی مللەتی بەرەڤ مەتڕسیێن خراب تر ڤە نەچیت،
مافێ ڕەوایێ هاوڵاتییانە وەکە خوە و ل گۆر بیر و باوەرێن خوە ب سەرفەرازی و دویر ژ برس و تڕسێ بژین،
خزمەتا کارئەکتەرێن سیاسی یێن وەڵاتێن خەلکی دەستهەڵاتا خۆ بۆ خۆشگوزەرانییا ژیانا هاوڵاتیێن وەڵاتێ خوە ب کاردئینن، مخابن ئاشبەتال و بازرگانێن سیاسەتا باشورێ کوردستانێ پێچەوانە کاردکەن ڕەۆشا خەلکێ مە هندا تاڕی و ئاڵوزلێکری و سەرێن ڕێکا یێن لێبەرزە کرین و مرن یا لێکریە قۆڕتالبوون!

دەستەڵاتا کوردی ب پیلان و دراڤەکێ زۆر سیناریویا داڕێژیت بۆ مژویلکرن و ژ بیرچوونا داخوازکرنا مافێن هاوڵاتیبوونێ لسەر داموو دەزگەهێن ڕێڤەبەریا دەولەتداریێ، هەڕۆژ وەکی خەلەکێن درامی یێن ڕۆژانە دێ بویەرەکێ ئازڕینن و دێ کەنە بابەت و دێ خەلکی پێڤە مژویلکەن و ل ڕەخەکێ دی ب دیتن و ب هیستنا دیمەنەنێن مەتڕسی و جەرگبر ژ خۆە کوشتنا خەلکێ بێچارە لسەر شاشا tv یێن  خوە ڕۆژێ چەند جارا نمایش و بەرچاڤ کەن،

( بێبەشکرنا خەلکێ هەژار ژ مافێن ژیانکرنا دەستپێکی، هۆڤاتییا سەرەدەریا دەزگەهێن پاراستنا حزبێن ماڵباتی، هاوڵاتی ژ بەر بۆچوونا هزرێن جودا ژ سزادان و توهمەتبارکرن و تیرۆرکرنێ خڵاس نەبوون)

نێزیک هەلبژارتنێن پەڕلەمانێ عیراقێ دێ دەستپێکەن،
پێتڤی یە بەرەیەک ژ حزب و ئالیێن سیاسی و هاوڵاتیێن نەڕازی بهێتە پێکئینان و کار و پیلانێن سەردەمیانە ب داڕێژن،  دویر نەبینن ل ئایندەیی ئەڤ بەرەیە پێشڤەچوونێن دلخۆشکەر لدویڤ خوە ڕابکێشیت حەتا دەمێ هەلبژارتنێن پەڕلەمانێ هەرێما کوردستانێ پێگەهەکێ ب هێز دروست بکەت و خەلک باوەر ژێ بکەت، وەکی پڕۆژە و ڕێکخستن لێ بنێرن دا حکومڕانیێ ژ دەستێ ڤان پارتێن کلاسیکی ئەوێن ب سەرکردایەتییا مالباتێن خوپەڕێس دهێتە ب رێڤەرن، ل دووماهیێ دەستهەڵات ژێ ب هێتە ستاندن؟

بێچارەیی یە خەلکێ کوردستانێ، ژێوەرگرتن و ژێستاندنا دەستهەڵاتێ ژ دەستێ پارتی و مالباتا بارزانی وەکی خەونا حێشترا بیننە بەرچاڤێن خۆ، ئەگەر نە، ئەرێ بۆچی بەرەیێ هاوڵاتیبوونا دلسۆز ب سەرناکەڤیت،
ژ بەرکو هەر گوهورینەکا دهێتە دەستپێکرن،
دەستپێکێ گوتنە و پشتی دەمەکی ژ لێگەریانا بەرنامێن سەرکەفتی و کارکرن لسەر پێگەهەێن خۆڕستی، بێگۆمان ئەو پڕۆژە دێ سەرگریت و دێ بیتە  ژیوار و کەتوارێ  ڕۆژەڤێ، ئانکو (واقع حال)، هەژی ئاماژەپێکرنێ یە هەر کار و کریارەکا ب هوشمەندی و دلسوزی و پیلانێن زانستی و باوەر ب خۆ هەبوونێ دەستپێکربیت و دویر ژ بەڕژەوەندیێن کەسۆکی حەتمەن یا سەرگرتی و سەرکەفتی.

ئەگەر ئێک پڕسیار بکەت ئەرێ ما کەسێ ئەڤ چەندە ئەنجام نەدایە ب هەمی باوەری دبێژین نەخێر، ئەگەر هاتبا ئەنجامدان دا بەرهەم هەبیت و ئەڤ ڕەۆشا نوکە هەیی دروست نەدبوو و ئەم هۆسا ڕەزیل و بێخوادان نەدژیایین؟





وێنە

نیهاد بارزانی ناسراو بە شێخ فستق بارزانی
مەسعود پولەکەی پاپای بە ریفراندۆمەکەوە دەنێت
هێزی گەل و هێزی دەسەڵات
دەزگای میت، هاوپەیمانی پارتیی، بزانە چۆن مامەڵەی کورد دەکات