قارەمان شوکری ڕۆژنامەنووس لەلایەن هیزە دەمامکدارە تێرۆریست ڕەفتارەکانی پارتیەوە دەسگیرکرا

هێزێکی دەمامکداری تیرۆریستانی  ئاسایشی پارتی لە کۆمەڵگەی سیرێ بە شێوازێکی دڕندانە هەڵیانکووتایە سەرماڵی ڕۆژنامەنووس قارەمان شوکری زەینەدین و دەستگیری دەکەن، سەرباری تێکدانی ماڵ و دوکانەکەی، سوکایەتیی بە خانەوادەکەشی دەکەن.

هێزە تیرۆریستیەکە بە زیاتر لە پێنج ئۆتۆمبێل هەڵیانکووتاوەتە سەر ماڵی قارەمان شوکری و تەوای کۆڵانەکانی دەوروبەریان  گرتووە،  ماڵەکەیان بەتەواویی تێکداوە و سووکایەتییان بەرامبەر دایکم  برایەکی کردووە.

پاشان چوونەتە سەر دوکانەکەی قارەمان شوکری و کلیلی دوکانەکەیان شکاندووە مۆبایل و لاپتۆپیان بردووە.

قارەمان شوکری زەینەدین تەمەنی ٢٤ ساڵە و دانیشتووی کۆمەڵگەی سیرێ-یە لە شارەدێی شیلادزێی سنووری پارێزگای دهۆک، پیشەی ڕۆژنامەنووس و فۆتۆگرافە و خاوەنی خەڵاتی وەدات حسێنە بۆ ئازادیی ڕۆژنامەگەریی .

پێشتریش دوو جاری دیکە لە ڕێککەوتی ٢٦ی ١ی ٢٠٢٠ و ٢٦ی ٦ی ٢٠٢٠ هەر لەلایەن ئاسایشی پەدەکەوە دەستگیرکراوە، هەردووجارەکەش ئاسایش بەبێ بڕیاری دادوەر کراوە و بەبێ بڕیاری دادوەریش ئازاد کراوە..

ئەمەش لەکاتێکدایە، بەپێی وتەی گوڵستان سەعید سەرۆکی فراکسیۆنی بزووتنەوەی گۆڕان لە پەرلەمانی هەرێمی کوردستان، تا ئێستا نزیکەی ٧٠ کەس لە سنووری دهۆک لە زیندانەکاندان و دەربارەی چارەنووسیان سەرۆکی حکومەت وەڵامی ئەوانیش ناداتەوە.