هەواڵ
تاوانکاریەکی تری کوڕەکانی بنەماڵە لە دەڤەری بارزان
Thursday, 02.04.2021, 02:20 PM
بنەماڵەی بارزانی بە باڵی نێچیر و مەسرور و بنەماڵە دژبەیەکەکانی تر، سەرباری ناکۆکیەکانیان بەردەوام هاوبەشن لە تاوانکاری و بەکارهێنانی توندوتیژیان بەرامبەر خەڵکی ناڕازی و دەنگە ئازادەکان. لە هەمانکاتدا توندوتیژی و لەخۆبایی بونیان گەیشتۆتە ئاستێك کە لە ناو بنەماڵەکانی دەڤەری بارزان بێزاری بەرامبەر کارە نامرۆیی و پێشێلکاریەکانیان بەردەوام لە زیادبوندایە.
دوێنێ بەرواری ٣/٢/٢٠٢١ عەباس ئیدریس بارزانی برای نێجیروان بارزانی سەرۆکی هەرێم و مەحروس بارزانی کوڕی خوشکی مەسعود بارزانی (لەیلا) . بۆ گەشتو گوزار و بۆ ماتۆڕسواری سەر بەفر لەگەڵ ژمارەیەکی زۆری پاسەوانەکانیان دەچن بۆ دەڤەری بارزان، ناوچەی (زینیا ستۆپێ). لە نزیك گوندی (سیرکێ) و گوندی (خالونە) دەمێننەوە.
بە هۆکارێکی نادیار کێشەیەکی لاوەکی لە نێوان عەباس و مەحروس لە لایەکەوە و دو کوڕی گەنجی (خالید گەردی) دروست دەبێت. ئەنجامی دەمەقاڵێی نێوانیان پاسەوانەکانی عەباس و مەحروس بە شێوەیەکی دڕندانە بە بۆکس و شەق و قۆناغە تفەنگ لەو دو کوڕە دەدەن. پاش لەسەر زەوی کەوتنیان و لە خوێن گەوزاندنیان بەجێیان دەهێڵن. خەڵکی گوندەکە بە هانایانەوە دەچن و دەیانگەیەننە خەستەخانەی دیانە. ئەو دو کوڕەی خالید گەردی تاکو ئەمڕۆ لە بارێکی خراپ و لە خەستەخانە ماونەتەوە و ژێر چاودێری بەردەوامی پزیشکیدان.
وەکو کاردانەوەیەكی خێرا خالید گەردی و چەند کەسایەتیەکی ناسراوی دەڤەرەکە ( پیاو ماقوڵان و ڕیش سپیەکان) سەردانی مەسعود بارزانی دەکەن و ناڕەزایی توند بەرامبەر ئەو دەستدرێژیە دەردەبڕن. لە میانەی دوان و ناڕەزایی دەربڕینەکاندا خالید گەردی بە مەسعود بارزانی دەڵێ: دەستدرێژی و ناڕەوایی کوڕ و ئەولادەکانتان گەیشتۆتە ئاستێك کە ژیان لە دەڤەری بارزاندا نەماوە و بەردەوام تەعدا لە خەڵکی ئاسایی و کەمدەسەڵاتی دەڤەرەکە دەکرێت، بە بێ هیچ لێپرسینەوەیەك. کار گەیشتۆتە ئەوەی تەنها و تەنها چارەمان سەری خۆهەڵگرتن و جێهێشتنی دەڤەرەکە بێت.
بێگومان چاوەڕوانی ئەوە ناکرێت هیچ دەزگایەکی فەرمی کاردانەوەی بەرامبەر دەسدرێژیەکانی کوڕانی بنەماڵەی بارزانی هەبێت. بەڵام ئەوەی چاوەڕوانی بنەماڵەی خالید گەردی و خەڵکی دەڤەرەکەیە ئەوەیە کە مەسعود و سەرانی بارزانی کاردانەوەیان بەرامبەر عەباس و مەحروس و پاسەوانەکانیان هەبێت. مەخابن تاکو ئێستا هیج شتێکمان لەو ڕووەوە پینەگەیشتووە.
خالید گەردی و بنەماڵەکەی لەو کەسانەن کە بە درێژایی تەمەن هاوکار و پشتوانی بنەماڵەی بارزانی و پارتەکەیان بون. بە پێی زانیاریەکان تاکو ئێستا پێنج کەس لە بنەماڵەکەیان لە پێناوی پارتی و بنەماڵەی بارزانیدا کوژراون.
شایانی باسە لە دەڤەری بارزان دو توێژی جیاواز لەیەکتری دەژین، توێژێکیان ناسراون بە (شێخانی بارزان) کە ئەمانە ناوکی پێکهێنانی بنەماڵەی بارزانی و دەسەڵاتدارانن. توێژی دوهەمیان (مسکینەکان) جوتیاران و هەژاران و بێدەسەڵاتەکانی ئەو دەڤەرەن. بنەماڵەی شێخانی بارزان بە نزم و بچوك و خزمەتکاری خۆیان تێیان دەڕوانن و تەنانەت بە هیچ شێوازێ تێکەڵبون و پەیوەندی خزمایەتی و ژنوژنخوازیان گەڵدا ناکەن. زۆربەی قوربانیانی جێنۆسایدی بارزانیەکان لەم توێژە بون نەك بنەماڵەی شێخانی دەسەڵاتدار کە هەمیشە خۆپارێز و پارێزراو بون.
ئەو بابەت و هەواڵانەی کە ناوی نووسەرەکانیان دیار و ئاشکرایە، تەنیا
نووسەرەکەی بەرپرسیارە، نەک تەڤداپرێس
بابەتی لەیەکچوو
تەڤدا پرێس: بازرگانێکی نزیک لە مەسرور بارزانی تاوانبارە بە پێدانی بەرتیل و مامەڵەی نایاسایی بە چەک بۆ چەند کەسێکی نزیک لە خۆی و لە مەسرور بارزانی
تنويه بخصوص الصفحة المقلدة على فيسبوك وإخلاء المسؤولية
ئەیوب بارزانی: الانتقال من دور "الثورية" الى "الارتزاق"
تەڤدا پرێس: لە ئەرشیفی بەریتانیاوە عوبەیدوڵڵا بارزانی دەلێت : مەلا مستەفای باوکم خائینە
تەڤدا پرێس: پارێزەرانی سکاڵای سەدە دژ بە بنەماڵەی بارزانی نامەیەکی پڕ لە زانیاری بۆ دەیان بەرپرسی باڵای ئەمریکا دەنێرێت
بابەتی تر
کۆسرەت ڕەسوڵ ٧٢ کاتژمێری تر کۆتایی بە ژیانی پڕ لە تاوانکاری دێت
ووتاری خۆفرۆشان و قەلەمفرۆشان بە دەسەڵات، لە میدیای بەناو بێلایەن و سەبەخۆدا!
ووتاری خۆفرۆشان و قەلەمفرۆشان بە دەسەڵات، لە میدیای بەناو بێلایەن و سەبەخۆدا!
ووتاری خۆفرۆشان و قەلەمفرۆشان بە دەسەڵات، لە میدیای بەناو بێلایەن و سەبەخۆدا!
تەڤدا پرێس: دوا کێشەی موڵکداری نێوان ئامۆزاکانی ناو بنەماڵەی بارزانی
تۆڕی پاراستنی تەندروستی گشتی: دوا بڵاوکراوەکانی تۆڕی پاراستنی تەندروستی گشتی (٢٦/١/٢٠٢١ - ١/٢/٢٠٢١)
كۆیار ڕهووف: كۆمپانیای لاناز ی مه نسور بارزانی و بازرگانی نایاسایی بهنهوتی سوریاوه
عهتا قهرهداغی: حیزبی كوردی لە نێوان بنیادنان یان كوشتنی ئایندەی نەتەوەدا!!
کۆنگرەی دەنگە ناڕازییەکان داوای بەتەنگەوە هاتنی زیندانیان لە دەزگا و ڕێکخراوە بیانی و ئێراقیەکان دەکات
تەقە کەوتە نێو بنەمالەی بارزانیەوە