ئه‌سعه‌د خوشه‌ڤی، ژگوندێ سێلكێ ده‌ڤه‌را مزویری بالایه‌، ئێكه‌ ژوان موجرمێن، ده‌هات كارێن تیروریستی بو مه‌لا مسته‌فای ئه‌نجامداینه‌، ژ ڕوسیا بگره‌ هه‌تا ده‌ڤه‌را به‌رواری باڵا، نها ژی  موحه‌مه‌دێ كورێ وی و عه‌لی خه‌لیلێ برا و چه‌ند ئه‌ندامێن دیێ یێن ماڵباتا وی ل كور و برازا و پسماما، ژمسته‌فیدێن هه‌ری مه‌زنێن تالانا داهات و پارێ ملله‌تینه‌ ..

به‌شه‌ك ژ كارێن ئه‌سعه‌د خوشه‌ڤی:

1/ ئه‌سعه‌د خوشه‌ڤی ئێك ژوان ره‌شه‌كێن مه‌لا مسته‌فایه‌ كو ل كومارا مهابادێ پشتا قازی موحه‌مه‌د به‌ردای و ره‌ڤین هاتنه‌ سنورێ سیده‌كان و ول وێرێژی ره‌ڤین چوونه‌ ڕوسیا، وقازی موحه‌مه‌د بتنێ هێلا، هه‌تا حكومه‌تا شای ل سێداره‌دا دگه‌ل 4 فه‌رمانده‌ وشاڵیارێن كومارا مهاباد.

2/ ئه‌سعه‌د خوشه‌ڤی ل روسیاژی سیخوری ل سه‌ر چه‌ندین قه‌هره‌مانێن پێشمه‌رگه‌ی دكر بو مه‌لا مسته‌فای وه‌ك (مستو مێروزی، میرحاج ئاكره‌یی، زرار ده‌رگه‌له‌یی، شێخ سلێمان عبدالسلام بارزانی، ساكو كانیه‌لنجی، مامه‌ند مه‌سیح شێروانی ..هتد).

3/ ده‌مێ ل روسیا ژی زڤرین ل سالا 1962 مه‌لا مسته‌فای، كره‌ سه‌ركردێ هێزێن شورشێ ل ده‌ڤه‌را به‌هدینان وهنارته‌ سه‌ر به‌گێت به‌رواریا و شێخێت بریفكا هه‌می كوشتن وتالانا ماڵ وگوندێت زێباریا و رێكانیا وسورچیا پێ كر.

4/ دماوێ حوكمرانیا وی ل ده‌ڤه‌را به‌هدینان و به‌رواری باڵا  چه‌ندین دزی و كارێن تێكده‌ریێ و تیرورێ ئه‌نجامداینه‌، مه‌زنترین كارێ وی تیروركرنا سه‌ركردێن شورشا باكورێ كورستانێ بوو (دكتور شڤان).

هه‌ڵبه‌ت پشتی كو مه‌لا مسته‌فای ئه‌مرێ كوشتنا سه‌عید ئالچی، سه‌روكێ پارتی دیموكراتی كورستانا باكور دای و ل زاخو ب ده‌ستێن پسمامه‌كێ ئه‌سعه‌د خوشه‌ڤی بناڤێ عیسێ سوار هاتیه‌ تیروركرن. پشتی هنگی ژترسادا مه‌لا مسته‌فای گوته‌ ئه‌سعه‌د خوشه‌ڤی تو ژی هه‌ره‌ دكتور شڤانێ جێگرێ شه‌هید سه‌عید ئالچی بكوژه‌، دكتور شڤان سكرتێرێ پارتی دیموكراتی كورستان بوو ل باكور، ل بامه‌رنێ دپشتڤه‌را و ب نامه‌ردی ب ده‌ستێن ئه‌سعه‌د خوشه‌ڤی هاته‌ ژناڤبرن، چونكی ره‌خنه‌ ل مه‌لا مسته‌فای گرتبوون.جهێ مه‌ترسیێ بو بو مه‌لا مسته‌فای پشنی كو سه‌روكێ وی شه‌هید كری

5/ پشتی كو مه‌لا مسته‌فای تاكه‌ ژنا فه‌ڵه‌ شورشا ئه‌یلولێ (مارگرێت جورج) اغتصاب كری وبخورتی لێ سیار بووی ل كانی ماسێ، حه‌مایلێ زانی و گوته‌ مه‌لا مسته‌فای ته‌ خیانه‌ت ل من كر دڤێت مارگڕیتێ بكوژی. ب رێكا ئه‌سعه‌د خوشه‌ڤی، مارگرێت كرێت كر و كوشت و هاڤێت گه‌لیه‌كی دا.

6/ ده‌مێ كوچڕه‌وی و مشه‌ختیا خه‌لكێ ده‌ڤه‌را به‌هدینان پشتی ئاشبه‌تاڵیا مه‌لا مسته‌فای ل سالا 1974 خه‌لكێ به‌هدینان هه‌می ره‌ڤی به‌ره‌ب باكور ومێردین وشرنه‌خێ، وه‌ختێ ملله‌تێ مه‌ گه‌هشتیه‌ مقه‌رێ شورشێ ل ده‌ڤه‌را به‌رواری باڵا، ئه‌و ئه‌رزاقێ ب پارێ شورشێ ژلایێ ئه‌سعه‌د خوشه‌ڤی هاتبوو كرین و عه‌مباركرن، هه‌می ب پارێ دوو قات و سێ قات وبگرانبه‌ها فروته‌ خه‌لكی وپاره‌كێ گه‌له‌ك ژێ دستان و بخو بفرسه‌ت دیت پارا كۆمكه‌ت، ئه‌ڤه‌ دده‌مه‌كی دا كو پێشمه‌رگا به‌ری هنگی داخازا ئه‌رزاقی دكر و دبرسی بوون، و ملله‌ت ژی نیڤه‌ ل برسا برێكێ ڤه‌ مر هه‌تا گه‌هشتنه‌ كه‌مپێت توركا ل باكور.

7/ ئه‌سعه‌د خوشه‌وی دگه‌ل پسمامێ خۆ، عیسێ سوار، كو ئامر هێزێ زاخو بوو، چه‌ندین كارێن به‌دڕه‌وشتی وتیرورێ دژی خه‌لكێ زاخو و ده‌ڤه‌رێ ئه‌نجامداینه‌ و هه‌تا بازرگانیا مخدراتی دكر دناڤبه‌را سلوپی - زاخو- موسل دا، وچاڤه‌رێ بن د راپورته‌كا دیدا دێ جه‌ریمێت عیسێ سوارێ پسمامێ وی به‌لاف كه‌ین.

* ئه‌سعه‌د  خوشه‌ڤی ل سالا 1977، ب ئێشا گران - سه‌ره‌تانێ- دبن به‌ته‌نیێ دا رزی وسكتی.