فاینانشڵ تایمز:حکومەتی هەرێم لەژێــر حــوکمڕانیی دوو بنەماڵەدا بەرەو تاکڕەویی دەڕوات

کەمال چۆمانی

ڕاپۆرتێکی  Financial Times فاینانشڵ تایمز، باس لەوە دەکات چۆن حکومەتی هەرێم لەژێر حوکمڕانیی دو بنەماڵەدا بەرەو تاکڕەویی دەڕوات، بێگومان باسی سەرەکیی بەناهەق حوکمدانی ڕۆژنامەنوس و چالاکانوانانی بادینانە.

قوباد تاڵەبانی پێیوایە بە هەڵبژاردن هاتونەتە سەر حوکم، بنەماڵەکانیان تەنها رێییان بۆ خۆشکردون.

بە مەسعود بارزانی و قوباد تاڵەبانی و مەسرور بارزانی و نێچیرڤان بارزانی و لاهوڕ تاڵەبانی و بافێڵ تاڵەبانی هێندەی گەنجێکی سەیدسادق یا هەڵەبجە یا زاخۆ و ئامێدیی، ئەگەر لەسەر بنەمای مێریتۆکراسیی بێ، واتا کەسی شیاو بۆ شوێنی شیاو لەسەر بنەمای لێهاتویی و بڕوانامە و ئەزمون و دڵسۆزیی و دەستپاکیی و وردیی و کار-رێکوپێکیی بێ، شایانی هیچ پۆستێک لەوانە نین کە بردویانە. ئەگەر مەسەلەش هەڵبژاردن بێ، هەر عەیبە باسی هەڵبژاردن بکرێ کە هەمومان دەزانین هەڵبژاردن نە پاکە و نە ئازادیشە لە کوردستان.