حەوت برینداری لە هێزەکانی لیژنەی ئەمنی سلێمانیەو سێ برینداری لە هێزی کۆماندۆ هەیە

شەوی رابردوو هێزەکانی لیژنەی ئەمنی سلێمانی کە پێکهاتووە لە ( ئاساییش، بەرگری فریاکەوتن، پۆلیسی فریاکەوتن، پۆلیسی هاتوچۆ) بازگەیەکی پشکنین لەبەردەم هۆتێل ئەبوسەنا دادەنێن، ئەوەی تا ئێستا بە ناڕەسمی باس دەکرێت، کچی جێگری سەرۆکی هەرێم دەکەوێتە بازگەکەوەو بەهۆی داواکردنی ناسنامە دەمەقاڵی دروست دەبێت و کچەکەش تەلەفۆن دەکات و هێزێکی لیوای تایبەتی جێگری سەرۆکی هەرێم دەگەنە شوێنی رووداوەکەو تەقە دەکەن، هێزەکە بە دۆشکا تەقە لە هێزە ئەمنیەکە دەکەن و بەهۆی شەڕەتەقەکەوە (٧) کەس لە هێزەکانی لیژنەی ئەمنی سلێمانی بریندار دەبن کە برینی دووانیان سەختەو لە هێزی کۆماندۆش سێ کەس بریندار دەبن.