دەمانچەیەک بە 11750 دۆلار! گەلێک لە چاوەڕوانی مووچەدایە و چەتەیی کوردایەتیش خەریکی موزایەدەیە!

لە کاتێکدا خەڵکی ئێمە بەدەست قەیران و بێ مووچەییەوە دەناڵێنێت، بافڵ تاڵەبانی لە موزایەدەیەکدا بە بڕی خەیاڵیی (11750 دۆلار) دەمانچەیەک دەکڕێت و بە چەپڵەڕێزانەوە شانازی پێوە دەکات.

دیارە ئەم پارەیە نە ئارەقەی بۆ کراوە و نە بە ڕەنجی کرێکاری پەیدا کراوە ئەمە داهاتی تاڵانکراو و قاچاخچێتییە ئەمە باجی خوێنی ئەو کوڕە هەژار و پێشمەرگانەیە کە سینگیان نا بە گوللەوە بۆ پاراستنی ئەم نیشتمانە کەچی ئێستا بەرهەمەکەی بووەتە دۆلاری ناو باخەڵی چەتەێکی کوردایەتی بۆ تێرکردنی حەزە شەخسییەکانی.

بینینی ئەم دیمەنانە تەنها توڕەییەکی گەورە و ئەو پرسیارە لای هەموومان دروست دەکات جەلال تاڵەبانی چ میراتێکی پڕ لە بێباکیی لە دوای خۆی جێهێشت؟ کاتێک مرۆڤ بە بەلاش سامانی نەتەوەیەکی بکەوێتە بەردەست بێگومان ئاوا بێباکانە میلیۆنان دۆلار هەڵدەدات ئەگەر کێبڕکێی زیاتر هەبوایە دڵنیام ئامادەبوو دەیان ملیۆنی تریش بەهەدەر بدات.

تا کەی سامانی گشتی دەبێتە یاری دەستی ئەم شتە سیاسیە دەسەڵاتدارانە؟ کاتی ئەوە نەهاتووە سنوورێک بۆ ئەم گاڵتەجاڕییە دابنرێت لەبری ئەوەی تەنها لە پشت شاشەکانەوە خۆڵ بکەین بەسەر خۆماندا.

بەلێ ئەو دەمانچەیە بە بەهای خوێنی شەهیدان و قوتى خەڵك و کۆیلە چاوگەشەکانە کە فلوسی لەگیرفاندا نیە و بەرگری لەم چەتانەی کوردایەتی دەکات.