لەوبارەیەوە مەکى ئامێدى بە تەڤدای ڕاگەیاند: ئەوەندەى من زانیاریم هەبێت، تەنها ئەو دادگایە نیە، بەڵکو سێ بڕیارى دیکە ماوە لەهەولێر و دهۆک، بەکۆى گشتى ١٢ ساڵ سزاى زیندام لەلایەن دادگاکانى سەربەپارتیەوە بۆ بڕاوەتەوە، بەبێ هیچ ئاگادارکردنەوەیەکم بەغیابى و حوکم دراوم.

-----------------------------------------

بادینی

دادگه‌ها دۆڕاندی یا كۆچك و دیوانا ئاغای

ل گۆری بڕیاره‌كا بناڤێ دادگه‌ها تێهەڵچوونێ كو ل دهۆكێ ده‌رچۆیه‌، (مه‌كی ئامێدی) چالاكڤان و ئۆپۆزسیۆن ل ده‌رڤه‌ی وه‌ڵات، ماوێ سێ ساڵ زیندان بسه‌ر ویدا هاتیه‌ سه‌پاندن، ب تۆمه‌تا یاسایا خراب بكار ئینانا ئامیرێن په‌یوه‌ندیان (موبایل).

پرسیار ل ڤێره‌ ده‌سپێ دكه‌ت، ب كار ئینانا موبایلێ خودێ نه‌كه‌ت تاوانه‌كا گرانه‌ یان هه‌وڵا تیرۆرا هاوڵاتیه‌كی ب چه‌قۆیێ؟

ئه‌گه‌ر ئه‌ڤ دادگه‌هێن ل كوردستانێ دادگه‌هێن كۆچك و دیوانكی و مه‌ڵبه‌ند و لقان نه‌بیت، باشه‌ ماوێ ساڵ و نیڤان ب سه‌ر هه‌وڵا تیرۆركرنا من ده‌ربازدبیت، هه‌موو كه‌س دیارن و دانپێدانێن وان هه‌نه‌، لێ نه‌ كه‌س هاته‌ گرتن و نه‌ ژی كه‌س هاته‌ سزادان.

دبیت بزانن بنه‌ماڵه‌ و گه‌نده‌لكار و دادوه‌رێن حزبی و بنه‌ماڵه‌یی و به‌رپرسێن حزبی و بازرگانێن وێرانبویی یێن بنه‌ماڵه‌یی و حزبی و دار وده‌سته‌كێن وان رۆژه‌ك دێ هێت ئه‌ڤ یاسایێن وه‌ بخوه‌ دناڤا دادگه‌هێن وه‌ بخوه‌دا كو ل وی ده‌می دێ بده‌ستێ دادوه‌رێن ڕاسته‌قینه‌ یێن ملله‌تی دابیت دێ بڕیارێن دوماهیێ لسه‌ر هه‌وه‌ ده‌ن، وه‌ك چه‌وا سه‌دام حوسێن و داروده‌سته‌كێن وی ب یاسایێن خوه‌ بخوه‌ بڕیارا سێداره‌دانێ بۆ وان ده‌رچۆ، هوین ژی ب هه‌مان شێوه‌ دێ ئه‌نجاما وه‌ ئه‌و بیت.

سڵاڤ و ڕێزێن من هه‌نه‌ بۆ هه‌موو كاراكته‌رین ڕاسته‌قینه‌یێن ئۆپۆزسیۆن بتایبه‌تی كاك مه‌كی ئامێدی و هه‌ڤڕێین وی.