وتار

دێ كه‌ره‌مكه‌ن، ئه‌ڤرۆ 31ێ ئابه‌، شه‌رمێ ژخوه‌ دكه‌م.

Wednesday, 08.31.2022, 10:15 AM


شه‌هیده‌كی شه‌رمه‌زار
د دیرۆكا گه‌لێ كورد دا ئه‌ڤرۆ چه‌په‌ڵترین و قرێژترین ڕۆژه‌. ئە‌و رۆژە كو پارتی و بارزانی ده‌بابێن رژیما به‌عس ئینانه‌ سه‌ر پایته‌ختا كوردستانێ و ب سه‌دان كه‌س شه‌هید كرن و دیرۆكا كوردستانێ د خوینێ هلاندن.
ئه‌و رۆژ هێژی د هش و بیرێن خه‌لكێ هه‌ولێرێ دا وه‌ك خۆیه‌، رۆژه‌كا ره‌ش و بیره‌وه‌ریه‌كا ژژه‌هراوی، ب سه‌دان گه‌نج و لاو هاتنه‌ كوشتن و ب ده‌ھ هزاران كه‌س ژی كۆچبه‌ر بوون.
نه‌ ئێكه‌تیێ ئەو دیرۆك ژ نووڤه‌ نڤیساندیه‌ و نه‌ ژی ئه‌ڤ خیانه‌ت هاتیه‌ تۆماركرن! یێن كو ل ده‌بابا سوار بووین ژی نوكه‌ ل سه‌ر سه‌رێ مله‌تی سوار بوینه‌ و میراتگرێن ئێكه‌تیێ ژی د ئاستا ڤێ تاوان و ڤێ خیانه‌ت و كۆمه‌لكوژیێ، سه‌رۆكێ پارتی ب مامێ خۆ ل بناڤ دبه‌ن و دبێژن بارزانی نه‌ سه‌رۆكێ پارتی یه، سه‌رۆكێ هه‌موو كوردانە !
وێڤه‌تری ڤێ هه‌روه‌سا ئێك ژ وان كه‌سێن كو ئه‌ڤرۆ ئیكه‌تیێ برێڤه‌ دبه‌ت، وی ده‌می پاسه‌وانێ به‌ر كلووبێن شه‌ڤێ یێن لۆندۆن و سكۆتلاندێ بوو. تنێ هه‌كه‌ هچك و قه‌میسێ خوه‌ ڤه‌ده‌ت دووینن لسه‌ر مل و پشتا وی ده‌ق و قوتانێن شێر و پڵنگ و مارێ ئه‌ناكۆندا هاتیه‌ نه‌خشاندن، لێ ئیرۆ پاشاێ عه‌سمانێ كه‌لێ یه‌!
یێ دی ژی ب شیرێ (ناكازاوا) هاته‌ مه‌زنكرن،ژ دزی و گه‌نده‌لیێ وێڤه‌تر تشته‌كێ دی فێر نه‌بۆیه‌!
دێ كه‌رمه‌كه‌ن ئه‌ڤرۆ 31ێ ئابه‌ ئەم ببینن كۆ میراتگرێن رێبازا مام جه‌لالی چ قه‌رقه‌شه‌كا مه‌دیایی هلداینه‌؟! د ڤێ رۆژێ دا چه‌ند نووچه‌ و راپۆرت ئاماده‌ كرینه‌؟ چ داخویانیه‌كا توند داینه‌ ده‌ركرن؟‌
دبێژن ئه‌ڤرۆ 31ێ ئابه‌، داده‌ شانازا شریك میراتا كۆمپانیا و نیڤا سلێمانیێ، هه‌ر رۆژ پاوڵدده‌ته‌ ملیارا دۆلارێن رێڤه‌به‌ریا گشتی و ب دارێ زۆرێ ده‌ست گرتیه‌ سه‌ردا، ئه‌ڤرۆ نه‌ته‌واتیێ دكێشته‌ رویێ مه‌، یان ژی كورێت كوسره‌تی كو بۆینه‌ میراتگرێن نه‌خۆشخانه‌ كارگه‌هێن ده‌رمانا و كۆمپانیێن ده‌رمانا زنجیره‌كا قوتابخانێن گرانبه‌هاێن كوردستانێ و كارگه‌ھ و زنجیره‌ بینایه‌تێن بلند، یان ژی ئاسۆێ مامه‌ندێ سیخورێ به‌رێ یێ به‌عس و تالانكه‌رێ كه‌ركووكێ، یان ژی شێرێن به‌فرینێت گه‌رمیان و سلێمانیێ كو هه‌تا نوكه‌ خوه‌دیێ ملیاران دۆلارانه‌، بۆچی ده‌نگه‌كێ ناكه‌ن؟
كانێ به‌رده‌ڤكێ بێ ده‌ڤێ ڤێ حزبێ؟ كانێ مه‌كته‌با سیاسی و سه‌ركردایه‌تیا وێ یا ئامیرێ به‌رده‌ستان و ئیراده‌یا وێ یا داگیربویی؟
‌سه‌رده‌مه‌كێ ئه‌ز بۆمه‌ ئێكه‌تی، وی ده‌مێ كو چیا ددانه‌ هه‌ژاندن، عه‌سمان ددانه‌ گریاندن، شه‌ڤ ڕۆن دكرن، ڕۆژ دكرنه‌ حه‌شر! لێ پا ئه‌ڤرۆ شه‌رما مرۆڤی دهێت دگه‌ل سه‌ركردێن وێ د دیمه‌نه‌كێ دا ده‌ركه‌ڤیت!
مه‌كته‌ب سیاسی یا وێ ڕه‌زیل و به‌ر لنگا كه‌تیه‌ و سه‌رۆكێ وی تنێ دو خوله‌كان ل سه‌ر ئەكرانا ده‌ردكه‌ڤیت و شه‌ش هه‌یڤان د مه‌دیایێن جڤاكیدا بۆ خه‌لكێ دبیته‌ پێتڕانكێ. ژخوه‌ هه‌كه‌ شه‌هیدێن ڤێ حزبێ ساخ ببنه‌ڤه‌، لسه‌ر ئاستا ڤێ ئێكه‌تیا نۆكه‌ نه‌ك تنێ دێ په‌شێمان بن، به‌لكی 100 جارا دێ شه‌رمێ ژخۆ كه‌ن.

ئەو بابەت و هەواڵانەی کە ناوی نووسەرەکانیان دیار و ئاشکرایە، تەنیا
نووسەرەکەی بەرپرسیارە، نەک تەڤداپرێس





وێنە

حالی مسعود بارزانی و ئەولادەکانی بەدەست دادگای فیدرالیەوە
خۆنەچەمێنن
مسعود بارزانی دوای سەرنەکەوتنی لە رواندنی ددانی دەستکرد
براوەی کۆنگرەی چواردە
ململانێی نێوان بنەماڵەی بارزانی

راپرسی

ئایا مەسرور بارزانی لەسەر سكاڵاكەی دادگای واشنتۆن دەیدۆڕێنێت؟