بێی بەرهەڤبوونا نوینەرێ مەسرور بارزانی و ئاوات شێخ جەناب، دادگەها فیدراڵیا عێراقێ کۆمبوو ب دیتنا سکاڵا خانەنشینان و دادگەهێ ڕووینشتن بۆ رۆژا ٨ی مەها داھاتی پاشێخست.

لسەر سکاڵا ژمارەک ژ خانەنشینێن ھەرێمێ ئەڤڕۆ ڕووینشتنا دادگەها بلندا فیدراڵی ب رێڤەچوو.

ئه‌ڤە ژی ڕووینشتنا دادیێ بوو سەبارەت ب یاسایا خانەنشینییا گشتی، سکاڵا ژی لسەر مەسرور بارزانی و ئاوات شێخ جەناب وەک سەرۆکێ حکومەتێ و وەزیرێ دارایێ ھەرێمێ هاتینە تۆمار کرن.

ل ڕووینشتنێ دا، دادگەهێ گوتنا سکاڵەکاران و پارێزەرێن وان وەرگرت. مەسرور بارزانی و ئاواتێ شێخ جەناب و نوینەرێ وان بەرهەڤ نەبوون. دادگەها بلندا فیدراڵی، وەزارەتا داراییا فیدراڵی وەک لایەنێ سێ یێ بەشداری پرۆسا دادیێ کر و دادگەهـ هاتە پاشێخستن بۆ رۆژا. ٨ی مەها داھاتی.

دڤێ سکاڵێ خانەنشینان داخازا جێبەجێکرنا یاسایا خانەنشینییا ئێکگرتیا ژمارە (٩) یا ساڵا ٢٠١٤ی ھەموارکری دکەن ل جهێ یاسایا خانەنشینییا ژمارە (٢٧) یا ساڵا ٢٠٠٦ کو ل عێراقێ هاتیە ھەڵوەشاندن