سەرەرای هندێ سەرۆکایەتیا هەرێمێ مافێ پەسەندکرن و رەتکرنا یاسایان هەیە،بەلێ پارتی ب هەڤکاریا ئێکەتی و گورانێ یاسایەك ل پەرلەمانێ کوردستانێ دەرێخستیە کو یاسایێ دا هاتیە گوتن سەرۆکێ هەرێمێ(نێچیرڤان بارزانی)ماف نینە یاسایێن پەرلەمانی رەتبکەت یان پەسەند بکەت

ل دیڤ برگا ئێکێ ل مادەیا دەهێ یاسا سەرۆکایەتیا هەرێمێ ، سەرۆکی مافێ هەی ل ماوێ 15 ڕۆژان دا یاسایێن دەرچوویێن پەرلەمانی پەسەندبکەت و ڕۆژناما وەقائعی کوردستان بەلاڤبکەت یان ژی رەتبکەت و یاسا ڤەگەریتە پەرلەمانی

بەڵي ل مادێ سێ یێ ل یاسایا درێژکرنا ژیێ پەرلەمانێ کوردستانێ کو چەند هەفتیان بەریا نوکە ژلایێ فراکسیۆنا پارتی و ب هەڤکاری دگەل ئێکەتی و گورانێ پەسەندکر، ئەو ماف ل سەرۆکێ هەرێمێ هاتەستاندن و ل یاسایێ دا نڤیسیە: ئەڤ یاسایە ل رۆژا دەنگدانێ دا دێ ئێكسەر هێتە جێبەجێکرن و ل رۆژناما وەقائعی کوردستان دا دێ هێتە بەلاڤکرن.

ل دیڤ زانیاریان ،پەسەندکرنا ڤێ یاسایێ پەیوەندی ب ناکوکیێن ناڤخویا پارتی ل ناڤبەرا مەسرور بارزانی و نێچیرڤان بارزانی دا هەیە، ژبەرکو ترسا هندێ هەبوویە نێچیرڤان بارزانی دەسەڵاتا خۆ بکاربینیت و یاسایا درێژکرنا ژیێ پەرلەمانی رەتبکەت.

دەرێخستن و پەسەندکرنا یاسایێ، پەیوەندی ب حەزا مەسروری هەیە بۆ درێژکرنا ژیێ پەرلەمانی و بەردەوامبونا کابینا وی ب تایبەت تا پشتی تەمامبوونا کۆنگرێ پارتی