وتار

په‌یامه‌ك بۆ گه‌لێ خۆڕاگر و ب شه‌ره‌فێ بارزان لسه‌ر دوڕوتیا مه‌سعود بارزانی

Tuesday, 07.18.2023, 10:49 PM


گه‌لێ بشه‌ره‌ف و خوڕاگرێ ده‌ڤه‌را بارزان

به‌ڕێز ئه‌دهه‌م عوسمان بارزانی كه‌ساتیێ سیاسی و دیارێ ده‌ڤه‌را بارزان و نه‌ڤیێ گیانشاد شێخ ئه‌حمه‌دێ مه‌زنه‌ كو ماوێ ساڵه‌ك و دوو مه‌هایه‌ لسه‌ر ده‌ربڕین و هه‌لویستێن جوامێرانه‌ به‌رامبه‌ر سه‌قه‌تیا سیسته‌ما ده‌ستهه‌لاتا مه‌سعود بارزانی و بنه‌ماڵا وی، هه‌رێم ب زۆڕداری و بێ یاسایی لێ هاتیه‌ قه‌ده‌غه‌كرن.
دگه‌ل ڤێ كو چه‌ندین جاران سڤكاتی و گرتن و توندی لهه‌مبه‌ر كه‌سوكارێن وی هاتیه‌ بكارئینان، ئه‌ڤرۆ ل مالپه‌را خۆ ڕادگه‌هینیت كو:
"ل 18-07-2023 جڤاته‌ك ژ خێزانا وی بۆ سه‌ره‌دانا كه‌سوكارێت خوه‌ چۆینه‌ مه‌سیفی و د ڕێدا ل زالگه‌ها پارتی ده‌مژمێره‌كێ ل به‌ر گه‌رمێ داینه‌ ڕاوستاندن و سڤكاتی ب وان هاتیه‌ كرن‌، بشكنینه‌كا دژوار ل كه‌لوپه‌لێن وان كرینه‌، و ده‌ست بسه‌ر 11 ئامیرێن موبایلێن وان دا گرتینه‌ ب ئارمانجا كۆپی گرتنا ل ناڤه‌رۆكا ڤان ئامیرێن شه‌خسی"
ئه‌ڤه‌ چ ڕاستیه‌كێ دگه‌هینیت؟!
مه‌سعود بارزانی و ده‌ستهه‌لاتا وی ب ئاشكه‌را چ دسه‌لمینن؟

ئه‌ڤ كه‌سانه‌ جڤاته‌كا ژن و زاڕۆكان بونه‌، ڕێگری كرن و سڤكاتی كرن ب وان نیشانا ئاستا ڕك و كین و دلڕه‌شیا مه‌سعود بارزانی دده‌ته‌ دیار كرن، ژلایه‌ك دی ئه‌ڤ ژنه‌ هه‌ڤژینا پسمامه‌كێ وی بخوه‌یه‌ و ئه‌ڤه‌ شه‌رمزاریه‌كا مه‌زنه‌ بۆ مه‌سعود بارزانی ڤێ سڤكاتیێ به‌رامبه‌ر كه‌سوكارێت خوه‌ یان هه‌ڤژینا پسمامێ خوه‌ بكه‌ت، ل ده‌مه‌كێ كو ماوه‌یه‌كه‌ بانگه‌شا وی و حكومدارێت حزبا وی لسه‌ر ئاشته‌واییا نیشتمانی مه‌دیا هه‌می پڕ كریه‌، ڤێری دوڕوتیا مه‌سعود بارزانی ژلایه‌كێ به‌رامبه‌ر بانگه‌شا وی یا ئاشته‌واییا نیشتمانی كو به‌ری هه‌ر تشتی دڤێت ناڤماڵا وی بخوه‌ ڤه‌گریت، هه‌م ژی به‌رامبه‌ر بێ كه‌رامه‌تیا وی به‌رامبه‌ر ژنێ، بتایبه‌ت هه‌ڤژینا كه‌سوكارێت وی بخوه‌، ئاشكه‌را دكه‌ڤیته‌ به‌ر چاڤێ رایا گشتی.
ژلایه‌كێ دی ستاندنا ئامیرێن شه‌خسی وه‌كه‌ ته‌له‌فۆنێ تاوانه‌كا ده‌رڤه‌ی یاسایی یه‌، ژبه‌ر كو بێ مۆله‌ت و به‌لگه‌یێن دادگه‌ھ و یاساێ مافێ چ ده‌زگایه‌كێ حكومه‌تێ نینه‌ ده‌ست بسه‌ر ته‌له‌فۆنا چ هاولاتیه‌كێ دا بگریت و بشكنینێ لسه‌ر بكه‌ت.
ئه‌ڤه‌ دیار دكه‌ت یاساێ لبن ده‌یستێ مه‌سعودی و حزبا وی چ بها و ڕێزه‌ك نینه‌ و یاسا هه‌می ئه‌و بخوه‌ و بنه‌ماڵا وی یه‌ و نه‌ زێده‌تر. په‌یاما ئاشته‌وایی گێڕانا وی ژی دره‌وه‌كا زیق و ئاشكرایه‌ كو ژبێچاره‌بوونا ده‌ستهه‌لاتا خوه‌ یا وێران بوویی بۆ خاپاندنا ڕایا گشتی بكار دئینیت و په‌یڤا ڕێز لێنان بۆ ژنان ژی دره‌وه‌كه‌ كو تنێ بۆ خاپاندن و شانۆیه‌كا ڕاگهاندنی ژ ده‌ڤێ وی ده‌ردكه‌ڤیت. هه‌لبه‌ت ژ هه‌ر تشته‌كێ گرنگ تر ئه‌ڤ ڕه‌نگێ نێزیكاتیا مه‌سعود بارزانی نیشانا له‌وازی و ترس و شكه‌ستنا وی و ده‌ستهه‌لاتا ویه‌ ل هه‌مبه‌ر سه‌رهلدێریا ته‌خا ڕۆناكبیر و یاخی یێن ده‌ڤه‌را بارزان، بلا نه‌گۆتی نه‌مینیت كو ڤێ ته‌خێ دگه‌ل مێژووناسێ ڕاسته‌قینه‌یا ده‌ڤه‌را بارزان سیاسه‌تڤان و مێژوناسێ ده‌ڤه‌را بارزان ئه‌یوب شێخ بابۆ بارزانی كو ئه‌و ژی پسمامێ مه‌سعود بارزانیه‌، ل ڤێ دوماهیێ به‌ره‌یه‌كا تێكۆشینه‌كا ڕژد یا چاكسازیێ راگهاندینه‌، كو هه‌م ڕاستڤه‌كرنا ڕێبازا راسته‌قینه‌یا ڕه‌وشت و ئه‌خلاقێ سیاسی یا ته‌ریقه‌تا شێخێن بارزان بخوه‌ڤه‌ دگریت، هه‌م ڕاستڤه‌كرنا مێژویه‌كا دویر و درێژ یا چه‌واشه‌كاری ل بن ده‌ستهه‌لاتا زڕیه‌تا مه‌لامسته‌فای، هه‌م ژی پێك ئینانا دادگه‌هه‌كێ كو گه‌ل بخوه‌ سه‌رپه‌رشتیا وێ بكه‌ت، نه‌ك ده‌ستهه‌لاته‌كا خۆسه‌پین و گه‌نده‌ڵكار، كو ڤێ ژی ترسه‌كا مه‌زن خستیه‌ ناڤا دلێ مه‌سعود و ده‌زگاێن حكومداریا بنه‌ماڵا وی.

تاكۆر زه‌رده‌شت


ئەو بابەت و هەواڵانەی کە ناوی نووسەرەکانیان دیار و ئاشکرایە، تەنیا
نووسەرەکەی بەرپرسیارە، نەک تەڤداپرێس






وێنە

خۆنەچەمێنن
مسعود بارزانی دوای سەرنەکەوتنی لە رواندنی ددانی دەستکرد
براوەی کۆنگرەی چواردە
ململانێی نێوان بنەماڵەی بارزانی
جاشایەتی ئال بارزانی بۆ ئەردۆغان

راپرسی

ئایا مەسرور بارزانی لەسەر سكاڵاكەی دادگای واشنتۆن دەیدۆڕێنێت؟