بۆچی پارێزگەهێ دهوکێ (قەبخوازی) ئانکو تەحەدی دکونفڕانسەکێ ڕۆژنامەڤانی دا بۆ دیارکر و بۆچی بەڕدەوام دهێتە دەستەسەرکرن و بۆچی حەتا ئەڤرۆکە نێزکی 20 جاران ژلایێ هێزێن پارتی ڤە هاتیە زیندانکرن!!!

ئەیاز کەرەم ل ساڵا 1988 گوندێ بەرچێ سەر ب کۆمەلگەها دێرەلوکێ ژ دایک بویە، بابێ ئەیازی ژیێ خو ب پێشمەرگاتیێ ڤە بۆراند و برایێن ئەیازی دناڤ رێزیت پارتی دا ئەندام ن، ئەیاز کەرەم ڕۆژناڤانەکێ دیارێ پارێزگەها دهوکێ یە کارێ روژنامەڤانی ل دەزگەهێ ڕۆژ نیوس و کەی ئێن ئێن و سایتێ سبە و ئێن ئار تی ئەنجامدایە.

ئەیاز کەرەم چاڵاکڤان و ڕەخنەگرەکێ خودان هەلویستە لسەر شاشیێن ئیدارەکرنا پارێزگەها دهوکێ و هەرێما کوردستانێ، ژلایێ تێهزری ڤە ڤیاندار و حەزکریێ فەلسەفا عبدالله ئوجەلانییە بەلێ هیچ دەمەکی چەکداری بۆ چ پارتا نەکریە بتایبەت پارتا کارکەرێن کوردستانێ (PKK)ێ،

بەڕدەوام لسەر هەلویستێن نەتەوەیی و مافێن هاوڵاتیبونێ و چاڵاکیێن مەدەنی و خڕڤەبۆنێن نەرازیبوونێ ب شێوازێن شاڕستانی و دویر ژ توندوتیژیێ بەژداری کریە؟

ڕژدیا هەڤاڵ ئەیاز بۆ مەدەنیکرن و بەرفرەهکرنا ئازادیا تێهزری و ڕادەربرینێ و چاڵاکیێن مەیدانی ئێکا هند ژ پارێزگەهێ دهوکێ چێکڕ کو دکونفڕانسەکێ ڕۆژنامەڤانی دا لبەر چاڤکێ کامیرا چەندین کەناڵان بەحس ل چەوانیا دژایەتیکرنا خو بۆ ئەیاز کەرەمی ب تەحەدی ڤە دیارکەت و رێک پێ نەهێتە دان ئەیاز کەرەم ب گەهتە خەون و ئاڕمانجێن خو کو ئەو ژی بەرفرەهکرنا میمیبەرا ئازادیێ یە ل دەڤەرا بەهدینان. !!!!

ئەیاز کەرەم ژ سالا 2014 هەتا نوکە یێ کەفتیە بن فشارێن دەڕۆنی و هێرشێن دەستهەڵاتدارێن پارێزگەها دهوکێ حەتا وی ڕادەیی ناسناما بارێ شاڕستانی و کارتا دەنگدانێ ژێ بهێنە ستاندن!! مخابن ئەیاز کەرەمی ئەو ماف نینن بۆ جارەکێ بتنێ ژی ژ پارێزگەها دهوکێ قەستا پارێزگەهەکا دی یا هەرێما کوردستانێ بکەت ئانکو ئەیاز کەرەم دوەڵاتێ خودا پەنابەرەکێ قاچاخە !!!

ماف ب ئەیاز کەرەمی ناهێتە دان هیچ کارەکی(شولەکێ) بۆ پێتڤیێن ژیاڕا خو یا ڕۆژانە بکەت، دەستهەڵاتدارێن پارێزگەها دهوکێ فشار لسەر خەلکێ دەڤەرێ دڕوستکریە چ کارا نەدەنێ و کەس هەڤالینیێ دگەل نەکەت داکو ئەیاز خو ڕادەستی ئامرازێن وان بکەت و دەستا ژ هزر و بیر و هەلویستێن خو یێن مەدەنی و نەتەوەیی بەڕدەت.

ل ڕێکەفتی 2020.10.20 هێزەکا چەکدارا سەڕۆچاڤگرتی یا نەنیاس دەمژمێر هەشتی سپێدێ سەر ب ماڵا ئەیاز کەرەمی دا گرت و دناڤ جهێن خەوێ دا ڕەڤاند و حەتا نوکە هیچ زانیاریەک لسەر چارەنڤێسێ وی نەهاتیە زانین و کا ژ بەر چ ئەگەر هاتیە دەستەسەرکرن،

سەرەڕایی خزمەتا کارێ روژنامەڤانی بۆ دەزگەهێ ئێن ئار تی و کەی ئێن ئین و سایتێ سبە و ڕۆژ نیوس، کو دەزگەهین حزبێن جودا نە هیچ دەزگەهـ و حزبەک ژڤان خۆ ل دوسەیا ئەیاز کەرەمی نەکریە خۆدان،

حەتا سەندیکا ڕۆژنامەگەریا پارێزگەها دهوکێ ڕۆژنامەڤان ئەیاز کەرەم پشت گوهـ هاڤێتیە و وەک ڕۆژنامەڤان سەرەدەریێ دگەل دوسەیا وی ناکەن، بەلێ چەند حەیفە ئەو حزبا هەردەم ئەیاز سەرا دهێتە دەستەسەرکرن و تاوانبارکرن ژی یا بێ دەنگ و بێ هەلویستە،

دووماهیکێ ب تەحەدی ڤە دبێژم ئەو توهمەتێن بۆ ئەیازی و هەڤاڵێن وی هاتینە دڕوستکرن هیچ ڕاستی و بنەما بۆ وان گوتنا نینن،