خیانەتی قەڵەمی نووسەران لە خیانەتی پارت و سیاسییەکان مەترسیدارترە، چونکە رووناکبیران کاریگەریی راستەوخۆیان لەسەر کۆمەڵگا هەیە

راپۆرت » سیاسیی

فرمێسکی تیمساح مەڕێژن!

(491 بینراوە)   | Tuesday, 02.23.2021, 07:22 PM |



لە کاتێکدا کە تەواوی خەڵکی خاوەن ویژدان و دەنگە ئازادەکان ناڕەزایی و توڕەیی خۆیان دەردەبڕن بەرامبەر پێشێلکاریەکانی دەڤەری زەرد و بنەماڵەی بارزانی و دادوەر و داواکارە گشتیە وابەستەکانیان. بە تایبەتی ئەنجامی دوا ناڕەواییان بەرامبەر ڕۆژنامە نوسان و چالاکوانانی دەڤەری بادینان کە بە نارەوا و بە بێ هیچ بەڵگەیەك سزای شەش ساڵ زیندانیان بە هەمان میتۆدی حیزبی بەعسی لەناوچو بەسەردا درا. دەبینین بەردەوام و بێشەرمانە بنەماڵەی تاڵەبانی و حیزبە تاوابارەکەیان کە باڵیکی تری ناو دەسەڵات و شەریکەکانی گەندەڵی و تاوانکاری زۆنەی زەردن کەوتونەتە مزایەدە و دەنگی خۆ بەرزکردنەوە، گوایە ئەوان بەرگریکەرن لە دەنگە ئازادەکان و لە زیندانیانی دەڤەری بادینان و مافەکانیان. یەکێتیە تاوانبار و هاوسانەکەی پارتی لەلایەك و بزوتنەوەی گۆڕانی وابەستە لە پێناوی چەند وەزارەتێکی بێکاریگەر لە لایەکی ترەوە، بەیاننامەی فەرمی نارەزایی یەك بەدوای یەکدا  بڵاودەکەنەوە و مەلا بەختیار و قوباد و لاهور و .... هتد لە ڕێگای مزایەدەوە دەیانەوێ نرخ و بەها بەخۆیان بدەنەوە. عەمید شانازی ئیبراهیم ئەحمەد خۆی دەگەیەنێتە بادینان و باوەشی نەخوازراو بە منداڵانی چاوپڕ لە گریان و ستەمدیدەی زیندانیاندا دەکات و سیناریۆی مرۆڤدۆستی دەبینێت. نێچیر بارزانی سیخوری تورکیا و ئەدهەم بارزانی سەرشۆڕی ئێران و خیانەتکارانی پلە یەك لە پیناوی ململانێکانیان نارەزایی دەردەبڕن و وەك ڕەخنەگر خۆیان نمایش دەکەن. ململانێکانی نێوان پسمامەکان لە ڕێگای مزایەدە لەسەر زیندانیەکان گەشە پێدەدەن.
یەکێتی و بنەماڵەی تاڵەبانی و دارودەستەکەیان  دەیانەوێت تاوانەکانی چەند مانگێك لەوە و بەری خۆیان بە بانگەواز و سیناریۆ چەواشەکاریەکانیان لە یادی خەڵکی تورە و ناڕازی بەرنەوە. ئەرکی هەمو خاوەن ویژدان و دەنگێکی ئازادە ڕۆژانە لە پاڵ تاوانەکانی پارتی و زۆنەی زەرد تاوانەکانی زۆنەی سەوزیش بەیاد بهێننەوە.
بەو بۆنەیەوە ئەم ڤیدیۆیەی تاوانەکانی زۆنی سەوز بڵاودەکەینەوە کە لە ماوەی ڕابوردودا، کۆنگرەی دەنگە ناڕازییەکان، هاوپیجی ڕاپۆرتێك بە زمانەکانی ئینگلیزی و عەرەبی، لە بارەی خۆپیشاندانەکانی مانگی ۲٠۲٠/۱۲ و پێشێلکارییەکانی مافی مرۆڤ، شەهید و بریندارەکان و گرتن، ئامادەیکرد و لە کاتی خۆیدا گەیەنرایە ناوەندە نێودەوڵەتییەکان، لەئەمەریکا، کەنەدا، ئەوروپا، کۆمیتەی مافی مرۆڤی نەتەوەیەکگرتوەکان، پەرلەمانی عێراق. بڕیاروایە  بەردەوام بن لە ئاشکرا کردنی تاوانەکانی هەردو زۆنەی بارزانی و تاڵەبانی.

https://www.youtube.com/watch?v=_wfekYXIQcw&feature=youtu.be







بابەتی لەیەکچوو


بابەتی تر

حاکم شێخ لەتیف: تەواوی پشێلکاریە یاساییەکان لەپرۆسەی دادگاییکردنی رۆژنامەنوسان‌و چالاکوانانی بادینان دوا بڵاوکراوەکانی تۆڕی پاراستنی تەندروستی گشتی (٢/٢/٢٠٢١ - ٢١/٢/٢٠٢١) سەرۆکى حکومەت بێ بەڵگەیەکى پشتئەستورى دادگا گیراوانى بادینان و هەولێر بە سیخوڕو تێکدەر تۆمەتباردەکات بەهادین یوسف: بەهادین یوسف: دوو هەزار پێشێلکاری بەرامبەر رۆژنامەنووسان قارەمان مەمەند: بایدن دوبارە پابەندبوونی ئەمریکای بە بەهاو هاوپەیمانییە جیهانییەکان دوپاتکردەوە ناوی پارێزراو لای تەڤدا: ناڕەزایی کۆمەڵێک قوتابیانی کۆلێژی پەروەردەی شەقڵاوە ووتاری خۆفرۆشان و قەلەمفرۆشان بە دەسەڵات، لە میدیای بەناو بێلایەن و سەبەخۆدا! ووتاری خۆفرۆشان و قەلەمفرۆشان بە دەسەڵات، لە میدیای بەناو بێلایەن و سەبەخۆدا! ووتاری خۆفرۆشان و قەلەمفرۆشان بە دەسەڵات، لە میدیای بەناو بێلایەن و سەبەخۆدا! كۆیار ڕه‌ووف: كۆمپانیای لاناز ی مه نسور بارزانی و بازرگانی نایاسایی به‌نه‌وتی سوریاوه‌

وێنە

نیهاد بارزانی ناسراو بە شێخ فستق بارزانی
مەسعود پولەکەی پاپای بە ریفراندۆمەکەوە دەنێت
هێزی گەل و هێزی دەسەڵات
دەزگای میت، هاوپەیمانی پارتیی، بزانە چۆن مامەڵەی کورد دەکات