بێ دادگه‌ھ هاتنه‌ گرتن و نێزیكی 4 ساڵان هاتنه‌ زیندانكرن و بێ دادگه‌هكرن هاتنه‌ به‌ردان

پشتی نێزیكی چوار ساڵا هژماره‌كا هاوڵاتی و كه‌سێن پله‌دار كو لسه‌ر  بیروڕایێن جودا هاتبوونه‌ ده‌سته‌سه‌ركرن هاتنه‌ به‌ردان.

هژماره‌كا پله‌داران ژلاێ پارتیڤه‌ ڕێكه‌فتی 17/05/2019 بێ دادگه‌ھ هاتنه‌ گرتن و پشتی سێ ساڵ و نێزیكی 10 مه‌هان زیندانیكرنێ بێ دادگه‌ھكرن ژی هاتنه‌ به‌ردان. ئه‌ڤ كه‌سێت گرتی كو هژماره‌كا وان ماوه‌كێ درێژ د ژۆرێن تاكه‌كه‌سیدا ماینه‌ و هاتینه‌ ئه‌شكه‌نجه‌ كرن ژلاێ ئاسایشا هه‌ولێرێ ڤه‌ هاتبۆنه‌ ده‌سته‌سه‌ركرن و پشتی 3 ساڵ و 10 مه‌هان چاڤه‌ڕێ مانا كه‌سوكارێن وان بێ كو دادگه‌ه ماێ خۆ تێ بكه‌ت هاتنه‌ به‌ردان. ناڤێن وان گرتیێن هاتینه‌ به‌ردان ئه‌ڤه‌نه‌:

١- داود سلێمان کانی/ ئامێدی
٢-شه‌وکه‌ت محمد تاهر شه‌ره‌ڤانی / شیخان
٣- سه‌دره‌دین سلێمانی / سۆران
٤- ڕۆژگار محه‌مد رزگار / سلێمانی
٥- سفوت عبدللە هەورامی / هەورامان
٦- ئه‌فراسیاب محه‌مد سالح / هەلەبجە
٧- ئه‌كره‌م ئبراهیم ئامێدی
٨- عادل عه‌بدلا/ هەولێر
٩ - ئبراهیم مه‌جید / چەمچەماڵ
١٠ -تارق ناتق /کەلار
١١- جانگیر فه‌تاح تاوەگۆزی/هەڵەبجە

هه‌ڤده‌م دگه‌ل ڤێ دوو مه‌هان به‌ری نوكه‌ ژلاێ ته‌ڤداپرێس وه‌ك ئێكه‌م مالپه‌ڕ و سایتێ ئه‌لكترۆنی ناڤێ ڤان كه‌سێن گرتی هاتبۆنه‌ ئاشكراكرن كو چه‌ند ساڵ بۆ دگرتیگه‌هێ دا چاڤه‌ڕێی بوون ب بێ ڕایا گشتی ئاگه‌ھه‌ك ژ ڕه‌وشا وان هه‌بیت.

سۆرانی