هەواڵ

نێچیرڤان بارزانی لەبەردەم تەرمی گەشتیارە كوژراوەكانی عێراقدا

Thursday, 07.21.2022, 09:27 AM

بادینی

.................................

ل هه‌رێما كوردستانێ پتری 138 هاولاتیێن هه‌رێمێ ب بۆردمانێن ده‌وله‌تا ترك شه‌هید بوونه‌، بێ كو مه‌راسیمه‌ك بۆ وان بهێته‌ كرن
ئێچیرڤان بارزانی ل به‌رامبه‌ر ته‌رمێن گه‌شتیارێن عیراقێ كو ب بومبه‌بارانا سوپاێ ترك گیانێ خۆ ژده‌ست داین
نێچیرڤان بارزانی سه‌رۆكێ هه‌رێمێ ل فڕۆكه‌خانا ناڤده‌وله‌تیا هه‌ولێرێ ب داخباریڤه‌ به‌شداری د مه‌راسما ڤه‌گۆهاستنا ته‌رمێ كوشتیێن هێرشا دوهی یا بومبه‌بارانا تورك یا ل زاخۆ كر كو هه‌می گه‌شتیارێت عه‌ره‌ب یێن به‌غدا و پارێزگه‌هێن دی یێن عراقێ بوون و ئه‌ڤ كوشتیه‌ ب شه‌هید بناڤ برن.
ئه‌ڤه‌ ل ده‌مه‌كێ یه‌ كو ژ 2015 هه‌تا نوكه‌ 138 هاوڵاتی یێن هه‌رێمێ ب ئه‌گه‌را هێرشێن ده‌وله‌تا ترك شه‌هید بوونه لی ‌حكومه‌تا هه‌رێما كوردستانێ سازیێن فه‌رمی یێن هه‌رێمێ و ده‌ستهه‌لاتێ ل كوردستانێ ئێك جار ژی مه‌راسمه‌ك بۆ ڤان كوشتیان نه‌دانایه‌، ئێك جار نه‌ڕازیبۆن ل هه‌مبه‌ر ده‌وله‌تا ترك دیار نه‌كریه‌، ماڵباته‌كا ڤان شه‌هیدان نه‌هاتیه‌ قه‌ره‌بۆ كرن و هه‌تا ب فه‌رمی ڕاگهاندن كو ئه‌ڤ كه‌سێن ب بۆمبه‌بارانا ده‌وله‌تا ترك گیانێ خوه‌ ژده‌ست دده‌ن وه‌كی شه‌هید ناهێنه‌ قه‌بیل كرن

سۆرانی

.................................

(138) هاوڵاتی هەرێم بەهۆی هێرشی سوپای توركیاوە شەهید بوون، هیچ مەراسیمێكیان بۆ رێكنەخرا..!!؟؟؟
نێچیرڤان بارزانی لەبەردەم تەرمی گەشتیارە كوژراوەكانی عێراقدا
“تەرمی ئەو هاوڵاتیانەی بە بۆردومانی سوپای توركیا كوژران”
درەو:
نێچیرڤان بارزانی سەرۆكی هەرێمی كوردستان لە فڕۆكەخانەی نێودەوڵەتی هەولێر بە خەمبارییەوە بەشداری لە مەراسیمی بەڕێكردنی تەرمی كوژراوانی هێرشەكەی دوێنێی توركیا لە زاخۆكرد كە سەرجەمیان گەشتیاری عەرەبی بەغدا و پارێزگاكانی دیكەی عێراقن.
بەپێی ئاماری رێكخراوی تیمی كوردستانی عێراقی (CPT) لە 2015 تا ئێستا (138) هاوڵاتی هەرێمی كوردستان بەهۆی هێرشەكانی توركیاوە كوژراون.
حكومەتی هەرێم و دامەزراوە فەرمییەكانی هەرێمی كوردستان هیچ مەراسیمێكیان بۆ ئەو كوژراوانە نەكردووە.

ئەو بابەت و هەواڵانەی کە ناوی نووسەرەکانیان دیار و ئاشکرایە، تەنیا
نووسەرەکەی بەرپرسیارە، نەک تەڤداپرێس

تەڤدا پرێس