هەواڵ

پشتی بەرزەبوونا وی بۆ ماوێ 24 دەمژمێران دیاربوو کو پارێزەر هەرێم رەفعەت ژلایێ ئاسایشا پارتیڤە هاتیە دەستەسەرکرن

Tuesday, 10.11.2022, 05:16 PM

هەتا نوکە ئەگەرێ دەستەسەرکرنا وی نەهاتینە زانین .

چاڤکانیەکا ئاگەهدار ژ مالباتا پارێزەر هەرێم رەفعەت راگەهاند: دوهی ئێڤاری پارێزەری دوماهیک پەیوەندیا تلەفۆنی دگەڵ هەڤژینا خۆ ئەنجام داییە و گوتییە ئەز یێ نێزیک زاڵگەها ئاسایشا هەولێرێ و پشتی هنگی بەرزەبوویە و مۆبایلا وی هاتیە گرتن

هەروەسا وێ چاڤکانیێ گوت ژی:ئەڤ پارێزەرە بۆ ڤەکولین ل دۆسەکا یاسایی سەرەدانا ڕانیە کرییە،پشتی ڤەگەریانا وی ل دەمژمێر 4:00 ئێڤاری ژلایێ هێزەکا پارتیڤە هاتیە دەستەسەرکرن.

پشتی بەلاڤبوونا نوچەیێ بەرزەبوونا پارێزەر هەرێم رەفعەت ل تورێن جڤاکی ئاشکەرا بوو کو ئاسایشا پارتی دەستەسەرکرییە و هەتا نوکە دیارنینە کا ئەگەرێن دەستەسەرکرنا وی چنە

ئەڤ پارێزەرە ئێکە ژ تیما پارێزەرێن خۆبەخشێن زیندانیێن بەهدینان و هەتا نوکە ژی لسەر کەیسا زیندانیێن بەهدینان یێ بەردەوامە،بەریا نوکە چ ئاگەهدارییەک ژ دادگەهێ نەگەهشتیە وی بۆ بەرهەڤبوون ل دادگەهێ یان سکاڵا کەسەکێ.

ئەو بابەت و هەواڵانەی کە ناوی نووسەرەکانیان دیار و ئاشکرایە، تەنیا
نووسەرەکەی بەرپرسیارە، نەک تەڤداپرێس

تەڤدا پرێس