ته‌ڤداپرێس راگەیاندنێکی سەربەخۆیە، کار بۆ دەرخستنی راستیی و تاوانی دەسەڵاتی ستەمکار دەکات

هەواڵ

موڵکێکی (ئیدریس بارزانی ) کوڕە گەورەی (نێچیرەڤان بارزانی ) لە پاریسی پایتەختی فەڕانسا بەهاکەی ٢٣ ملیۆن یۆرەیە

(1382 بینراوە)   | Friday, 10.28.2022, 04:33 AM |



وەک زۆرێک لایان ئاشکرایە کە لە ووڵاتانی ئەوروپی و بە تایبەت ئەو ووڵاتانەی کە دیموکراتیەت و شەفافیەت لە پلەی باڵادایە داتای باج و دەرامەت و موڵک و ماڵی هەرکەسێکی نیشتەجێی فەڕانسا لە سایتەفەرمیەکانی حکومەت  وەک ئەستۆپاکی و شەفافیەتی کارەکانی حکومەت وەک گوێزی پاککراو هەمووی خراوەتە بەر دیدەی هاوڵاتی فەڕانسی ، وەک ئاگادارن کە بەرپرسانی هەرێم لەڕێگەی نوێنەرایەتی و سیخوڕەکانیانەوە لە ناوخۆ و دەرەوەی هەرێم هەردەم لە بە دواداچوونن لەسەر باکگراوندی ئەو کەس و لایەنە دژانەی سیاسەتی دیکتاتۆری بنەماڵەی بارزانی هەر بەو هۆکارە منیش وەک ڕۆژنامەنووسێک و بەجێگەیاندنی ئەخلاقیاتی پیشەکەم دەستم کرد بە لێکۆڵینەوە لەسەر نوێنەری هەرێم و وردتر بڵێم نوێنەری حکومەتەکەی پارتی لە فەڕانسا (عەلی دۆڵەمەڕی ) و دەرهێنانی داتاکانی باج و دەرامەتی ناوبراو وەک هاوڵاتیەکی دانیشتووی فەڕانسا ، بۆم دەرکەوت کە ناوبراو کۆمپانیایەکی ئیستیسماری بە ناویەوەیەتی بە ناوی کۆمپانیای (( بەیبون بۆ کاری وەبەرهێنان Beybun investessement ))   ئەوەی سەیر بوو دوای ئەوەی کە خاوەندارێتی و ئەوەلیاتی ئەو کۆمپانیایەم ڕاکێشا ئەم کۆمپانیایە خاوەنەکەی ( ئیدریس نێچیرەڤان ئیدریس بارزانیە ) و دانیشتووی ١ ی شەقامی پیرمامە لە هەولێر وەک لەسەر بەڵگەنامە فەرمیەکە نووسراوە
1 rue Pirmam 44001 ERBIL (irak )
ئەم کۆمپانیایە لە بەرواری ٢٩ ی ٧ ی ٢٠٢١ دەستبەکار بوە و ٢ ڕۆژ پێش دەستبەکاربوونی واتە لە ٢٧ ی ٧ ی ٢٠٢١  ئیدریس نێچیرەڤان بارزانی وەک سەرۆکی کۆمپانیاکە لە کوردستان و (عەلی دۆڵەمەڕی ) وەک سەرۆکی کۆمپانیاکە  لە پاریسی فەڕانسا  دانراوە وەکالەتی بۆ کراوەتەوە ، هەروەک لە داتای فەرمی ناساندنی کۆمپانیاکان تێیدا هاتووە کە ئەم کۆمپانیا بە سەرمایەی ١٠ هەزار یۆرۆ دامەزراوە و ئەدرێسی باڵەخانەی کۆمپانیاکە بریتیە لە
38 avenue de wagram 75008 paris
کە دەکەوێتە سەر شەقامی ( شامپ ئیلیزێ ) گرانترین شەقامی پاریس بەگشتیە
ئەم باڵەخانەیە بریتیە لە باڵەخانەیەکی  ٦ نهۆمی و بە پێوانەی ١٨١٤ مەتر دوجا و پێک دێت لە ٢٩ سووقە و ٦ دوکان بە مەساحەی ٥٧٦ مەتر و ٤ مەمزەن و ١ پارکینی گەورەی ئۆتۆمبێلی تێدایە
نرخی ١ مەتر زەوی لەو ئەدرێسە ١٢ هەزار و ٥٤٨ یۆرۆیە واتە ١٨١٤ متر * ١٢٥٤٨ یۆرۆ دەکاتە ٢٢ ملیۆن ز ٧٦٢ هەزار یۆرۆ

ئەوەی سەیرە ئەدرێسی  دانراوی کوردستانی ئیدریس بارزانی لە سەر بەڵگەنامەکەیە کە کاتێک دەگەڕێیت بە دویدا ماڵ نیە بەڵکو باڵەخانەکەیەکی گەورەیە کە پێک دێت لە چەند دوکان و ئۆفیس و جیمێکی یاری بەناوی( ئیسپۆرتا eSporta )کە دەکەوێتە نێوان پیرمام و فامیلی مۆڵی هەولێر  .

پرسیاری سەرەکی ئەوەیە جەنابی نوێنەری حکومەتی هەرێم کاری سپی کردنەوەی پارەی بەرپرسانی هەرێمە یا کاری دیبلۆماسی و کارئاسانی هاوڵاتیانی هەرێم و دروستکردنی پەیوەندی کلتوری و سیاسی و ئاشتەوای هاوڵاتیانی کوردستانە ؟؟
ئایا ئیدریس نێچیرەڤان بارزانی ئەم پارانەی لە کوێ بوو ؟؟
چۆن نوێنەری هەرئم پارەی ڕەشی کوڕە بەرپرسێک سپی دەکاتەوە و کۆمپانیای بۆ دا ئەنێت ؟؟
چۆن دەبێت نوێنەری هەرێم خاوەن کۆمپانیای وەبەرهێنان بێت
کۆپی بەڵگەکان

بەڵگەی یەکەم
بەڵگەی دووەم

بەڵگەی دووەم

ئەو بابەت و هەواڵانەی کە ناوی نووسەرەکانیان دیار و ئاشکرایە، تەنیا
نووسەرەکەی بەرپرسیارە، نەک تەڤداپرێس





وێنە

مسعود بارزانی دوای سەرنەکەوتنی لە رواندنی ددانی دەستکرد
دانیشتنی سەرۆکێکی نەخوێنەوار لەسەر مێژوویەکی پڕ لە درۆ
براوەی کۆنگرەی چواردە
ململانێی نێوان بنەماڵەی بارزانی
جاشایەتی ئال بارزانی بۆ ئەردۆغان

راپرسی

سایتی تەڤداپریست بەلاوە جۆنە؟