ل 31ێ ئادارێ كۆمه‌له‌كا چه‌تێت ل گوندێ زه‌رگۆزا بانی سه‌ر ب شرنه‌خی شۆرشگێره‌كێ كورد سه‌ر ب پارتیا كرێكارێت كوردستانێ یێ بناڤێ هارون ئه‌لباك راده‌ستی ده‌وله‌تا ترك دكه‌ن، ئه‌ڤ جاشه‌ یت ب ڤی كاری رابۆین یێن بناڤێ: (حاجی عەبدولکەریم شیناگو، ئەشرەف ئەرچەل، عەتا تەکین، سێفا یالچین و عەبدوڵڵا ئەرچەل) بره‌نگه‌كێ گشتی دكه‌ڤنه‌ به‌ر نه‌فره‌تا جڤاكا كوردی ل هه‌ر چارپارچێن كوردستانێ. لێ دبیت خه‌لكێ ژبیركربیت كو پارتی مێژویه‌كا دویر و درێژ و به‌رده‌وام دگه‌ل ڤی كارێ قڕێژ و نه‌مرۆڤانه‌ هه‌یه‌ كو تا نوكه‌ ژی به‌رده‌وامه‌.
بۆ كو بهێته‌ بیرا خه‌لكێ مه‌، به‌شه‌ك ژ وان جاشاتیان كو مێژویا وان كه‌ڤتیه‌ به‌رده‌ستێ مه‌ ل ڤێرێ دێ ئاماژێ پێ ده‌ین:

-ل ساڵا 1968ێ گرۆپه‌كا 9 كه‌سی یا شۆره‌شگرێت حزبا دیموكراتا كوردستانا ئیرانێ مه‌لا ئاواره‌ و ره‌حمان حه‌مه‌دی وه‌تمان و مه‌لا كه‌چه‌ ناڤدار ب محه‌مه‌د ئه‌حمه‌دی و دلشاد ڕه‌سول و هه‌ڤاڵێن وان ڕاده‌ستی ڕژێما ئیرانێ دكه‌ن و رژێم ژی وان ل 02\09\1968 ێ پشتی ئه‌شكه‌نجه‌كا دژوار هه‌میا سێداره‌ دده‌ت.

-1967گرۆپه‌كا پێشمه‌رگێن 7 كه‌سی كو سالح لاجانی شۆره‌شگه‌رێ دیموكراتا ئیرانێ ژی ئێك ژ وان بۆ ژلاێ مسته‌فا بارزانی راده‌ستی ڕژیما ئیرانێ هاتنه‌ كرن.

-سولێمان موعینی و خه‌لیل شه‌وباش سه‌ركردێن شۆره‌شگرێن كورد ژلاێ مسته‌فا بارزانی ڕاده‌ستی ڕژیما شاهێ ئیرانێ دهێنه‌ كرن و ل 15\05\1968 پشتی ئه‌شكه‌نجه‌كا دژوار دهێنه‌ سێداره‌دان و سڤكاتیێ ب جه‌نازێ وان دهێته‌ كرن.

-ل ساڵا 1967 هژماره‌كا پێشمه‌رگا (سوارەی سەکری-ئەسکەنده‌ر عه‌لی- محەمەد موئمینی- حەبیب ئەبابەکر- جەعفەر ئەبابەکر) ژلاێ مسته‌فا بارزانیڤه‌ ڕاده‌ستی ڕژێما ئیرانێ هاتنه‌ كرن و هاتنه‌ سێداره‌دان.

-ل ئه‌یلولا 1967 مه‌لا ره‌حیمێ وه‌رتێ ناڤدار ب میرزا ئه‌حمه‌د ئه‌ندامێ سه‌ركرداتیا دیموكراتا ئیرانێ ژلاێ مسته‌فا بارزانی دهێته‌ گرتن و ژبه‌ركو رازی ب ته‌سلیمبونێ نابیت جه‌نازێ وی ڕاده‌ستی ساواكا ئیرانێ دهێته‌ كرن. تنێ  د ناڤبه‌را 1967 - 1968 دا ژلاێ پارتیڤه‌ 55 ئه‌ندامێت پارتیا دیموكراتا ئیرانێ ژلاێ مسته‌فا بارزانی ب زیندویی ڕاده‌ستی ڕژێما ئیرانێ هاتنه‌ كرن و هه‌می ژی هاتنه‌ سێداره‌دان.

-سه‌ركردێن باڵێ دیموكراتا كوردستانێ ل توركیا "سه‌عید ئالچی و دكتۆر شڤان (محه‌مه‌د بێگی) حه‌كۆ و بروسك ل 01\06\1971 ب بریارا ده‌وله‌تا ترك ب ده‌ستێ مسته‌فا بارزانی هاتنه‌ تیرور كرن

-دناڤا سنورێ دهۆكێ دا 25 كوردێت شۆره‌شگرێت باكور ل 12\12\1991 ژن و مێر ژلاێ پارتی دهێنه‌ گرتن و ل 08\01\1992 ژ ده‌روازا ئیبراهیم خه‌لیل راده‌ستی ده‌وله‌تا ترك دهێنه‌ كرن

-ل 13\03\1993 شۆره‌شگرێ كورد یی خه‌لكێ ئامێدیێ زه‌كی یه‌عقوب ئامێدی دگه‌ل چه‌ند هه‌ڤاڵێن وی ژلاێ پارتی راده‌ستی توركیا دهێنه‌ كرن و زه‌كی ئامێدی لبه‌ر ته‌سلیم نه‌بونێ دهیته‌ تیرۆركرن

-د قۆناغا شه‌ڕێ ناڤخۆیی یا ل سالێن 1992 ێ تا 1998ێ ژلاێ پارتی ڤه‌ ب سه‌دان شۆره‌شگریت باكور راده‌ستی توركیا هاتینه‌ كرن.

-ژلاێ ده‌زگایێت ئه‌منیا پارتی گه‌نجێ كورد موسا ئۆره‌ماری ئێك ژ قه‌هره‌مانێت سه‌رهلدانا شێلادزێ ل 18ی ئابا 2020 ێ راده‌ستی میتا تورك دهێته‌ كرن.

-مه‌تین بایدار كوردێ باكور خه‌لكێ مێرسینێ كو ژ زولما ده‌وله‌تا تورك لسه‌ر كه‌یسا كوردبونێ په‌ناێ دئینته‌ باشورێ كوردستانێ و ل هه‌ولێری ئاكنجی دبیت ل 2018ێ ڕاده‌ستی ده‌وله‌تا ترك دهێته‌ كرن.

-شاهی مه‌ردان ساری كه‌ساتیه‌كێ ئایینی یێ كورده‌ كو ژبه‌ر كه‌یسا سیاسی دهێته‌ هه‌رێما كوردستانێ و ژلاێ پارتیڤه‌ ل شوباتا 2018ێ راده‌ستی ده‌وله‌تا تورك دهێته‌ كرن

تێبینی: ڕێژه‌یا ڤان مێژویێن راده‌ستكرنان كوردان بۆ ده‌ستێ دژمنان ژلاێ بنه‌ماڵا بارزانی گه‌له‌ك زۆڕن، لی تشتێ  بله‌زكه‌تینه‌ به‌رده‌ست ئه‌ڤه‌نه‌. بۆ زێده‌تر زه‌نگینكرنا ڤێ راپۆرتێ هیڤیه‌ ب مێژوو و داتایێن خوه‌ هه‌ڤكار بن.