به‌رده‌وام دیمه‌نێ ناڵه‌ناڵا قوماربازێت ژیان دۆڕاندی ل سه‌ر شاشا ئه‌كرانێت هه‌رێمێ و بگشتی شۆسیال مه‌دیایێ یێت بوینه‌ بابه‌تێن ڕۆانه‌، ژلایه‌ك دی نوچه‌ و هه‌والێن گرتنا قومارخانا و رومالا ده‌ست بسه‌رداگرتنا ئامیرێت قومارێ ژی وه‌كه‌ ركلامه‌كا سه‌خته‌كارانه‌ هه‌ر چه‌ند رۆژا جاره‌كێ ژ ده‌زگایێن ڕاگهاندنیێن پارتی خوه‌ دده‌نه‌ ده‌ر، تنی بۆ نخافتنا وان ده‌ستێن مه‌زنتر كو لپشتا ڤان قومارخانا مژولی كۆمكرنا ملیۆنان سه‌رمایا ب ڤێ رێ نه‌.

ئه‌ڤه‌ ژی هه‌می پشتی ڤێ چه‌ندێ كو ژلاێ ته‌ڤداپرێس چه‌ندین زانیاریێن گرنگ ب به‌فره‌هی لسه‌ر نهێنیێن ڤێ دیاردا مالوێرانكه‌ر ل به‌هدینان هاتنه‌ به‌ڵاڤكرن، بتایبه‌ت لسه‌ر نوری شیكه‌یی وه‌ك پاشاێ قومارخانێت به‌هدینان.
لێ ئه‌م دبینین كو گرتنا قومارخانێن بچوك و ده‌سه‌ته‌سه‌ركرنا هنده‌ك ئامیرێن ڤێ دیاردێ هه‌می دیمه‌نه‌كێ شانۆگه‌ریێ بۆ خاپاندنا ڕایا گشتی یه‌، وه‌ك چه‌وا دبینین ئێك ژ پاشایێن ڤان قومارخانا د دیمه‌نه‌كێ دا وه‌ك سه‌ركردا ل ته‌نشت عه‌لی عه‌نی د ناڤا لقا ئێكا پارتیدا ده‌ردكه‌ڤیت.
هه‌لبه‌ت د ڕاپۆرته‌كا ته‌ڤداپرێس دا پێشتر ب به‌رفره‌هی ئاماژه‌ ب ڤێ ئێكێ ژی هاتبۆ دان كو میناكێت وه‌ك نوری شیكه‌یی تنێ دیمه‌نه‌ك ژ ڤان پاشایێت پاره‌ قازازانج كرنێ نه‌ و سه‌ركردێت سه‌ره‌كی لپشت ڤی په‌یكه‌رێ سه‌خته‌ هه‌نه‌.

هێژایی ئاماژه‌یدانێ یه‌ كو به‌ری چه‌ند مه‌هه‌كا كچه‌كا گه‌نج ژلاێ نوری شیكه‌یی ڤه‌ هاتبۆ ته‌جاوزكرن و ل به‌رامبه‌ر 70 ده‌فته‌رێن دولاری هاته‌ عه‌فوو كرن، لگۆر زانیاریان پێشتر ژی كوڕه‌ك ژلاێ ویڤه‌ هاتبۆ ته‌جاوزركرن.