ڕاستیا بۆیه‌را ته‌قینا ترومبێلا ئه‌ندامێ پاراستنا پارتی چیه‌؟

Monday, 07.24.2023, 11:57 AM

هاته‌ ڕاگهاندن كو پێشمه‌رگێ دێرین بناڤێ محه‌مه‌د میرزا ل زاخۆ ژ ئه‌گه‌را رویدانه‌كێ گیانێ خوه‌ ژده‌ستدا!
لێ ئه‌ڤ محه‌مه‌ده‌ كیه‌ ڕاستیا ڤێ بۆیه‌رێ چیه‌؟
ل دره‌نگیا ئێڤارا رۆژا ئێكشه‌مبی 23-07-2023 ل سه‌رجادا بێدارێ نێزیكی ئه‌كادمیا زاخۆ ترومبێلا محه‌مه‌د میرزا دوو جارا ته‌قین تیدا رویدده‌ت، كه‌سێ ناڤبری ژی ده‌ملده‌ست گیانێ خۆ ژده‌ست دده‌ت.
كه‌سێ قوربانی محه‌مه‌د میرزا سۆفی سندی ته‌مه‌ن 70 ساڵی ئه‌ندامێ به‌رێ یێ پاراستنێ بۆیه‌ كو گه‌له‌ك تاوان ب ده‌ستێ وی دگه‌ل ڤی ده‌زگاێ ڕه‌شناڤ هاتینه‌ كرن.
لگۆر زانیاریێن ژ چاڤكانیێن خۆجهی گهه‌شتینه‌ به‌ر ده‌ستێ ته‌ڤداپرێس ئه‌ڤ كه‌سه‌ ب ئه‌زمونێن 50 ساڵان ب ئه‌ركێن هه‌ستیار دگه‌ل پارتی وه‌ك سندۆقه‌كا ڤه‌شارتی یا زانیاریێن پاراستنێ ل ده‌مێن به‌رێ دهاته‌ زانین كو پر جارا ل گه‌له‌ك جها ده‌ڤێ خۆ ڤه‌دكر و زانیاریێن نهێنی ئاشكه‌را دكرن، له‌ورا ژلاێ ده‌زگاێ پاراستنێ چه‌ند جارا هشیاریێ دده‌نێ كو ده‌ڤێ خۆ بگریت، لێ محه‌مه‌د میرزا ژ بێ هشۆبیری و ساده‌بینیا خۆ دیسا نه‌لگۆر خواستا پاراستنێ ل جڤاتا دئاخڤیت، له‌ورا پاراستنێ ڤێ جارێ ب دانانا بۆمبه‌كێ دناڤا ترومبێلا ویدا ده‌ڤێ وی بۆ هه‌تاهه‌تا دانا سه‌رئێك.
ب ڤی ڕه‌نگێ پارتی ئه‌ندامه‌كێ خۆ یێ پاراستنێ و پێشمه‌رگه‌كێ پارتی یێ دێرین كو پتری 50 ساڵا دگه‌ل ڕێزێن وان خه‌بات كری هۆسا خه‌لات دكه‌ت.
ژهه‌ژی گۆتنێ یه‌ كو لده‌سپێكێ راگهاندنێن پارتی هه‌ولدان ڤێ بۆیه‌رێ ب ره‌نگه‌كێ ڤه‌شێرن و بێخنه‌ ستوهێ درۆنان یان په‌كه‌كێ پێ تاوانبار بكه‌ن و بڤی ره‌نگی ب ئێك فیشه‌كێ دوو نیشانا بپێكن، لێ لگۆری شاهدێن بۆیه‌رێ كو نوچه‌گهانێ كه‌نالێ ڕوداو دایه‌ ئاشكه‌راكرن ب دوجار په‌قینا ڤێ ترومبێلێ دیاردبیت كو ئه‌ڤ ته‌قینه‌ دناڤا ترومبێلێ دا رویدایه‌ و نه‌ژ ئالیه‌كێ ده‌ره‌كی.

ئەو بابەت و هەواڵانەی کە ناوی نووسەرەکانیان دیار و ئاشکرایە، تەنیا
نووسەرەکەی بەرپرسیارە، نەک تەڤداپرێس

ته‌ڤدا