وەزارەتی دەرەوەی بەریتانیا لە راپۆرتی ساڵانەیدا ئاماژە بە خراپی دۆخی مافی مرۆڤ لە عێراق و هەرێمی کوردستان دەکات و دەڵێت: جێگەی نیگەرانییە.

لە راپۆرتەکەی وەزارەتی دەرەوەی بەریتانیا هاتوە، لە هەرێمی کوردستان رۆژنامەنوسان بەبێ فەرمانی دادگا دەستگیر دەکرێن، مەودای کاری رۆژنامەوانی سەربەخۆ و داکۆکیکارانی مافەکانی مرۆڤ سنوردار کراوە.

ئاماژەی بەوەشکردوە، لە هەرێمی کوردستان و عێراق رێز لە دادگا و یاساکان ناگیرێت و ئازادی رادەربڕین بە بەکارهێنانی تۆقاندن و لێپێچینەوە بەرتەسک کراوەتەوە.