زیاتر لەکاتژمێرێک پێش ئێستا نێچیرڤان بارزانی سەرۆکی هەرێمی کوردستان پەیامێکی دەربارەی کەیسی دەستگیرکراوانی بادینان بڵاوکردەوە و بەپێی هەڵسەنگاندنی چاودێران جۆرێک لەنەرمی نواندن لەپەیامەکەی سەرۆکی هەرێمدا دیارە و پێشبینی دەکرێت دوای پەیامەکەی سەرۆکی هەرێم کەیسەکە بەئاڕاستەی ئازادکردن یان پێداچوونەوە بەسزای سەپێندراوی سەر دەستگیرکراوانی بادیناندا بڕوات.

کەناڵی Kurdstan 24 کە خاوەندارییەکەی بۆ مەسرور بارزانی دەگەڕێتەوە ، تاکو ئێستا پەیامەکەی نێچیرڤان بارزانی سەرۆکی هەرێمی بڵاونەکردووەتەوە .!

پێدەچێت مەسرور بارزانی کە خاوەندارێتی کەناڵی Kurdstan 24 دەکات وەک هەڵسوڕێنەری دادگاکانی هەولێر لەدژی ڕۆژنامەنووس و چالاکوانە دەستگیرکراوەکانی بادینان پێناسە دەکرێت ، لەپەیامەکەی نێچیرڤان بارزانی سەرۆکی هەرێمی کوردستان و (ئامۆزای) ناڕازی و نیگەران بێت ، هەر لەبەرئەوەش کەناڵی Kurdstan 24 پەیامەکەی بڵاونەکردووەتەوە .