بۆچی بارزان قه‌ساب براێ نه‌وزاد هادی پارێزگارێ به‌رێ یێ هه‌ولێرێ كرنه‌ به‌رپرسێ ئاسایشا هه‌ولێرێ؟

بارزان قه‌ساب كه‌ساتیه‌كێ بێ مسته‌وا ژ لاێ ڕه‌وشت و خوینده‌واریڤه‌ یه‌، كه‌سه‌كێ شه‌قاوه‌ و ده‌ڕبوه‌شین و پێك هێنه‌رێ هه‌ر بڕیاره‌كا توند و سناریۆیه‌كا ژلاێ بنه‌مالا مه‌سعود بارزانیڤه‌ بهێته‌ پێشنیاركرن.

بارزان كه‌سه‌كی چاڤبرسی و زێده‌خاز د ملێ مادی دایه‌، لێ د قۆناغا ساڵێن ده‌ربازبوویی دا سه‌رمایا وی هه‌می ب ڕێكا دزی و گه‌نده‌لی و سه‌رانه‌ ستاندن و ته‌هدید و سناریۆیان ب نهێنی ژ زه‌نگینان دهاته‌ دابین كرن بێ كو چ كه‌ده‌ك بۆ دابیت یان بێ كو هه‌ر ڕێگریه‌ك لێ هاتبیته‌ كرن.

داڕێژه‌رێ سناریۆێێت پارتی بۆ هه‌می بابه‌تێت ئه‌منی ل هه‌ولێرێ یه‌ كو لبه‌ر ده‌ستێ میتێ په‌روه‌ردێت تایبه‌ت دیتینه‌، سه‌خته‌كاریێت وی تا راده‌كێ د وارێ دروستكرنا تۆمه‌ت و پلانێت تۆمه‌تبار كرناندا زێده‌نه‌ كو بۆیه‌ ئه‌گه‌را وێ ئێدی سناریۆیێت ئاسایشێ و ئه‌نجۆمه‌نا وێ ب شێوه‌كێ سه‌خته‌كاری و كرێت د جڤاكێ دا كه‌س باوه‌ریێ پێ نه‌ئینیت. دهێته‌ زانین ده‌ستێ وی دناڤا دارشتنا سناریۆیا ڕۆژنامه‌ڤان و ئازادیخازێت به‌هدیناندا ژی هه‌بوو. ئه‌ڤ بارزانه‌ ته‌نانه‌ت بۆ تۆمه‌تباركرنان ب ڕێكا بكار ئینانا پۆستێ براێ خۆ نه‌وزاد هادی كو پێشتر پارێزگارێ هه‌ولێرێ بۆ به‌رده‌وام به‌رتیل و سه‌رانه‌ ژ زه‌نگینا دستاند، وه‌كی پارێزگاره‌كێ فه‌رمان و بڕیار ده‌ردكرن بۆ لێدانا بیرا و دروستكرنا مه‌زرعه‌ و ڤله‌یان و كرین و فرۆتنا وان و گرتن و به‌ردانا خه‌لكێ ب پاره‌، كو ئیكجاری ئه‌ڤ تشته‌ ب رێكا بانده‌كێ بڕێڤه‌ دبرن كو هه‌می د ده‌ستهلاتێ دا بوون.

ب ڤی ره‌نگی بارزان قه‌ساب هه‌ڤشێوه‌ی به‌ده‌ل به‌ندی و هه‌می پله‌دار و خودان پێگه‌هێت بن هه‌ژمونا پارتی ئه‌و ژی ب پله‌یا ڕێڤه‌به‌ریا ئاسایشا هه‌ولێرێ دهێته‌ خه‌لاتكرن. ئه‌ڤ كه‌سه‌ بۆ ڕه‌شكریاریێت خۆ كه‌سه‌كێ ڕه‌شناڤه‌ و هه‌می پله‌دار و ئه‌ركدارێت هه‌ولێری وه‌ك تڕسه‌كێ لێ ته‌ماشه‌ دكه‌ن ژبه‌ر په‌یوه‌ندیێت وی یێت بنه‌جھ دگه‌ل میتا ترك هه‌م ژی ژبه‌ر كو ب ڕێیا سناریۆێت سه‌خته‌ بۆ تۆمه‌تباركرنا كه‌سایه‌تیان و وه‌شاندنا ده‌ڕبێت ل پشتڤه‌ و ب نهێنی، نه‌چاری پشتگیری و په‌رده‌پۆش كرنا تاوان و جنایاتێت وی دبن له‌ورا بارزان قه‌ساب گه‌له‌ك تاوانا بڕێیا ده‌زگایێت حكۆمی و ئه‌نجۆمه‌نا پارێزگه‌ها هه‌ولێری بریڤه‌ برینه

‌ئه‌ڤ كه‌سه‌ تاوانباره‌كێ مه‌زن د بیاڤێ دزی و گه‌نده‌لیێ ژی دایه‌ كو ده‌ستێ وی دگه‌هیته‌ نه‌فت و سه‌رمایا ڤی گه‌لی كو دگه‌ل هه‌ڤكارێ خۆ هێرشه‌ ڕه‌ش و باندا خۆ یا كو هه‌می پله‌ و پایه‌دارێت دناڤ داموده‌زگایێن هه‌ستیارێن پارتی دانه‌  باێ ملیۆنان دۆلارا ب شیوازێ ره‌شبازاری نه‌فتێ دفرۆشن و ئه‌شكه‌ره‌ ژی بن لێ بێ كو یه‌ك لێپرسین دگه‌ل وان بهیته‌ كرن ئه‌ڤرۆ دبینین دهینه‌ خه‌لاتكرن.‌

كه‌سه‌كێ ب ڤی ڕه‌نگی د هه‌ر وه‌ڵاته‌كێ دا جهێ وی زیندان و سزایێت گرانن، به‌لكی ژی سێداره‌دان مافێ وی یێ هه‌ری ڕاسته‌قینه‌ بیت، لێ د هه‌رێما كو لسه‌ر بنه‌ماێ مافیایی و دزی و كوشتن و تیرۆر و داگیركاری و دره‌وان هاتبیته‌ ئاڤا كرن بێ گومان دێ ڤان كه‌سان خه‌لات كه‌ت و پله‌یێن وان بلندتر لێ كه‌ت. به‌رده‌وام مه‌سرور بارزانی و بابێ وی دگۆتارێت خۆ دا په‌یڤێت وه‌كی، چاكسازی، ڕێگری ل به‌رتیلان، سه‌روه‌ریا یاسایێ دئاخڤن، لێ پا ب به‌هانێت سه‌خته‌ و سناریۆیێت چێكری ده‌سته‌سه‌ركرنا زاڕۆكێت سه‌رمایه‌دارا و به‌ردانا وان ب پاره‌ بۆیه‌ كاره‌كێ بازرگانیێ بۆ به‌رپرسێت باڵا یێت ئاسایشێ و حكومه‌تا پارتی، ل ده‌مه‌كێ كو ئه‌ڤه‌ هه‌می به‌رچاڤێ بنه‌ماڵا بارزانی دهێنه‌ كرن، ب دروست كرنا مۆله‌تێن كۆمپانیا و پاره‌ وه‌رگرتن و داخوازنامه‌ و ڤیزه‌یێت وه‌ڵاتێن بیانی، هه‌كه‌ تنێ دیفچۆنه‌كا درست بهێته‌ كرن و جه‌واز و ڤیه‌یێن سه‌فه‌رێت وان بهێنه‌ لێكۆلین كرن تنێ مۆچێ سه‌فه‌رێت وان و تكێتا فرۆكا و خانی و ئۆتومبێلێت وان بكه‌ن و چاڤه‌كێ لسه‌ر مه‌سره‌فێن رۆژانه‌یێت وان یێت ملیۆنی بكه‌ن دێ بۆ هه‌ر كه‌سه‌كێ ئاشكه‌را بیت كو نه‌تنێ ئه‌ڤانه‌ ئه‌ندامێت ئاسایشا وه‌ڵاتی نینن به‌لكۆ ئه‌ندامێت باندێت مافیایانه‌ كو مه‌زنترین تاوانا ل بن په‌رده‌پۆشیا ڤێ حكومه‌تێ دا جێبه‌جێ دكه‌ن. هه‌رچی بازرگان و زێرنگر و كه‌سانێت كو ب فه‌رمیه‌تا پارتی ڕێ بۆ زه‌نگین بونا وان هاتیه‌ دان نه‌چارن ب دزیكیڤه‌ ب ملیۆنان سه‌رمایێت خۆ ب هه‌روه‌ و به‌لاش بێخنه‌ به‌ر ده‌ستێ ڤان ئه‌ندامێت مافیایی كو تۆمه‌تێن دژه‌ پارتی بونێ بۆ وان نه‌هێنه‌ دروست كرن. دهۆك و زاخۆ بۆ تا هه‌ولێرێ ب گشتی ڕه‌وشه‌ك بڤی ڕه‌نگی هه‌یه‌ كو هه‌ر دكتۆره‌ك یان زه‌نگینه‌كێ كو پیچه‌كا ره‌وشتێ مابیت نه‌چاره‌ ژ وه‌ڵاتی بڕه‌ڤیت و نه‌مینیت. تا ڕاده‌كێ كو پتری ئێك هزار دكتۆرێت خودان شیان د قۆناغا چه‌ند ساڵه‌كادا ژ به‌ر ب ئه‌وروپاڤه‌ چۆینه‌ و هه‌رێم بجھ هێلاینه‌. ئه‌گه‌را سه‌ره‌كی یا دانا پۆستێ رێڤه‌به‌ریا ئاسایشێ بۆ بارزان قه‌ساب ژبه‌ر ڤێ راستیێ یه‌ كو ئه‌ڤ كه‌سه‌ پێشنیاركریێ ده‌وله‌تا ترك و میتێ یه‌، ژبه‌ر كو د ده‌مێن ده‌ربازبووییدا ڤی كه‌سی ب باشی خۆ بۆ ده‌زگایێ ئستخباراتا تركا دایه‌ سه‌لماندن، هه‌روه‌ك چه‌وا به‌ری چه‌ند ساڵا ده‌مێ دوو به‌رپرسێت بلند یێت میتێ دكه‌ڤنه‌ ده‌ستی قه‌ندیلێ و دانپێدانا ژێ دستینن و به‌ڵاڤ دكه‌ن وی ده‌می د گۆتنێت واندا ژی هه‌ڤكاریێت بارزان قه‌ساب دگه‌ل میتی ژ زارێ وان دو ئه‌ندامێت میتێ ده‌ركه‌تنه‌ به‌رچاڤێ رایا گشتی. تشتێ ژ هه‌میا كرێت تر ئه‌ڤه‌یه‌ كو ته‌ڤاهیا تاوانێت بارزان قه‌سابی ب هه‌می به‌لگه‌ و داتایێت خۆڤه‌ به‌رده‌ستێ مه‌سرور بارزانی و وه‌یسی بارزانی نه‌ و ژلاێ وانڤه‌ هه‌می تاوانێت ڤی كه‌سی وه‌ك یێت به‌ده‌ل به‌ندی و هه‌می تاوانبارێت دی یێت خودی پۆست و پله‌ یێت پارتی دهێنه‌ زانین.

نوكه‌ ژی كه‌سه‌كێ وه‌كی بارزان قه‌ساب كو هه‌تا سه‌ر هه‌ستی خودیێ مه‌له‌فه‌كێ پڕی تاوان و دزی و جنایاتانه‌ ژلاێ مه‌سرۆر بارزانیڤه‌ بۆ بڕێڤه‌به‌ریا ئاسایشا هه‌ولێرێ دهێته‌ هلبژاردن دبیته‌ شه‌رمه‌زاریه‌كا گه‌له‌ك مه‌زن بۆ خه‌لكێ ڤێ ده‌ڤه‌رێ و قه‌بیل كرنا ڤێ سڤكاتیا هنده‌ گران سه‌رچه‌ماندنه‌كه‌ به‌رامبه‌ر زوڵم و زۆڕ و مه‌زنترین تاوانان كو ل سه‌رده‌مێ به‌عس ژی ڕوی نه‌دایین