هەواڵ

چیرۆكى دادوەرییەكە مەلا مستەفا لەدەمى ڕۆژنامەنووسێكى ئیسرائیلیەوە

Thursday, 10.15.2020, 10:45 AM



زۆرن ئەو چیرۆك و بەسەرهاتانەى دەربارەى مەلا مستەفا نووسراون و گێردراونەتەوە، بەشێكیان لەلایەن ئەو (سەركردانەى) لایەنگرى بوون، بەشێكى تریش لەلایەن ئەو كەسانەى پێچەوانەى بیركردنەوەكانى مەلا مستەفا بوون. ڕۆژنامەنووسە بیانییەكانیش بەشێكى زۆر لەو بەسەرهات و چیرۆكانەیان ئەرشیف كردووە كە لە سات و كاتى ژیانیان لەگەڵ مەلا مستەفا بوون بۆ (سیخورى) و كارى ڕۆژنامەوانى لە نزیکەوە ناسیویانە. ئەگەرچى بەشێك لەو ڕۆژنامەنووسە بیانیانەى چوونەتە لاى مەلا مستەفا كاریگەر بوونە بە كەسایەتى مەلا مستەفاو لە نوسینەكانیاندا بارزانیان وەكو ئەفسانەى ئازایەتى و سیاسیەكى تێگەیشتو و سەركردەیەكى سەركەوتوو دەرخستووە. بەڵام بەشێكی تریشیان تاڕادەیەك مەلا مستەفایان بەو جۆرە نیشانداوە كە لە راستییدا وەکو خۆی هەبووە و بۆ مەبەستێکی سیاسیی و مەرامی دیکە پیایاندا هەڵنەداوە، چییان دیوە ئاوایان باس کردووە.
جۆناتان سی ڕانداڵ (JONATHAN C. RANDAL) لە كتێبی (MY ENCOUNTERS WITH KURDISTAN) كوردستان یان كڵۆڵی نەتەوەیەك. لەلاپەڕەكانى (150 تاوەكو 155) باسی سیفەت و كەسیەتى مەلا مستەفا دەكات لەو ساتانەى كە خۆى لە كوردستان ژیاوە. لەلاپەڕە (154)ى وەڕگێڕدراوى كتێبەكە كەلەلایەن "خەسرەو شاڵى" لە ئینگلیزیەوە وەڕگێردراوە لە ساڵى 2001. نووسەر باسی ڕووداوێك دەكات كە ڕۆژنامەنووسێكى ئیسرائیلى بۆى گێڕاوەتەوە. تێیدا باسی دڕندەیی مەلا مستەفا دەكات و دەڵێت:
(ڕۆژنامەنووسێكى ئیسرائیلى گێڕایەوە كە مەلا مستەفا چۆن چۆنى لەگەڵ پێشمەرگەیەكدا ڕەفتارى كردووە، كاتێك لە ئاشتبوونەوە، لەگەڵ كەسێكى تردا نەچۆتە ژێرفەرمانى مەلا مستەفا و پێداگرى كردووە لەسەر كوشتنى بەرانبەرەكەى، لەوكاتەدا بارزانى دەستى بۆ نێو جانتاكەى بردووەو قەڵەمێكى پاركەرى زێر كە بەدیارى بۆى هاتبوو لەگەڵ دەفتەرێك و چاویلكەیەكى چوارچێوە زێڕینى لێدەرهێناو فرمانێكى نووسی كە ئەو پێشمەرگەیە دەستگیر بكرێت و دادگایی بكرێت و بە كوشتن تاوانبار بكرێت و بەر لە خۆرهەڵاتن بكوژرێت. كە ڕۆژنامەنووسە ئیسرائیلیەكە لە بارزانى پرسی بوو؟ بۆچى خۆى بە نووسینى ئەو كاغەزەوە خەریك كرد؟ بارزانى بە تووندى وەڵامى دابووەو، ووتبووى: ئەى دادوەرى چۆن دێتە دى؟)
دیارە پرسیارى ڕۆژنامە نووسە ئیسرائیلیەكە بۆ ئەوە بوو لە مەلا مستەفا، كەتۆ بڕیارت داوە ئەم پێشمەرگەیە بكوژیت چ پێویست دەكات لەسەر پارچە كاغەزێك چەند دێرێك بنوسیت؟
وەڵامى مەلا مستەفاش بۆ ئەوەى بیسەلمێنێت كە دەرهێنانى دەفتەرو قەڵەمەكەى، بۆ ئەوە بوو نیشانى بدات ئەو وەكو قازی و دادوەرێك بڕیار لەسەر (تاوانباران) دەدات نەك وەك سەركردەیەك.
نووسەر بۆ وەڵامى ئەم دەربڕینەى مەلا مستەفا لەبەرانبەر ڕۆژنامە ئیسرائیلیەكە دەڵێت: (ئەم ڕادەربڕینە و بەو جۆرە گاڵتە جاریە، ئەو دوورییە دەردەخات كە بارزانى لەكەسایەتییەكى ناسراو و ناودارى چیاوە بڕیویەتى تا گەیشتۆتە سەركردایەتیكردنى نەتەوەكەى).
ئەوەى ئەمڕۆ كوڕ و نەوەكانى بارزانى لەكوردستان ئەنجامى دەدەن هەمان ئەو بریارانەیە كە بەقەڵەم و دەفتەرەكەى باوكیان لە ژێر ڕەحمەتى چاویلكە زێڕینە خیانەتكارەكەىدا خەندەقی خیانەت دروست دەكەن بۆ دروست كردنى سنور لە نێوان نیشتمانێكى یەك خاك و یەک زمان.
لەكۆتایی ئەم نووسینە دەڵیم: (شۆڕشێك) لە ژێر ڕەحمەتى قەڵەم و دادوەریەكى ئاواى بارزانییدا بووبێت، ئیتر چۆن چارەنووسی بە ئاشبەتاڵ كۆتایی نایەت

ئەو بابەت و هەواڵانەی کە ناوی نووسەرەکانیان دیار و ئاشکرایە، تەنیا
نووسەرەکەی بەرپرسیارە، نەک تەڤداپرێس





بابەتی تر

تەڤدا پرێس: نامه‌ێک له‌ پاسه‌وانێكی مه‌سعود بارزانی بۆ تەڤدا پرێس هاتووه‌ ئێمەش وه‌ك خۆی به‌ڵاویده‌كه‌ینەوە نیاز حەمید: بەڵگەیەکی دیکە لە نامەکانی هیلاری کلینتۆن!. هۆشیار زێباری ونە!. 17SHUBAT: کەیسی رۆژنامەنوس شێروان شێروانی دەبێتە دانیشتنێکی تایبەتی پەرلەمان و حکومەتی سوێد تەڤدا پرێس: سانع بارزانی وكارگه‌ها غازێ تەڤدا پرێس: سەندیکای رۆژنامەنوسان دوای یاسای ژمارە ٣٥ی رۆژنامەگەری لەسەر شێروان شێروانی جێبەجێ بکریت . 17SHUBAT: پەڕلەمانی ئەوروپا نیگەرانە کەڕێز لەمافی مروڤ و دیموکراتی لەکوردستانی باشور ناگیرێ تەڤدا پرێس: كۆمه‌لكوژی و جينۆسایدی بنە مالەى مێرگەسۆرى (22/23__ئازارى_ 1975) لەدواهەناسەکانى مەرگى شۆرشى ئەیلول , تەڤدا پرێس: مه‌سعود و خالێ خۆ ل ئه‌مریكاو 55 ملیون دولار! 17SHUBAT: ڕونکردنەوەیەکی چەواشەکارانەی دیندار زێباری سەبارەت بە ڕفاندنی شێروان شێروانی تەڤدا پرێس: حکومەتی هەرێم رێکخراوی هیومان ڕایتس ۆوچ چەواشەکاری بڵاودەکاتەوە سەبارەت بە ڕەوشی ئازادی ڕادەربڕین لە هەرێمی کوردستان

وێنە

حالی مسعود بارزانی و ئەولادەکانی بەدەست دادگای فیدرالیەوە
خۆنەچەمێنن
مسعود بارزانی دوای سەرنەکەوتنی لە رواندنی ددانی دەستکرد
براوەی کۆنگرەی چواردە
ململانێی نێوان بنەماڵەی بارزانی

راپرسی

ئایا مەسرور بارزانی لەسەر سكاڵاكەی دادگای واشنتۆن دەیدۆڕێنێت؟