خیانەتی قەڵەمی نووسەران لە خیانەتی پارت و سیاسییەکان مەترسیدارترە، چونکە رووناکبیران کاریگەریی راستەوخۆیان لەسەر کۆمەڵگا هەیە

وتار » بابەت لەسەر خۆفرۆشان

حەمەی شێخ عەبدولکەریم-ی ئینتەرجاش

(639 بینراوە)   | Sunday, 01.03.2021, 01:57 PM |


محه‌مه‌د عه‌بدولکه‌ریم عەبدولقادر به‌رزنجی ناسراو بە حه‌مه‌ی شێخ عه‌بدولکه‌ریم (1938-4.7.2020)، سەرۆکجاشی فەوجی (257)ی جاشی سووکی سەدام و بەعس، یەکێکە لە ئینتەرجاش، یان مولتی جاش (جاش جۆکەر)ەکان.
ئینتەرجاش، یان جاش جۆکەر واتە جاشی ناو چەند جۆگەیەک (جۆگەی ئیسلامی، جۆگەی بەعس و جۆگەی دەسەڵاتی کوردی)، واتە لە سێ بەری جۆگەی خواردوە. حەمەی شێخ عەبدولکەریم، هەڵگوردی برای، نەهرۆی کوڕی و کوڕەکانی تری ناوبراو بەدرێژایی ژیانیان و تاکو ئێستاش بەهۆی پێگەی شێخێتیان لە ئیسلام لە قوتی میللەت دەخۆن، بەهۆی جاشێتی و نۆکەرێتیان لە دەسەڵاتی سەدام و حکومەتی بەعس خواردیان و بەهۆی گەمژەیی، ملهۆڕی، گەندەڵی، نەزانی و کرێگرتەیی دەسەڵاتی کوردی بۆ داگیرکەرانی کوردستان و دژایەتی ئەو دەسەڵاتە بە گەلی کورد، لە دەسەڵاتی نایاسایی کوردی و حکومەتی گەندەڵی هەرێمی کوردستان-یش دەیخۆن.
حەمەی شێخ عەبدولکەریم، بەهۆی ئەوەی کە سەرۆکی تەریقەی قادری و خاوەن مورید بووە، لە هەمان کاتیش بەهۆی دواکەوتوویی گەلی کورد، هەردەم مشەخۆر (واتە جاش ئیسلامی بووە)، لەسەر سامان و داهاتی جوتیار، کرێکار و زەحمەتکێشانی میللەتی کورد ژیاوە، کە ئەمەش جۆرێکە لە بندیوار و جاشێتی.
ئەو، لە ناوەڕاستی هەشتاکانی سەدەم بیستەم دوو فەوجی جاشێتی لە حکومەتی بەعس وەرگرت، یەکەمیان بەناوی خۆی بووە بە ژمارە (257)، دووەمیان بەناوی هەڵگوردی برای کە ژمارەکەی (83) بوو. بیستوومە کە فەوجێکی تری هەبووە بەناوی (عەزیز شێخ نوری)، بەڵام ماوەی چەند ساڵێکە بەدوایدا دەگەڕێم و بەگوێرەی بەڵگەنامەکان نەمتوانی هیچ زانیارییەک وەرگرم، بۆیە هیوادارم هەر کەسێ زانیاری لەسەر فەوجی ئەو (عەزیز شێخ نوری)یە هەیە، هاوکاریم بکات و زانیارییەکانم بۆ بنێرێت.
تەنانەت شێخ عەبدولکەریمی باوکیشی، لە ساڵانی (1974-1975) سەرۆکجاشی حکومەتی بەعسی عەفلەقی بووە و شانبەشانی جاشەکانی (74-75) شەڕی شۆڕشی کوردیان کردووە.
فه‌وجی (257)ی محه‌مه‌د شێخ عه‌بدولکه‌ریم عەبدولقادر به‌رزنجی، به‌شداری ئه‌نفاله‌کانی (3+4)دا کردووه‌. به‌شداری ئه‌نفالکردنی دانیشتوانی گوندو ناوچه‌کانی چه‌مچه‌ماڵ و سه‌نگاوی کردووه‌، که‌ ده‌کاته‌ هێرشی ئه‌نفالی (3).
حەمەی شێخ عەبدولکەریم، دوای بڕیاری ژمارە (199)ی ڕۆژی (6.9.2001)ی ئەنجومەنی سەرکردایەتی شۆڕش (مجلس قیادة الثورة)، سەبارەت بە گۆڕینی نەتەوە لە کوردەوە بۆ عەرەب، خۆیی و کوڕو نەوەکانی هەموویان خۆیان کرد بە عەرەب.
شێخ محه‌مه‌د عه‌‌بدولکه‌ریم عەبدولقادر به‌رزنجی، سه‌رۆکجاشی فه‌وجی (257)ی جاشه‌ سووکه‌کان، لە دادگای باڵای تاوانەکانی عێراق، بڕیاری دەستگیرکردنی بە ژماره‌ (222) بۆ دەرچووە، بەڵام بەهۆی کەمتەرخەمی حکومەتی عێراق و بەناو سەرکردایەتی و حکومەتی هەرێم، ئەویش وەکو تاوانبارەکانی تری ئەنفال نەگیرا، تا دواتر لە ڕۆژی شەممە، ڕێکەوتی (4.7.2020) لە ئەمریکا مرد.
هه‌ڵگورد شێخ عه‌بدولکه‌ریم شێخ عه‌بدولقادر که‌سنه‌زانی (برا بچووکی ناوبراو)، سه‌رۆکجاشی فه‌وجی (83)ی جاشە سووکەکان بووە.
فه‌وجی هه‌ڵگورد که‌سنه‌زانی، به‌شداری شاڵاوی ئه‌نفاله‌کانی (1+2+5+6+7)ی کردووه‌.
هه‌ڵگورد عه‌بدولکه‌ریم شێخ عه‌بدولقادر که‌سنه‌زانی، له‌ دوای ڕاپه‌ڕین له‌ ڕێکه‌وتی (8.4.1996)دا به‌ بڕیاری ژماره‌ (66)ی سه‌رۆکایه‌تی کۆماری ئێراق (سه‌دام حوسێن) کراوه‌ته‌ ئه‌ندامی په‌رله‌مانی ئێراق له‌سه‌ر لیستی شاری سلێمانی.
هه‌ڵگورد عه‌بدولکه‌ریم شێخ عه‌بدولقادر که‌سنه‌زانی، سه‌رۆکجاشی فه‌وجی (83)ی جاشه‌ سووکه‌کان، بەهۆی بەشداری کردنی لە ژمارەیەک ئەنفال، بڕیاری دەستگیرکردنی لەلایەن دادگای باڵای تاوانەکانی عێراق بە ژماره‌ (390) بۆ دەرچووە، بەڵام ئەویش وەکو تاوانبارەکانی تری ئەنفال دەستگیر نەکراوە.
هەر لەدوای مردنی حەمەی شێخ عەبدولکەریم، بەناو سەرکردایەتی کورد، سەرانی پارتە کوردستانییەکان و بەرپرسانی کورد، بە جارێک کەوتنە ماستاو کردن و مامە حەمەیی کردن بۆ بنەماڵەی شێخی ناوبراو و نەهرۆی کوڕی.
لەوە تێناگەم ئەو بنەماڵەیە بەدرێژایی شۆڕشی کوردستان هەردەم سەرۆکجاش، کرێگرتەی حکومەتی داگیرکەری عێراق و دژ بە بەرەی گەل و کوردستان بووینە، کەچی چەندان مانگە سەکردە دوای سەرکردە، بەرپرس دوای بەرپرس، فەرماندەی دوای فەرماندە و ژنی بەناو مارکسی و سیکویلار دوای ژنە فیمینیستەکان، سەردانی نەهرۆی حەمە کەریم-یان کردۆتە نەریت و بێشەرمانە لە ماڵ و دیوەخانی ئەودا قسەی بێمانا دەکەن و ئەوەندەی تر خۆیان بچووکتر و کەم بایەخ تر نیشان دەدەن!
کاتێک کە بەناو سەرانی کورد، بەرپرسانی کوردستان و ژنانی بەناو یەکسانیخواز دەبینم لە سەردانی شێخێکی نۆکەری بەعس، مێشک ژەنگگرتوو و هەڵگری بیری بۆگەنی زیاتر لە (1442) ساڵ بەر لە ئیمڕۆ، بەزەییم بە میللەتەکەم و ئەو شەهیدانەدا دێتەوە کە گیانی خۆیان کردە قوربانی شۆڕشی ڕزگاریخوازی نەتەوەیی کوردستان و ڕزگارکردنی چینی ڕەنجدەر و زەحمەتکێشانی کوردو کوردستان. دڵنیاشم لەوەی سەران و بەرپرسانی کورد بەو سەردانی کردنانەیان هەم خۆیان و هەم حزبەکانیان، ئەوەندەی تر بچوکترو قێزەونتر دەکەن.
تێبینی/ هەر کەسێ دەیەوێت تاگی بکەم، با ئاگادارم بکاتەوە، تا تاگی بکەم. هەموو کەس ئازادن لە دابەشکردن (شێرکردن)، بەڵام بە مەرجی ئاماژەکردن بە ناوی نووسەر و سەرچاوەکە.
هەروەها لەسەر داوای چەند هاوڕێیەکم ئەو پۆستەم کرد، ئەگینا دەمێکە وازم لە پۆستکردنی بابەت، کۆمێنت نووسین و وەڵامدانەوەی کۆمێنت هێناوە. دانانی ئەو پۆستەشم لە فەیسبووک، مانای گەڕانەوەم نییە بۆ فەیسبووک، بەڵکو دوای چەند ڕۆژێک و وەڵامدانەوەی کۆمێنتەکانت، دیسان دووردەکەومەوە.





وێنە

مەسعود پولەکەی پاپای بە ریفراندۆمەکەوە دەنێت
هێزی گەل و هێزی دەسەڵات
دەزگای میت، هاوپەیمانی پارتیی، بزانە چۆن مامەڵەی کورد دەکات
خەو بە دوو قاچەوە دەبینێت