تۆڕه‌كا گه‌نده‌لكارا ل گومركا ئیبراهیم خه‌لیل ئاشكرا دبیت، كۆ چه‌ندین ساڵه‌ گه‌نده‌لییا برێكخستی ئه‌نجامداینه‌ و رێڤه‌به‌رێ گومركێ ژی بێ ئاگه‌هیا خۆ ژتێكه‌لیا بوان را دیاردكه‌ت وفه‌رمانا ڤه‌گولینێ بو هه‌می ئه‌ندامێن تۆڕێ ده‌ردكه‌ڤیت. ده‌زگه‌هێ راگه‌هاندنا TEVDA Press دیڤچوونا هویر بو ڤێ پرسێ كریه‌ ودیار بوویه‌ كۆ ئه‌ڤ توڕه‌ یا رێكخستیه‌ دناڤبه‌را چار ده‌سته‌یێن قوناغێن گومركی دا كۆ هه‌میا رێكه‌فتن كریه‌ كۆ ب كۆم گه‌نده‌لیێ ئه‌نجام بده‌ن. شێوازێ گه‌نده‌لیێ دوو رێك بووینه‌، یا ئێكێ گهورینی پێكهاتا مه‌وادی، واته‌ گهورینا باری ژ ماده‌كێ ب بها بو ماده‌كێ ئه‌رزان، ب مه‌ره‌ما مفا وه‌رگرتن ژباجێ. و شێوازێ دوویێ ژی ئینانا مه‌وادێ بسه‌رڤه‌چوویی (ئیكسپایه‌ر)، وگهورینا كاغه‌زێن فه‌رمی. ئه‌ڤ توڕه‌ ئێكه‌ ژ ده‌سته‌یا خه‌فه‌ریاتێن گومركێ كۆ ژ سێ ده‌سته‌یان ئانكو سێ ده‌وامان پێكدهێت. ژ كارمه‌ند وبه‌رپرسێن (اخراج گمركی) و كارمه‌ندێن هویربین و تومار و باجا ولژنا یاسایی یا گومركێ وهه‌تا وه‌جبا خه‌فه‌ریاتا ئاسایشێ ژی، هه‌می توره‌كا رێكخستی و پێكڤه‌ گرێداییینه‌ و هه‌می ژی هاتینه‌ لادان ل سه‌ر كارێ وان. هه‌ر چه‌نده‌ هه‌ر ئێك ژ حه‌مید عه‌لی رێڤه‌به‌رێ گشتی یێ كۆمه‌ڵگه‌ها بازرگانیا یا ئیبراهیم خه‌لیل و فه‌رسه‌ت خرابی رێڤه‌به‌رێ گومركێ و دكتور موئه‌یه‌د، وه‌سا دیاركریه‌ بو لژنا ڤه‌كولینێ ژڤێ دوسیێ، لێ گومان هه‌نه‌ كۆ برێكا ده‌ستێ دوویێ ڤێ باندا ئیداری ده‌ست دڤێ توڕێدا هه‌بن. دیف پێزانینێن گه‌هشتینه‌ TEVDA Press ئه‌ڤ 11 كه‌سه‌ وه‌ك ئه‌ندامێن ڤێ توڕێ هاتینه‌ ده‌سته‌سه‌ركرن و دورئێخستن ژكاری وهنده‌ك ب كه‌فاله‌ت ئازادكرینه

1 . حاكم حسێن (ابو عه‌لی) - لژنا یاسایی یا گومركێ

2 . حجی عیسام - پارێزه‌ر. لژنا یاسایی یا گومركێ

3 . پارێزه‌ر ئه‌ڤراز - لژنا یاسایی یا گومركێ

4. عزیز سپینداری - راوێشكارێ حه‌مید عه‌لی

5. ئه‌مین كوخی - به‌رپرسێ شوعبه‌كێ

6. هه‌وار به‌رواری - كارمه‌ندێ باج و تومارێ

7. مێهڤان سندی (ابو ره‌مو) - ئاسایشا گومركێ

8. فوئاد گولی - ئاسایشا گومركێ

9. ئالان زێباری - ئاسایشا گومركێ

10. سه‌لیم .... وه‌كیل ئیخراجی

11. مه‌سعود ..... وه‌كیل ئیخراجی