هەواڵ

دابه‌شكردنی‌ مووچه‌ی‌ مانگی‌ سێی‌ فه‌رمانبه‌ران لە مانگی هەشت !

Saturday, 08.08.2020, 10:28 AM

لە کاتێکدا موچەی مانگی سێ پاش چوار مانگ و نیو دابەشدەکرێت، ماڵپەڕەکانی دەسەڵات و حیزبە وابەستەکانیان و پیاوانی حیزبەکانی وابەستە بە دەسەڵات قسە لە خۆشحالی دەکەن و لە پاڵ ئەو خۆشحاڵیەدا چەندین ئەگەری ڕەشی تر دەخەنە ڕو .

د.شێركۆ جه‌وده‌ت سه‌رۆكی فراكسیۆنی یه‌كگرتووی ئیسلامی له‌ په‌رله‌مانی كوردستان به‌ ماڵپه‌ڕی‌ فه‌ڕمی‌ حزبه‌كه‌ی‌ دا دەڵێت: "له‌ ئێسته‌دا پێشبینیه‌ك هه‌یه‌ كه‌ هه‌واڵێكی دڵخۆشكه‌ره‌ و له‌م ڕۆژانه‌دا ڕێككه‌وتنێك له‌سه‌ر چاره‌سه‌ركردنی كێشه‌ی مووچه‌خۆرانی هه‌رێم له‌ نێوان حكومه‌تی هه‌رێم و حكومه‌تی به‌غدا واژۆ ده‌كرێت".

د.شێركۆ جه‌وده‌ت ده‌ڵێت: "به‌پێی زانیارییه‌كان حكومه‌تی به‌غدا بڕێك پاره‌ بۆ مووچه‌ ده‌نێرێت و حكومه‌تی هه‌رێمیش له‌ داهاتی ناوخۆ پاره‌ ئاماده‌ ده‌كات و به‌و شێوه‌یه‌ مووچه‌ی مانگی سێی پێ دابه‌ش ده‌كرێت".

سه‌رۆكی‌ فراكسیۆنی‌ یه‌كگرتوو راشیگه‌یاند كه‌ "تا ئێستا ڕوون نیه‌ كه‌ مووچه‌ی ته‌واوه‌تی دابه‌ش ده‌كرێت یاخود به‌ لێبڕینه‌وه‌ ده‌بێت و پێشبینی ئه‌وه‌ش ده‌كرێت مانگانه‌ مووچه‌ له‌كاتی خۆیدا دابه‌ش بكرێت".

هه‌رچه‌نده‌ پێمانناوه‌ته‌ مانگی‌ هه‌شت، به‌ڵام تا ئێستا حكومه‌تی‌ هه‌رێمی‌ كوردستان ده‌ستی‌ به‌ دابه‌شكردنی‌ مووچه‌ی‌ مانگی‌ سێ‌ نه‌كردووه‌ و هیچ واده‌یه‌كیش به‌ فه‌ڕمی‌ رانه‌گه‌یه‌ندراوه‌

ئەو بابەت و هەواڵانەی کە ناوی نووسەرەکانیان دیار و ئاشکرایە، تەنیا
نووسەرەکەی بەرپرسیارە، نەک تەڤداپرێس

تەڤدا پرێس