لە پەیوەندییەکی تەلەفونیدا سەرچاوەیەک لە نێو دەزگای پاراستن، زانیریی بە کوردستانپۆست و تەڤداپرێس دا و ئەو نهێننیەی ئاشکرا کرد، کەوا موشەکبارانی هەولێر لە لایەن ئێرانەوە، رۆژی  13 / 3 / 2022 گەمەی پارتیی بووە، کە بۆ پشگیریی ئێران بۆ ئەوەی پێگەی لە بەغدا بە هۆی ئێران و شیعەکانی عێراقەوە بەهێز بکاتەوە، کۆمەڵێک زانیاریی هەستیاری بە ئێران داوە.
شایانی باسە دوێنێ لە بەرەبەیانی یەکشەممە (13 / 3 / 2022)، سوپای پاسدارانی ئێران 12 مووشەکی ئاراستەی باکووری سەنتەری شاری هەولێر کرد

سەرچاوەکەی نێو دەزگای پاراستن، ئەوەی راگەیاند، کەوا پارتیی بۆ خۆی زانیارییان لەسەر کارمەندانی ئیسرائیل بە ئێرانییەکان داوە، کەوا لە ماڵی شێخ باز،  کارمەندی ئیسڕائیلی تێدایە، بۆیە ئێران موشەکەکانی ئاڕاستەی ئەو شوێنە کردووە، سەرەنجام دوو ئیسڕائیلی کوژراوە و سیانیش بریندار بووە.

سەرچاوەکەی نێو دەزگای پاراستن، ئەوەی بۆ پشتڕاستکردینەوە، کەوا  بنەماڵەی بارزانی بەمە ویستوویانە بە تیرێک دوو نیشان بشکێنن، یەکەم زانیاریان بە ئێرانییەکان داوە، تا لەو رێگایەوە متمانەی خۆیان لای ئێرانییەکان بگەڕێننەوە.

دووەم پیشانی ئەمەریکا و رۆژئاواشی بدەن کەوا مەترسییان لەسەرە، چونکە ئەو دەوڵەتانە وەکو جاران وازیان لە پشتگیری پارتیی و بنەماڵەی بارزانی هێناوە. بەمەش وا بکەن جارێکی دیکە پەیوەندیی رۆژئاوا و ئەمەریکا لەگەڵ پارتیی دروست بکەنەوە. بەو بۆنەیەوە مەسرور بارزانی  بە فەرمی داوای لە ئەمەریکییەکان کردووە، تا یارمەتییان بدەن، بە پاساوی ئەوەی مەترسییان لەسەرە.

وەکو سەرچاوەکە دەڵێت ئیسرائیلیش لە لایەن خۆیەوە ئیستا کەوتۆتە لێکۆڵینەوە، گومانی هەیە،   دەستی پارتیی تێدا بێت، کە رەنگە ئەوان زانیارییان بە ئێران دابێت، چونکە لە کاتی موشەکبارانی هەولیردا نێچیر لە تورکیا و مەسروریش لە دهۆک بووە. هەروەها کەسوکار و ماڵ و مندالەکانیان لە سەری رەش نەمابوون، چوبوونە گوندی دورێ، مەسعودیش بۆ خۆی لە سەری رەش لای مزگەوتەکە کە لە ژێر زەوی سەنتەرێکی خۆشاردنەوەی (مەلجەئـ) تۆکمەی تێدا دروستکراوە، لەوێ خۆی ماڵاس داوە.
ئیسڕائیلەکان بەڵگەی وایان بەدەستەوە نییە، بۆیە  سەرچاوەکە  جەختی لەسەر ئەوەش کردەوە، کە رەنگە جارێکی دیکە ئێران موشەکبارانی هەولێر بکاتەوە، تا گومان لەسەر پارتیی بڕەوێنێتەوە، لەو بارەیەشەوە موسەوی ئەوەی پشتڕاستکردەوە.