ته‌ڤداپرێس راگەیاندنێکی سەربەخۆیە، کار بۆ دەرخستنی راستیی و تاوانی دەسەڵاتی ستەمکار دەکات

وتار

خالێن تایبه‌تێن ژیانا مامۆستاێ ئایینی شڤان سەعید بەڕۆشکی

(115 بینراوە)   | Thursday, 11.03.2022, 07:37 PM |



مامۆستاێ ئایینی شڤان سه‌عید ل 24ێ ته‌موزا ساڵا ١٩٨٤ ل گۆندێ بەڕۆشکا سەعدوون ل دەڤەرا دوسکییان ژ بنەمالەیەکا کوردپەروەر و ئۆلدار ژ دایک بوویە.
د قۆناغا كۆچ و ده‌ربه‌ده‌ریا گشتی یا ل 8ێ ته‌باخا ساڵا ١٩٨٨ ماڵباتا شڤان سه‌عید ژی به‌ر ب باكورێ كوردستانێ ئاواره‌ دبن و ل ئوردیگایێ (ئاشیتێ و مێردینێ) ئاكنجی بوینه‌،  هه‌م ژی پشتی ڤه‌گه‌ریانا به‌ ب باشورێ كوردستانێ ل کۆچا ملیونی یا ساڵا ١٩٩١ دیسا به‌ر ب باكور ئاوارەبووینە و ل (دەشتانێ و چەلێ) ئاكنجی بوینه‌،  شڤان سه‌عید ھەتا قوناغا دوێ سه‌ره‌تایی یا خوه‌ندنا خوه‌ ل دەربەدەریێ بدوماهیك دئینیت.
خواندنا خوه‌ بدوماهك دئینیت و باوەرنامەیا دبلومێ ل پەیمانگەھا تەکنیکی ل پشکا (ڕێپیڤانێ ـ مساح) ل دهۆكێ وەردگریت.
ل ساڵا ٢٠١٠ پاشی باوەرنامەیا دبلومێ ب خواندنێن ئیسلامی ل پەیمانگەھا دھۆک وەرگرتییە و ل ساڵا ٢٠١٦ باوەرنامەیا بەکالوریوسێ ب شەریعا ئیسلامی وەرگرتییە
ل زانکۆیا ئیمام ئەعزەم ل موسل گۆتاربێژی و پێشنڤێژی كریه‌
پتر ژ ١٥ساڵان ھەر ل قوناغا ئامادەییا گۆتارێن ئایینی ل مزگەفتێن دەوروبەرێن دھۆکێ خواندینە
ل ساڵا ٢٠١٧ێ پشکداری د کۆنگرەیا زانایێن ئیسلامی دا کر ل وەلاتێ تورکیا و ددەمەکیدا كو هه‌تا پەیڤا کوردستان ل توركیا قەدەغە یه‌، لێ مەلا شڤان د کۆنگرێدا ل سەر ئێک ڕێزیا گه‌لێ كورد و ئێک پارچەییا کوردستانێ گۆتارەکێ پێشكه‌ش كر، باکورێ کوردستانێ ب بەشەک تورکیا نەدانا کو ئەڤه‌ لدەڤ تورکیا ھێلا سورە و ڤێ ده‌ربڕینێ وه‌ك ترۆریستی دزانن كو چ سیاسه‌تمه‌دار و به‌رپرسه‌كێ کورد تا نوكه‌ نه‌كارینه‌ ڕێ بده‌نه‌ خوه‌ ڤێ گوتنێ د ناڤخۆیا تورکیادا بێژن.
پشتێ دورستبوونا ھەڤپەیمانیا دادی و دیموکراتی وەک بەرپرسێ دەڤەردارییا دھۆکێ ھاتە دەستنیشانکرن و پشکداری دچەندین خڕڤەبوون و سمینار و بەڕنامەیێن تلەفزیونی دا کرییە و دوماهیێ ژ ئه‌گه‌را كه‌مترخه‌میا دبارا هه‌لوێست و پێنگاڤێن كارتێكرا هه‌ڤپه‌یمانی ده‌ست ژكاركێشانا دگه‌ل وان ڕاگهاندیه‌.
وەکو مامۆستایه‌كێ ئایینی و كه‌سایه‌تیه‌كێ دیار یێ دەڤەرا دھۆکێ ب مه‌لایه‌كێ نه‌ته‌وه‌یی ھاتیە نیاسین و داییم ده‌وروبه‌رێ وی كه‌سایه‌تێن خودی هه‌لویست و وه‌ڵاتپه‌روه‌ر كۆم دبن، له‌ورا ب مه‌به‌ستا گه‌ف و گڤاشتنان لسه‌ر بێده‌نگ كرنا مامۆستاێ ئایینی شڤان سه‌عید چەندین جاران ژلایێ ده‌زگاێ ئه‌وقافا ئیسلامی و ده‌زگایێن ئه‌منی دهێته‌ بانگ كرن و هێرش لسه‌ر هه‌لویستێ وی یێ كوردایه‌تیێ دهێته‌ كرن.
تا ڕاده‌كێ كو كادرێن ئه‌وقافێ جاره‌كێ دبێژنێ:  به‌س به‌حسا عه‌داله‌تا عه‌مه‌ری بكه‌، به‌حسێ نه‌رماتیا ئه‌بۆبه‌كری بكه
لێ مامۆستاێ ئایینی شڤان سه‌عید ل سەر ھەڵویستێ خۆ یێ نه‌ته‌وه‌یی به‌رده‌وام بوو و ب ڕژدی به‌شداری د چالاكیێن مه‌ده‌نی دا دكرن و ژبۆ داخوازێن لسه‌ر موچه‌و ومافێ ڕه‌واێ خه‌لكێ ده‌ڤێ خوه‌ لسه‌ر ده‌ربڕینا ژ ڕه‌وشا ڕاسته‌قینه‌ نه‌دانا سه‌رئێك و بێ دودلی و بێ ترس لسه‌ر ڕه‌خنه‌كرنا بێ دادیێن هه‌یی پێشه‌نگه‌كێ چالاكیێن مه‌ده‌نی و جڤاكی بوو.
تا كو لدوماهیێ ل سه‌ر ڤی هه‌لویستێ وی یێ وژدانی و كوردانه‌ ژلاێ ده‌ستهه‌لاتێ ژ گۆتار خواندنا مزگه‌فتێ ھاتە لادان
پشتی پشکداری د خڕڤەبوونا 16\05\2020  دا کری ھاتە دەستەسەرکرن و حەفتییەکێ ل گرتیگه‌ها زڕکا ھاتە زیندانکرن
پشتی ھاتییە ئازادکرن جارەکا دی ل سەر گرتنا مامۆستا بەدەل بەرواری بڕه‌نگه‌كێ ڕژد دیسا ھەلویستێ خوه‌ یێ نه‌رازیبونێ بشێوه‌كا مه‌یدانی ده‌ربڕی، له‌وا دیسا ل 23ێ ته‌باخا2020ێ ژلاێ ده‌زگاێن ئه‌منی یێن دهۆكێ ڤه‌ ھاتە ده‌سته‌سه‌ركرن و پاشی ماوه‌یه‌كێ دیسا هاته‌ ئازاد كرن.
-ده‌زگاێێن ئه‌منی یێن پارتی ل دهۆكێ كو وژدانا هشیارا مامۆستاێ ئایینی شڤان سه‌عید وه‌ك مه‌ترسیه‌كێ لسه‌ر خوه‌ دبینن ده‌ستا ژێ به‌رناده‌ن و ل ڕێكه‌ڤتی 22\10\2020 ل ئه‌نجاما ئۆپه‌راسیۆنه‌كا ڕه‌شبگیری دا ژ لاێ هێزه‌كا تایبه‌تا چه‌كدار یا سه‌ر ب پارتی، ب سه‌رۆچاڤێن نخافتی ل سه‌رێ سپێدا وێ ڕۆژێ ب ڕه‌نگه‌كێ نه‌مرۆڤانه‌ و دویری هه‌ر ڕه‌نگێ پیڤانه‌كا ئه‌خلاقی بسه‌ر ماڵا مامۆستاێ ئایینی شڤان سه‌عید دا دگرن لبه‌ر چاڤێ زاڕۆك و خێزانا وی ب لێدان و بێڕێزیه‌كا زۆڕ دناڤا جهێ خه‌وێ ده‌ردخن و بێ كو ڕێ بهێته‌ دان جله‌كێ بكه‌ته‌ به‌ر خوه‌ ب ده‌ست و چاڤێن گرێدایی و خشاندن و راكێشان به‌ر ب جهه‌كێ نه‌دیارڤه‌ دڕه‌ڤینن و تا 2 مه‌هان ماڵبات و خێزان و زارۆكێن وی ب بێ ئاگه‌هداركرنا ل سه‌ر ڕه‌وشا وی د ئه‌شكه‌نجه‌یه‌كا ده‌رونیا گراندا هێلان، هه‌تا كو ل 22\12\2020 ماڵباتا شڤان سه‌عید كارین ئاگه‌هیه‌كێ لسه‌ر ڕه‌وشا وی وه‌رگرن.
پشتی ب ده‌هان روژان ژ بێسه‌رۆشوین بوونا مامۆستا شڤان و هه‌ڤاڵێن وی وكه‌تنا ژێر لێکولینێن تیمەکا تایبەت یا سه‌ر ب ده‌زگاێ پاراستنا پارتی، دوماهیێ ئاشكه‌را بوو كو مه‌لا شڤان ژی وه‌ك به‌شه‌ك ژ هه‌ڤاڵێن خوه‌ ل هەولێرێ زیندانكرینه‌ و ئه‌و ژی وه‌ك هه‌ڤاڵێن وی نێزیكی 2 مه‌هان ل ژوره‌كا تاکە کەسی خستینه‌ بن ئه‌شكه‌نجه‌یێن ده‌روونی و جه‌سته‌یی.
ره‌وشا زوڵما كو ده‌رحه‌قێ شڤان سه‌عید و ماڵبات و زاڕۆك و خێزانێن وی هاتی كرن هه‌تا قۆناغا سزادانا نادادوه‌رانه‌یا وی لسه‌ر ئاسته‌كه‌ جیهانی یا ده‌رڤه‌ و ناڤخوه‌ ب ده‌نگڤه‌دانه‌كا مه‌زن وژدانا مرۆڤاتیێ دا هه‌ژاندن.
ژبەر ئەو زوڵما ل مامۆستا شڤان ھاتیە کرن تا قوناغا سزادانا بێدادیانه‌ ل ھەمبەر دادگەھێ گوتن و هاوارێن بەنازا کچا مه‌لا شڤانی لسه‌ر نه‌بوونا دادپەروەیێ و رۆندکێن مه‌زلومیه‌تا بێ په‌نا بوونا عەیشایا کچا وی یا زاڕۆك کارڤەندانێن گه‌له‌ك مه‌زن یێن ناڤخوه‌یی و جیھانی لێکەفتن كو بۆ ئه‌گه‌را دیفچۆنه‌كا زێده‌تر لسه‌ر بویه‌رێن گرێدای ڤێ دادگه‌هێ و زێده‌تر پێناسه‌بوونا ڤێ مه‌زلومیه‌تێ لسه‌ر ئاسته‌كا گشتی و جیهانی، تا ئاسته‌كێ كو چەندین تابلۆکێشێن کوردستانێ و وڵاتێن ئەوروپی رۆندکێن وان کرن تابلۆ و د پێشانگەھێن نێڤدەوڵەتیدا جهه‌كێ تایبه‌ت دانه‌ خوه‌ و وه‌ك دیمه‌نه‌كێ مێژوویی دێ هه‌ر مینیت..
مامۆستاێ ئایینی شڤان سه‌عید كو خوه‌دیێ دۆ خێزان و 7 زاڕۆكانه‌ ل 16 شوباتا 2021ێ هه‌ڤرێ دگه‌ل هه‌ڤاڵێن خوه‌ ب دادگه‌هه‌كا نه‌دادوه‌رانه‌ و گاڵته‌جاری ب شه‌ش ساڵ زیندان هاته‌ سزادان.
بابێ وی حه‌جی سه‌عید به‌ڕۆشكی پێشمه‌رگه‌یه‌كێ دێرینه‌ كو ڤێ دادگه‌ها كو د ده‌ستێ حزبێ دا دزڤریت و ره‌واتی و سه‌ربخۆییا خوه‌ دۆڕدای ڤاڵاده‌ركه‌تنا كه‌دا خوه‌ یا بساڵان دزانیت، ئه‌ڤه‌ ل ده‌مه‌كێ یه‌ كو ژ ڤێ بنه‌ماڵا كوردپه‌روه‌ر تا نها ژی سێ برایێن مه‌لا شڤانی پێشمه‌رگه‌نه‌ و مامێ وی ته‌ها عه‌مه‌ر و خالێ وی ژی سلێمان محه‌مه‌د هه‌ردووك شه‌هیدن، له‌وا دایك و بابێن مه‌لا شڤان كو هه‌ردووكا خوینا برایێن وان پێخه‌مه‌ت ڤێ بێدادیا هه‌یی ڕژیای نه‌چار بون ب ئازاره‌كا زێده‌تر یا ده‌رونی هه‌دارێ بكه‌ن.
پشتی به‌رده‌وامیا گڤاشتنێن جۆر بجۆرێن ناڤخوه‌یی و ناڤده‌وله‌تی ل سه‌ر سزادانا نه‌دادوه‌رانه‌یا گرتیێن به‌هدینان و به‌یانناما نێزیكی 15 ڕێكخراوێن مافێ مرۆڤ و ناڤده‌وله‌تی و شه‌ش كۆنسولخانه‌یێن جیهانی ماوێ سزادانا هاریوان و هه‌ڤاڵێن وی 60% هاته‌ كێم كرن ژلاێ سه‌رۆكاتیا هه‌رێمێ.

سه‌ره‌ڕای ڤێ مامۆستاێ ئایینی شڤان سه‌عید ژی وه‌ك هه‌ڤالێن خوه‌ یێن دی ب به‌رده‌وامی ژلاێ ئیدارا زیندانێ ب سه‌ره‌ده‌ریه‌كا سیاسیانه‌ ڕوبه‌روی هه‌ر ڕه‌نگێ ڕێگری و ئابلۆقه‌ و پێشێلكاریان دبیت و ژ مافێ خوه‌ندن و به‌شداریكرنا ل خۆلێن ڕاهێنانان و بینینا پارێزه‌ران دهیته‌ بێبه‌ش كرن و سه‌ره‌ده‌ریه‌كا وه‌ك دیله‌كێ شه‌ڕی دگه‌ل واندا دهێته‌ كرن. لهه‌مبه‌ر ڤان بێدادیان ژی هه‌ڤڕێ دگه‌ل هه‌ڤاڵێن خوه‌ و كۆمه‌له‌كا چالاكڤانێن شێلادزێ چه‌ندین جاران ده‌ست ب گره‌ڤا برسیبۆنێ دكه‌ن و دوماهیك جار ب دروشمێ یان مرن یان ئازادی نێزیكی 40 ڕۆژان د ڤێ گره‌ڤێ دا دمینن.  ئه‌ڤ ڕه‌نگێ سه‌ره‌ده‌ریا ده‌ستهه‌لاتا هه‌رێمێ دگه‌ل ڤان ئازادیخاز و ڕۆژنامه‌ڤانان ژی ڕاستیا ئاستا ڕك و كین و ڕویێ ڤه‌شارتیێ پارتی و ده‌زگایێن ئه‌منی یێن بنه‌ماڵا بارزانی دده‌ته‌ ئه‌شكه‌ره‌كرن كو تا چ ئاسته‌كێ كینا وان لهه‌مبه‌ر مه‌لا شڤان و هه‌ڤاڵێن وی زێده‌یه‌ كو هه‌تا پشتی سزادانێ ژی هه‌تا نها ئه‌ڤ رك و كین هێژی به‌رده‌وامه كو ئه‌ڤه‌ ژی دده‌ته‌ سه‌لماندن كانێ تا چ ئاسته‌كێ به‌رامبه‌ر خۆراگری و ئیراده‌یا پۆلایینا گرتی و غه‌درلێبۆیێن به‌هدینان ڕه‌زیل و لاوازن..
ئەم بابەتە بە ڤیدیۆ گرافیک لەم لینکەدا ببینە
https://youtu.be/Dk9-LU77AYw

.

ئەو بابەت و هەواڵانەی کە ناوی نووسەرەکانیان دیار و ئاشکرایە، تەنیا
نووسەرەکەی بەرپرسیارە، نەک تەڤداپرێس





وێنە

دانیشتنی سەرۆکێکی نەخوێنەوار لەسەر مێژوویەکی پڕ لە درۆ
براوەی کۆنگرەی چواردە
ململانێی نێوان بنەماڵەی بارزانی
جاشایەتی ئال بارزانی بۆ ئەردۆغان
تابلۆکانی شەهیدانی قەلەم لەکوردستان

راپرسی

سایتی تەڤداپریست بەلاوە جۆنە؟